Read lugbara Ongo Sulemanini 2 Bible Online

Ongo Sulemanini 2 - lugbara bible

Ongo Sulemanini 2

¹Ma ovu patifu Saroniari, ma ojo e’buari’i.

²Kile ojo oci ma eseliarile, odrua mani leleri ovu ezoanzi ma eselia ’dinile.

³Ekile malaa pati asea ’diyi ma eseliarile, agu mani leleri ovu karile ma eselia ’dinile. Ma ri va eri ma endria ayiko amboru be, efi erini alu ma tilia tu,

⁴Eri eji ma jo omu nyazuria, eri ma bendera ma driari letani,

⁵Mi fe okpo ma dri zabibu ’wizasi, mi omi ma asi malaasi; letani ma fule azorurisi.

⁶Eri ma dri ejiri ovu ma dri ma etia, dri ndirisi eri amvu ma ci!

⁷Ma fe emi oyo so, Yerusalemu ezoanzi la, ova piyisi nyajo asea ’diyi be, emi ma fe letani engazu ku, emi ma oru eri ku, de nga eri lenini ku.

⁸O’duko agu mani lelerini! Mi lu, eri emu ombuzu oni ambo ambo ’diyi ma dria, otizu oni were were ’diyi ma dria indi.

⁹Agu mani leleri si kile ova, kani oborojo mvale. Mi lu, eri pa so ama vile abi ma ngukua, eri angu lu derisasi, e’dazu talanisi ceo

¹⁰Agu mani leleri olu ’yo ma tia kini: Mi enga, odrua mani leleri, odrua mani ndripi tori, mi efu emu ma vu;

¹¹te mi lu nga, ewu egbeniri aga ’bo, ozoo ati ’bo, de ira.

¹²Patifu yi e’da nyaku dria ra, ewu ariani ongo ngozuri eca ’bo, azini o’duko a’balauni ovu di erizaru ama vile angua.

¹³Elio ’yapi wataru ’diyi wa wa, zabibu ’ba fu ’bo; yi ma aji ngu arikariru. Mi enga, odrua mani leleri, odrua mani ndripi turi, mi efu emu ma vu.

¹⁴A’balau mani ovupi oni osiri ma talaari la, ovupi angu zizaru pari gulukuruari ma aliari, mi fe ma ma ndre mi mileti, mi fe ma ma eri mi o’duko; o’duko minini ovule aluzarurisi, mi miletini e’dale ndrizarurisi indi.

¹⁵Mi obi amani obalako yi, obalako nyiri zabibu pati amani ezapi ’diyi; zabibu pati amanini fu ’bale ’borisi.

¹⁶Agu mani leleri ovu mani azini ma ovu erini, eri nyaka fe kabilo erini o’biru ’diyi dri ojo ma eselia.

¹⁷Kpere anguni atiria, endrilendrini afiria, mi oja mi, agu mani leleri, mi ma ovu ekile ovale kani oborojo ma mva oni Beteriari ma driarile.