Read lugbara E'yo O'beza 9 Bible Online

E'yo O'beza 9 - lugbara bible

E'yo O'beza 9

¹Ondua si i vile jo ra, ga vini pati i’diaferu aziri ’bo.

²Eri oli anyapa ini ’diyi ra, eri osa patiefi su ini ’bo, eri ede mesa ini ku ngonde indi.

³Eri ope ezoanzi ini ’diyi ma ti amve aku amboru ma esele nguru ’diyia, oyuzu kini:

⁴’Ba azini ka ovu ondua kokoru, eri ma efi ’ dia! eri ’yo ’ba e’yo vaza kokoruri ma tia,

⁵Mi emu, mi nya enya mani, mi mvu patiefi su mani osale ’bori.

⁶Emi ’ba ondua kokoru ’diyi, emi ku aza ja, emi ovu di idriru ani, emi aci geri e’yo vazaniria.

⁷Yi nga ’ba egapi agu edematararuri ma driari o’da o’da, azini ’ba egapi ’ba onzi ma driari nga ru onziri isu ra.

⁸Mi ega agu edematararuri ma dria ku, kazu mi nguzuonzi ku; mi ega ’ba onduaruri ma dria,mu: eri nga ani mi le le.

⁹Mi fe imbata ’ba onduaruri dri, eri nga di ani ovu onduaru aga ra; mi imba ’ba kililiruri, eri nga di ani zo onita ma alia drile.

¹⁰Ruta ’bani Yehovani ruzuri eri ondua ma e’dozani; azini nita ’bani Mungu Alatararuri nizuri eri e’yo vazani,

¹¹Masi o’du mini nga yi ere kakau, azini eli mini adrizu ’diyi nga ezu drile drile.

¹²Mi ka ovu onduaru, mi ovu onduaru e’yo mi ngulupinisi; mi ka ovu edematararu, mi vuni nga e’yoni isu mi’i.

¹³Oku ondua kokoruri adri e’yo o’yo o’duko urusi; eri ovu e’yo vaza kokoru, eri nini e’yo aluni ku.

¹⁴Eri ri i vile jotilea, ’bili dria pari ngururu akua ’diyia,

¹⁵eri ma omve ani ’ba agapi geria ’diyi, ’ba mupi kililiru geri yirua ’diyi, kini,

¹⁶’Ba ka ovu ondua kokoru, eri ma, efi’dia! Azi eri ’yo ’ba e’yo vapi kuri tia,

¹⁷Yi mvuza ’bani oguleri alu alu; enya ’bani nyale oyokolosiri eri ayikoni tu.

¹⁸Te agu nde nini kini ’ba draza ’dale ci, azini wa’di oku ndeni yi ango va aliru Pari ’ba drazaniri ma alia, ’dini ku.