Read lugbara Ongo Sulemanini 4 Bible Online

Ongo Sulemanini 4 - lugbara bible

Ongo Sulemanini 4

¹Mi lu, mi ovu ndrizaru, odrua mani leleri, mi lu, mi ove ndrizaru! Mi mile si kile a’balaunirile bongo mini ma talaasi. Mi dri’bi ovu kile ndri ongulumuru lapi oni Gileadiari ma kalaa ’diyile.

²Mi si yi ovu kabilo ongulumuru’bani ’bikoni lile o’diru, ibipi efupi yi rua ojiria ’diyile, yi alu a ti ejoru, aluni yi ma eselia mvani drazu drinia rani yo.

³Mi tile ovu kile wizi baka: ekarurile, mi ti ndri tu. Mi o’bolo ovu kile patiefi pomegranateni ma egalepile bongo mini ma talaa.

⁴Mi ombele ovu kile jo izuru Daudini, sile afa ombani ’diyi o’bazu aleniarile, yini gombere o’izu alenia alifu alurile, gombere ’diyi dria ’ba okporu ombaa ’diyini.

⁵Mi ba iri ’diyi ovu kile ovaanzi iri, ovani tile ejoru, iribi nyapi ojo eselia ’diyile.

⁶Kpere anguni atiria, endrilendrini afiria, ma nga tu oni izu ajinguruniria azini oni were obieseniria.

⁷Mi cala ndrizaru, odrua mani leleri; nyebileko mi ruaa aluni yo.

⁸Mi emu ma be engazu Lebano-niasi, amurua mani, mi emu ma be engazu Lebanonia. Mi ndre angu engazu Amana ma driasi, engazu Seniri pi ma driasi Herimoni be, engazu kami ojia, engazu oni izu o’duni ovuzu ’diyia indi.

⁹Mi ’du ma asi ’bo, ma amvipi, amurua maniri, mi ’du ma asi mi mileni ma ndrezu pale alurisi ’bo, nyoro efi alu mi ombelearisi indi.

¹⁰Leta miniri ndri ’doni, ma amvipi la, amurua maniri! Leta mini ma onyi aga patiefi ma suniri ra ’doni ya! Odu efiza mini ma aji ngu: onyiru aga odu dria aji be arikari ’diyi ra ’doni ya!

¹¹Mi tilea, amurua maniri la, anyuosoni rani; anyuoso pi lesu be mi andre etia; bongo mini ’diyi ma nguza kile nguza Lebanoninirile.

¹²Ma amvipi, amurua maniri, eri amvu ageini tole ciri, yi a’di were ’bani tini bile ciri, yi a’di amboru tini opile ciri’i.

¹³Pati idiza mini yi ovu pati pomegranateni sale kakau efi aje be amboru ’yapi ’diyi, pati omvele hinari pi pati arikariru ’diyi be,

¹⁴pati arikariruri pi pari safaroni pie, ekaka pie madalasini pie, pati dria obieseru ’diyi pie, ajinguru pie ojo nzoruri pie, pati dria aji be aluzaru tu ’diyi pie dria-

¹⁵mi yi a’di amvuari, yi gaza yi idriru beri, yi ara rapi Lebanoniasi ’diyi pie dria.

¹⁶Mi enga, oli andraleruri la, mi emu, oli uruleruri la! Mi li amvu mani ma dria, afa erini arikariru ’diyi ma aji ma efu ani. Agu mani leleri ma efi i ma amvua, ma nya patiefi aje be amboru ’diyi ani fo!