Read lugbara E'yo O'beza 22 Bible Online

E'yo O'beza 22 - lugbara bible

E'yo O'beza 22

¹Ru onyiru pezuliri aga lonyii amboru pezuri ra, azini asi ndriza isuzu ’ba ma miliari aga dahabu pi mele be ra,

²’Ba afa e’iru ’diyi adri dri fu tualu ’ba alioru ’diyi be; Yehova o’ba yi driani.

³’Ba e’yo egapi onduasiri adri e’yo onzi ndre ra, nga i zi ani ra; te ’ba ondua kokoruri ini aga drile ’dani, eri nga ani candi isu ra,

⁴Orodri ’ba e’yere Yehovani rupirini isuleri eri lonyini, inzitani, azini idrini.

⁵Oci pi gbagba be yi ’ba asi ambo beri ma geria ci; ’ba i ma ngulupi ta mbapiri nga ovu afa ’diyi be ziri.

⁶Mi ezo mva, eri imbazu ofizu geri ’yekeria, eri ngani geri ku ku, kpere erini ngaria draria ti.

⁷’Ba afa e’iruri adri opiru ’ba alioruri ma drilia, azini ’ba afa ’dupi mariruri eri ati’bo ’ba mari fepirini.

⁸’Ba e’yo onzi ripi’iri nga e’yo ewaru lo’i; a kali erini adraniri nga i oja toko,

⁹’Ba mile ururi eri nga asi ndriza isu ra, erini adrile enya ini fele ’ba alioru ’diyi dririsi.

¹⁰Mi ma dro ’ba ’ba edepiri amve, agata gazani nga di fu alu indi, ada, awata piyi nga yi de drinza be ra.

¹¹’Ba asi alaruri lepi, asi ndrizani efuzu tileniari, opini nga eri ’ba i ma agyiru.

¹²Yehova ma mileni ’ba ovupi nita beri ma ta mba, te eri e’yo ’ba asia lokiri berini ’yole ’diyi ogu va.

¹³Ovuou kini, Kami amve ci! Eri nga ma ci kai geria ra!

¹⁴Oku mile aci beri ma tileri ’bile alirurile; ’ba aokoni Yehovani nyazu erisiri nga ’de alenia ra.

¹⁵Onduaako ombe i mva ma asia ci, te kali ’bani mva nde imbazuri nga eri dro eri vusi re.

¹⁶’Ba ’ba alioru ’diyi inzapi i ma isu ani i ngulupi dri lonyi aga rari, azini ’ba afa fepi ’ba afa e’iru driri, alio ngani ece yi ndezu iritro ku. E’yo azizaru ’diyi imbata be

¹⁷Mi co mi bile, mi eri e’yo ’ba onduarurini ’yole ’diyi, mi ’ba mi asi nita mani ma dria;

¹⁸a’disiku eri ayikoru mini e’yo nde ’diyi ma ta mbazu mi asia, yini ovuzu tualu mi tilia ’dani.

¹⁹Ma e’da yi mi dri andre, ada mi dri, mini ani mi asi ’bazu Yehova ma dria beni.

²⁰Ma sini mi dri e’yo onyiru tu, e’yo amaza pini nita be ku ya?

²¹mi ma ni ani e’yo adaru ’diyi yi ovu adaru, mi ma omvi e’yo adaru ’ba mi ti pepi ’diyi vu beni.

²²Mi ma opa ’ba alioru ma afa erini ovule alionirisi ku, mi ma inza vini ’ba candi candiru ’diyi kalitilia ku;

²³Yehovani ngale yi aza kole e’yo liza ma aliarisi, eri nga ’ba yi ma afa opapi okposi ’diyi ma idri opa okposi indi.

²⁴Mi ma ’ba ’ba adraru turi mi agyiru ku; mi ma ad vini ’ba aoko beri be ku,

²⁵mi kazu mi imbazu geri erinirisi ku, azini mi kazu fezu mi bizu gbagbasi ku.

²⁶Mi ma ovu ’ba yi ma dri zipi tobo fezasi ’diyi ma aziru ku, kani ’ba afa toboru fepi ’diyi ma aziru ku indi.

²⁷Mi ka ovu afa azini be ofezu ku, mi fe eri dri gbolo mini lazu driniari pazu a’di e’yosi ya?

²⁸Mi oja lokiri angu awazu drio mi a’bipini ’baleri ma mile ku.

²⁹Mi ndre ’ba azini i ma azi ngapi asi driasiri ra ya? Agu nde nga pa so ’ba opiru ’diyi ma milia, eri ngani pa so ’ba ru kuza kokoru ’diyi ma milia ku.