Read lugbara E'yo O'beza 13 Bible Online

E'yo O'beza 13 - lugbara bible

E'yo O'beza 13

¹Mva onduaruri ati ma imbata eri ra, te ’ba edematara beri erini e’yo ’bani egazu i ma driari ku.

²Aguni nga afa onyiruri nya efi ’yaza i ma tiliarisi, te orindi ’ba ’yepi lokirisi ’diyini nga egana ’ba ari adazuri nya’i.

³’Ba i ma tile ma agei tepiri te ’ di idri ini ma agei ra; ’ba i ma tile zipi walaruri nga dri ja ra.

⁴Ovuou le afa ra, te ti, isuni ku, te ’ba azi ngapi asi driasiri ma orindini nga a’bu ra.

⁵’Ba onyiruri ngu inzo liza onzi, te ’ba onziri eri afa azavurule, eri nga drinza eji.

⁶E’yo kililiruri ’ba ovupi e’yo kokoru geriari ma agei te, te e’yo onzini ’ba onziri ’be va.

⁷’Ba azini indi eri ’ba ima ngulupi afa e’irule, te ovuni afa be ku; ’ba azini indi ’ba i ma ngulupi aliole, te de lonyi erini

⁸Lonyi ’bani ovu idri ’ba nderini ma aroti, te ’ba alioru erini ’bani egazu i ma driari ku.

⁹Diza ’ba onyirurini di ayikosi, te ’ba nga ’ba onziri ma tala inyu ra.

¹⁰Afusi lu agata gaza efuni, te ondua ovu ’ba e’yo amaza eripi ’diyi vu.

¹¹Lonyi ’bani isule geri e’yo tokonisiri nga anu anu, te ’ba afa okupi azi inisiri ma afani nga ezu ezu.

¹²E’yo ’bani teleri ka i dri ici ici, eri fe ’ba asini ovuzu azoru, te e’yo ’bani leleri ka nga eca ra, eri pati idriniri.

¹³’Ba e’yo ’yoleri ’bapi aparakaruri eji dri jata i ma ngulupi ma ruaa, te ’ba azita rupiri nga orodri isu ra.

¹⁴’Ba onduaruri ma azita eri yi a’di idriniri, o’ba kazu ’dezu emba drani ma alia ku beni.

¹⁵E’yo vaza onyiruri asi ndriza feni, te ’ba lokiri beri ma geri ovu otukuturu.

¹⁶’Ba ’yepi egatasi ’diyi dria yi azi ’ye nitasi, te ’ba ondua kokoruri eri Eonduaako ere.

¹⁷Ojio onziri fe ’bani e’dezu e’yo onzi ma alia, te ojio adaruri rua ala ejini.

¹⁸’Ba imbata gapi siri nga alio isu drinza be, te ’ba imbata ’bani egazu i ma driari eripiri nga ovu inzita be.

¹⁹E’yo ’bani asi ’bazu driniari ka i ’ye ’bo, eri aluzaru orindi ’bani dri; te e’yo onzi kuzu jari ovu ’ba ondua kokoru ’diyi dri e’yo yini ngule onziriru.

²⁰Mi aci ’ba onduaru ’diyi be, mi nga di ovu onduaru beni, te ’ba ovupi ’ba ondua kokoru ’diyi be agyiruri nga candi isu.

²¹E’yo onzini ’ba ezata ezapi ’diyi ma vuti droni, te yi nga e’yo onyiru omvi ’ba kililiru ’diyi dri awa’diforu.

²²’Ba onyiruri nga awuruso ku anzi: ini ma anzipi dri, te yi mba ’ba onziri ma lonyi ma ta ’ba kililiruri dri.

²³Nyaka kakau ka amvu ’ba alio-: rurini ma alia, te afa azini ovu ezazaru ’bani e’yo lile kililiru kurisi.

²⁴’Ba i mvini kupi cokokoru kalisi jari ngu eri onzi, te ’ba i mvini lepi rari nga eri co imbatasi.

²⁵’Ba onyiruri nga nyaka nya i ma aleni trazu, te ’ba onzi ’diyi ma aleni nga o’a abirisi.