Read lugbara Eklesiaste 7 Bible Online

Eklesiaste 7 - lugbara bible

Eklesiaste 7

¹Ru onyiru aga odu efiza arikariru aje nyapi turi ra; o’du draniri aga o’du ’bani osizuri ra.

²Muzu ’ba awu owupi ’diyi ma joa aga muzu ’ba omu ’bapi ’diyi ma joari ra; e’yo nde eri asiza ’ba driani, te ’ba idriru ’diyi aga e’yo nde ’ba yi asia.

³Candi aga oguta ra, a’disiku candi miliari eri asi ’ba onyiru.

⁴’Ba onduaru ma asi ovu ’ba awu owupi ’diyi ma joa; te ’ba ondua kokoru ma asi ovu ’ba oguta ogupi ’diyi ma joa.

⁵Imbata ’ba onduaru ’diyini egazu mi driari erizuri ovu onyiru aga ’bani ’ba ondua kokoru ’diyi ma ongo erizuri ra.

⁶A’disiku ’ba ondua kokoru ’diyi ma oguta ovu ekile eja ocirurini ofile imvu ma etiarile; e’yo ’diri indi eri e’yo tokoru.

⁷Ada afa pazu okposiri fe ’ba onduaruni azazu ondua kokoruni, afa ’ba ti razuri ja e’yo vaza ma dri ra.

⁸Afa ma asiza aga e’dozaniri ra; ’ba asi teza beri aga ’ba asi afururi ra,

⁹Mi fe mi asini ovuzu adrasi mbele mbele ku, adrani ovule ’ba ondua kokoru ’diyi ma agatiarisi.

¹⁰Mi ma ’yo kini, O’du drio ’diyi onyiru aga o’du curu’do ’diyi ra a’disi ya? ’dinini ku, mini e’yo ’diri zile onduasi kurisi.

¹¹Ondua ma onyi si i awuruso ma onyile, ada, eri onyiru aga tu ’ba etu ndrepi ’diyi dri.

¹²Te onduani ’ba ta mba ekile lonyini ’ba ta mbalerile; te nita ovu onyiru e’yo ’disi aga ra, erini ’ba endua beri ma idri ta mbalerisi.

¹³Mi ega azi Munguni; a’di eco afa Munguni edele goligoliru ’bori otuzu kililiruni ya

¹⁴O’du afani efuzu trerisi mi ma ovu ayikosi, te o’du ocokonisi mi ega e’yoni; Mungu oti o’du ’diyi iri tro oti oti, ’ba ma eco ani e’yo ngapi ovupi eri vutiari ndazu nizu ku beni.

¹⁵Ma ndre e’yo ’diyi dria o’du e’yo mani tokoru ’diyinisi; ’ba kililiru indi dri japi e’yo kililiru ini ma aliari, azini ’ba onzi vini indi i ma idri ta mbapi 0’du izu azi onzi inisiri,

¹⁶Mi ma ovu onyiru aga, tu ku, mi ma ovu onduaru aga ku indi; mi le mi ngulupi dri ja a’disi ya?

¹⁷Mi ma ovu onzirikanyaru tu ku, azini mi ma ovu onduai kokoru ku indi; mi le dra de nga: ewu mini cani ku a’disi ya?

¹⁸Eri onyiru mi ma bi e’yo ’dini ra, ada mi ma nze mi dri e’yo ’dari ma aliasi, ku; a’disiku ’ba Mungu rupiri nga efu e’yo ’diyi ma aliasi dria.

¹⁹Ondua eri okpo fe ’ba ondua-E runi aga ’ba ’ba dri cepi akua mudri. li ’diyi ra.

²⁰Ada, ’ba kililiru nyakua e’yo! onyiru ’yepi e’yo ezapi kuni yo.

²¹Azini indi, mi ma ’ba mi asi e’yo dria ’bani ’yoleri ma dria ku, mi kazu ati’bo mini emu erini mi otriria ku;

²²a’disiku mi ni mi asia kini pale kakau mi otri ’bai azini alu indi.

²³Ma o’bi e’yo ’diyi onduasi; ma ’yo ra, Ma nga onduaru; te eri ovo ma vu ziri

²⁴Afa ovupi ziri aliru ruri, a’dini eco eri isuzaruni?

²⁵Ma oja ma ra, ma imba ma asi e’yo nizu, e’yo ndazu, ondua pi ndruzu e’yo ndu ndu ma efi be nizu kini e’yo onzi eri e’yo ondua kokoroni, azini e’yo ondua kokoruri eri e’yo azazaruni.

²⁶Te ma isu afa azini aga drata okangaliri ra, ada, eri okuni asini ovuzu kuruso pile emba beri, eri ma dri anzirikeleri’i; ’ba ayiko fepi Mungu driri nga apa erisini, re eri nga ’ba e’yo onzi ’yepiri bi ci.

²⁷Mi ndre, ma isu e’yo ’diri ra, ’Ba e’yo olupiri ’yo ra, mani e’yo alu o’biria e’yo aziniri be,

²⁸kalafe ma: asisileni ndale nga ’dani te mani isule nga kuri ndaria. Ma isu ’ba alu ’ba alifu alu ma eselia, te ’ba ’diyi ma eselia dria ma isuni oku ku.

²⁹Mi ndre, ma isu kiri e’yo ’diri: Mungu ’ba ndra ’ba ovuzu kililiruni, te ’ba yi ndru e’yo lokiriru karakarau ’diyini.