Read lugbara E'yo O'beza 6 Bible Online

E'yo O'beza 6 - lugbara bible

E'yo O'beza 6

¹Ma mvi la, mi ka afa toboru fe mi agyisi, emi ka emi dri zi e’yo azizu ani’bo ma e’yosi ra;

²mba mi e’yo efupi mi tiliarisi ’bo, bi vini mi e’yo efupi mi tiliarisi ra;

³mi ma ’ye di ’dinile, mva mani, mini mi arizu, a’disiku mi fe mi mi agyi ma dria’bo; mi mu, mi ’ba mi ele matu ’bazu mi agyi vu.

⁴Mi fe mi mile ma ko o’du ku, mi fe o’du koza mi mile ongoro’bi dri ku;

⁵te mi pa mi ekile ovani i pale ’ba za ndapiri ma driarile, ekile aria ’ba ese ’bapiri ma driarile.

⁶Ovuou la mi, mi mu yekea vu; mi ega geri yini, mi ma ovu di onduaru.

⁷Opi amboru yini yo, ’ba yi dri cepi azisiri yo, opi yini vini yo,

⁸te ti, yi adri yi dri nyaka ta mba ku ci ayisi, yi vini nyaka yini oku ewu nyakani kazurisi.

⁹Ovuou la mi, mi nga o’du ko kpere ngopi ya? Mi nga mi oru o’duarisi a’dungare ya?

¹⁰O’du kozu were, o’du kozu kaukau were, dri ekilazu tualu o’du kozu were,

¹¹te alio minini nga emu mi dria oguoule, afaako miniri ekile ’ba sei berile.

¹²’Ba tokoani, ’ba onziri adri aci geria e’yo ’yoza lokiriru be;

¹³eri adri e’yo bi milesi, eri vini e’yo ’yo i pasi, eri e’yo ece i drianzisi;

¹⁴asi amborusi eri e’yo onzi otu etuzu, eri fe agatani i ere ’ba ma eselia;

¹⁵e’yo ’disi ocoko erini nga eca mbeleru coti; eri nga dri ja mbelekocici, aro eri atizuni yo.

¹⁶Afa azia indi Yehovani ngule onzi’diyi, adaru afa aziri ovu onzikanyaru eri ma milia:

¹⁷mile afuru, andre inzo lipiri pi, dri ’ba e’yo kokoruri ma ari adazu ’diyi pi,

¹⁸asi asisile onzikanyaru egapiri pi, pa nzupi e’yo onzi vu mbele ’diyi pi,

¹⁹’ba e’yo eti nzepi inzosi inzo lipiri pi, ’ba fepi agatani i erezu adripi eseleari pie. ’Ba imbazu ma ’ba ali ku

²⁰Ma mvi la, mi mba e’yo mi atini azileri ma ta, mi ku mi andri ma imbata ja ku.

²¹Mi ombe yi ’dani mi asia; mi a’di yi mi ombelea.

²²Mini aciria yi nga mi dri ce; mini o’du koria yi nga mi agei te; mini oruria yi nga e’yo ’yo mi be.

²³A’disiku azitari talani, imbatari dizani, te ’ba ka ega mi dria imbata fezu mi dri, eri geri idriniri’i,

²⁴mi ta mbazu oku saarurisi, e’yo oku mile acirurini ’yole mi inzuzu lokirisirisi indi.

²⁵Mi ma ’ba li mi asia ndriza erinirisi ku, mi fe eri ma ewu mi mileti erinisi ku indi.

²⁶Oku awuouru ’diyi ma e’yosi aguni ofu alioru ovuzu enya sa be a’dule; oku ali o’bapiri eri ’ba ma idri e’yo be amboruri mba fuzu ra.

²⁷Agu eco aci ’ba i agatia bongo erinini vekokoru ya?

²⁸Kani ’ba eco acizaru aciolu ma dria eri ma pa agele ’diyini vekokoru ya?

²⁹’Ba fipi agyi ini ma oku vuri eri ’dinile; agu eri copiri ngani ece e’yo isukokoru ku.

³⁰Oguou ka afa ogu abirini i fulerisi i ma tra beni, ’ba nguni eri onzi ku;

³¹te ka eri isu ra, eri nga mileni omvi paleko aziri; eri nga afa i vile akua ’diyi de dria afa ofezasi ra.

³²Te ’ba ali ’bapi oku azinisiri, onduani yo; ’ba ’yepi ’dinileri i ma ngulupi ma dri ja ra.

³³Eri nga ebi isu i ruaa ru ezaza be, o’data eri o’dazuri ngani liniku.

³⁴A’disiku a’ya ’banini aoko engani, eri ngani ovu yikisi o’du ini aroti ofezurisi ku.

³⁵Eri ngani afa ’ba onzezuri a’i ’de ku, asini ngani ambi ku, mi ka tro eri dri afa ofe kakau ti.