Read lugbara E'yo O'beza 27 Bible Online

E'yo O'beza 27 - lugbara bible

E'yo O'beza 27

¹Mi ovu afusi e’yo drusirisi ku, mini e’yo ngapi efupi o’du alu ma aliari nile kurisi.

²Mi ku ’ba azini ma inzi mini, mi ngulupi ma ti ma inzi mini ku; ’ba omururi ma inzi mini, mi tile ma inzi mini ku.

³Oniri nzizaru, azini cinya nzi nzi indi, te ’ba ondua kokoruri ma adra nde yi iritro nzizasi ra.

⁴Adra ma yiki yo, azini aoko eri vini etatani; te a’di eco pa sozaru a’ya ma aliani ya?

⁵’Bani egazu ’ba dria mgboruri eri onyiru aga ’bani ’ba lezu ndindiruri ra.

⁶Agyini adri ebi ’ba ’ba ruaa asi basi, te ari’boni adri ’ba o’de dika dika.

⁷’Ba trapi huruhururi leni anyuoso ku, te ’ba abirini fule kairi dri afa draza okangalikaru ’diyi dria alu alu.

⁸’Ba i ma pari kupi abapi abari si ekile aria jorovu ini kupirile.

⁹Odu efiza pi odu aji be aluzaruri be, yi ayiko fe ’ba ma asia; agu ma agyi e’yo amaza onyiru fepiri eri alu agu nderi dri ’dinile.

¹⁰Mi ku mi agyi azini mi ati ma agyi ku; azini mi mu mi adripi vile akua o’du candi amboruni ecazu mi vurisi ku. ’Ba ma agyi ovupi ogogori eri onyiru aga adripi ovupi ziriri ra,

¹¹Mva mani, mi ma ovu onduaru, mi fe di ma asi ma ovu ayikosi fo, ma ma omvi e’yo ’ba ma o’dapiri ma tia ani.

¹²’Ba e’yo egapi e’yo vazasiri adri e’yo onzi ndre ra, nga i zi ani ra; te ’ba e’yo vaza kokoruri ini aga drile ’dani, eri nga ani candi isu ra.

¹³’Ba ka le afa fe toboru juru ma paria, mi ma ’du bongo ’ba nderini, mi fe ’ba nde afa toboru fepi jurusiri ma de oyo ini soleri ma e’yo ra.

¹⁴’Ba engapi o’biti drio drio asi ndriza fepi i agyi dri o’duko urusiri, ’ba nga e’yoni la eri dri ekile ’ba trizale.

¹⁵Ozoo oyipi zu o’du ozooni ’dizu turiari azini oku e’yo o’yopi kurukuru zuri be yi si yi si si;

¹⁶’ba lepi eri ogapiri oga olini, azini eri ma dri adari nga eri bi nzola ekile odule.

¹⁷Aya pi yi si eji i agyi be; agu pi yi yi eji i agyi be ’dinile.

¹⁸’Ba elio pati ma agei tepiri nga efini nya ra, azini ’ba opi ini ma agei tepiri nga ovu inzizaru.

¹⁹Ekile yi alioni fele agu ma mileni endrelerile, asi ’banini fe agyi ma asini endre ’dinile.

²⁰Pari ’ba drazaniri pi Abadoni be trani ku, azini ’ba ma mile trani vini ku.

²¹Okalamvu ovu dahabu o’bizu, azini aci ’ba oka dipirini ovu mele o’bizu, te yi adri agu o’bi inzita erini vusi.

²²Mi ka ’ba ondua kokoruri pi patisi anya be tualu afa anya sizuri ma alia ti, onduaako eriniri ngani eri ku ku.

²³Mi ndre kabilo mini ma e’yo asi alusi, mi te vini ti mini ma agei asi driasi indi;

²⁴a’disiku lonyi ovuni ’dani ku; oku opiniri nga adri a’bianzi vusi ’dani ra ya?

²⁵’Ba omvu ase vole ’bori ra, azini ase o’diru idu ra, ’ba oku vini ebiko oni ruaari indi.

²⁶Kabiloanzi nga mini afa suza feni, ndri pisi yi adri ani amvu je;

²⁷ndri lesu nga dri fu mi dri nyakaru ’ba mi vile akua ’diyi be ra; eri vini nga ovu idri ezoanzi mini ’diyi dri indio