Read lugbara E'yo O'beza 26 Bible Online

E'yo O'beza 26 - lugbara bible

E'yo O'beza 26

¹Ekile ozoo si emveru be ’dipi ewu anyani kazuirisirile, kani ozoo ’dipi ewu anya lozurisirile, ’dinile inzita sini ’ba ondua kokoruri ku.

²Ekile buruani osale ’dile ’dale ’dolerile, ekile aria eliakoroni salerile, ’dinile trita ’ba trizu e’yo kokoruri rini ’ba dria ku.

³Enyi kali siari akanya amboruri cozu, azini afa ti ombezuri akanya wereri dri, azini kaliri ’ba ondua kokoru ’diyi ma nguku cozu.

⁴Mi omvi e’yo ’ba ondua kokoruri ma ria onduaako erini vusi ku, mi kazu ovuzu erile ku.

⁵Mi omvi e’yo ’ba ondua kokoruri ma ria onduaako erini vusi, eri kazu ovuzu onduaru i ma ngulupi ma milia ku.

⁶’Ba ’ba ondua kokoruri ma ti pepi ojioururi li ’ di i ma pa va, eri vini e’yo ewaru mvu.

⁷’Ba acozaru ’diyi ma pa ’i yi kolokoloru; e’yo o’beza ’ba ondua kokoru ’diyi ma tiliari ovu ’dinile.

⁸Ekile ’ba oniefi ombepi ci baka oni ’bezuri ma aliarile, ’ba inzita fepi ’ba ondua kokoruri driri ovu ’dinile.

⁹Ekile ocini ’ba ewani fuleri ma dri solerile, e’yo o’beza ’ba ondua kokoru ma tiliari ovu ’dinile.

¹⁰Ekile ’ba osu be ’ba dria ogbipi saarurile, ’ba ’ba ondua kokoruri kani ’ba toko agapi gerisi ’diyi ayupi aziari eri ’dinile.

¹¹Ekile oce emvipi ogbe ini vurile, ’ba ondua kokoru onduaako erini amvipi dikari ovu ’dinile

¹²Mi ndre ’ba azini ovupi onduaru i ma ngulupi ma milia ceniri ra ya? ’Ba eco asi ’bazu ’ba ondua kokoruri ma dria aga agu nde ’diri ma driari ra.

¹³Ovuou kini, Kami geria ci! Kami gbokoa ci!

¹⁴Ekile jotileni i ojale afa eciza ini ma driarile, ovuou oja i gbolo ini ma dria ’dini.

¹⁵Ovuou su i ma dri nuu otekua; te eri suni i dri i tilia dika ku, ovuni eri ndelerisi.

¹⁶Ovuou eri onduaru i ngulupi ma: milia aga ’ba aziri ecopi e’yo omvipi asisilesi ’diyi ra,

¹⁷’Ba fipi agata gaza ’ba azinini ma aliari eri ekile ’ba oce agapi geriari ma bi bipirile.

¹⁸Ekile ’ba azazaru alaka ad beri pi ’bepi, ’ye pie, drata pierile,

¹⁹’ba ’ba eri jo ejeliari icipi lokirisi, ’yopi kini, Ma ’do avi avi-ri ovu ’dinile.

²⁰Aci dra ejaakosi; azini ’ba ’ba esupiri ka ovu yo, awatani asi ira.

²¹Ekile acikulu eleru ’bale aciolu driarile, ekile eja ad driarile, ’dinile ’ba agata beri fe awata ma enga aciru.

²²’Ba asu supi oyokolosiri ma e’yo ’yoza yi ekile omutibi aluzarurile; yi fi kpere ’ba ma asia alialeru.

²³Tile aluzaru asi onzi beri si ekile imvu sile odrisi ’bani trile a’dusirile.

²⁴’Ba ’ba ngupi onziri eri ’ba ici i tilesi, te eri lokiri ma ta mba i asia;

²⁵eri ka tro e’yo ’yo alaru ti, mi ma a’i eri ku, a’disiku afa onzikanyaru aziri yi eri ma asia ci;

²⁶nguta erini ka i a’bu ci lokirisi ti, e’yo onzi eriniri nga i e’da mgboru okuza amboru ma milia ndo.

²⁷’Ba awe gapiri nga e’de alenia i’i; te ’ba ka oni ogu ra, oni nde nga emvi be eri dria.

²⁸Tile inzo lipiri ngu ’ba ini candi fezu yi dri ’diyi onzi; ti ’ba inzipi lokirisiriniri dri jaza ’yeni.