Read lugbara E'yo O'beza 1 Bible Online

E'yo O'beza 1 - lugbara bible

E'yo O'beza 1

¹E’yo o’beza Sulemani Daudi mvi, opi Israelinirini ’diyi:

²’Ba ma ni ani ondua imbata be, ’ba ma ama ani geri e’yo vazaniri,

³imbata a’izu geri ’bani azi ’yezu onduasi, e’yo onyirusi, e’yo lizasi, azini e’yo kililirusi;

⁴’ba ondua kokoru ’diyi ma ovu ani ondua be, nita pi fezu karilau dri, e’yo vaza be-

⁵’ba ondua beri ma eri, ma ere nita -erini ani, ’ba e’yo vaza beri ma ca kpere ovuzu egata be onyiru,

⁶eri ma va ani e’yo o’beza ma efi, e’yo ecetaruri be, eri ma va e’yo ’ba onduaru ’diyini, e’yo zizaru yini be.

⁷Ruta ’bani Yehovani ruzuri ovu nita ma e’dozani; te ’ba ondua kokoru ’diyi yi ngu ondua pi imbata be onzi. Imbata onduaniri

⁸Mva mani, mi eri e’yo rili atini rili imbazuri, mi ga mi andri ma imbata si ku;

⁹imbata nde nga ovu oku ndrizaru mi driariru, azini nyoro mi ombeleariru.

¹⁰Ma mvi la, ’ba azi onzi ’yepi ’diyi ka mi bile ewi ra, mi ma a’i ku.

¹¹Yi ka ’yo ra, Mi emu ama be, ama mu te ’ba ari adazu, ama mu ’ba e’yo kokoru ’diyi mbazu toko;

¹²ama oki yi mile be ekile Pari ’ba drazanirini ’ba okilerile, ama oki yi pi ekile ’ba avu sale ’bilea ’diyile;

¹³ama nga afa dria onyiru isu ra, ama nga fe; amani ’diyi ga afa amani opale ’diyisi tre;

¹⁴mi eci ti ama be fo, jurua ama driani nga ovu alu-

¹⁵ma mvi la, rili ma aci yi be geria ku, rili oga pa mini leti yini

¹⁶yi ma pani nzule e’yo onzi vurisi, yi ’ye mbele mbele ari ’bani adazu.

¹⁷A’disiku ’ba ese ’ba ti aria ma miliasi;

¹⁸te ’ba ’diyi yi ari yi ma ngulupini te, yi te yi ma ngulupi ma idri mbazu.

¹⁹’Ba dria alu alu li ’bapi afasi ’diyi ma geri ovu ’dinile; li nderi nga e’i ma idri fu ra.

²⁰Ondua otre okposi geria; eri enga o’duko erini uru gboko walaru ’diyi ma alia;

²¹eri otre pari ’bani yi okuzu turia; pari ’bani efizu kalitilearia indi, eri e’yo erini olu aku amboru ma alia, ’yozu:

²²Emi ’ba nita kokoru ’diyi la, emi nga nitaako le avasi 0’du ngopi ya? ’Ba ’ba edepi ’diyi nga edematara le avasi o’du ngopi ya? ’Ba ondua kokoru ’diyi indi nga nita ngu onzi o’du ngopi ya?

²³Emi ma oja emi, mani egale emi driarisi; emi ndre, ma nga e’yo ma asiari ma eti nze emi dri teketeke; ma nga fe emi ma ni e’yo mani o’yole ’diyi.

²⁴A’disiku ma omve ndra emi ra ’bo, te emi ga si, ma eju ma dri, te ’ba asipini aluni yo,

²⁵te emi ’ba e’yo mani amaleri dria toko, emi leni ma ma ega emi dria aluni ku,

²⁶e’yo ’disi ma mani nga emi ogu ogu o’du emini ovuzu ocoko berisi, ma nga emi ede ede uri ka nga emi bi raria,

²⁷uri emini ka nga eca ekile akulukuni ecalerile, ocoko emini ekile olirikoni ecalerile, o’du imvoni ngazu ecazu emi ruaa asi otiza berisi.

²⁸O’du ’dasi yi nga ma omve, te ma ngani a’i ku; o’du ’dasi yi nga ma nda asi driasi, te yi ngani ma isu ku.

²⁹A’disiku yi ngu ndra nita onzi, yi peni ndra Yehovani ruzu ku,

³⁰yi leni e’yo mani amaleri aluni ku, yi ’ba egata mani egazu yi driari dria aparakaru;

³¹e’yo ’disi yi nga geri yini acizuri ma efi nyani, yi nga ga e’yo yini otule ’diyisi tre.

³²A’disiku asiza vile ’ba ondua kokoru ’diyiniri yi ofu ra, azini asimaruku ’ba azazaru ’diyiniri eri yi ma dri ja ra;

³³te ’ba e’yo mani eripiri nga adri uri kokoru, eri nga adri e’yo ’yaasi, ngani e’yo onzi ru ku.