Read lugbara Ongo Sulemanini 7 Bible Online

Ongo Sulemanini 7 - lugbara bible

Ongo Sulemanini 7

¹Mi pa ndri katalasi ’doni ya, mi opi ma zi la! Pari mi o’dufasini yi ecizuri ovu nyorole, ’ba azi ngapi onduaruri ma dri pamvule.

²Mi otu si kile okelea wariaru patiefi ma su osazaruni ovuzu alenia trerile, Mi ale ovu kile nganu ’bani drole nguru ojo be ageiniarile.

³Mi ba iri ’diyi ovu kile ovaanzi iri ovani tile ejoru ’diyile.

⁴Mi ombele si kile jo izuru site ewasisirile. Mi mile ovu kile yi atiza Hesibonia kalitile Bati-rabimuari ma tiarile. Mi omvu ovu jo izuru Lebanonia ti fepi Damasiki vulerurile.

⁵Dri mi dria ururi si kile Karimelile, dri’bi mi driari ovu kile bongo okalakokalarurile; bi opini ati’boru dri’bi nde ma efisi,

⁶Mi ndri ’doni, azini mi ayikoru ’doni, odrua mani leleri la, e’yo ayiko fepi ’ba asia tu ’diyisi.

⁷Mi wura ’diri si kile itu patile, azini mi ba ovu kile zabibu ma efi ngulungulururile.

⁸Ma ’yo ra, Ma nga tu uru itu pati sia, ma nga arakalani obi. Mi ba ma ovu zabibu efi ngulungulururile, ava ’yaza mini ma ngu kite malaale.

⁹Mi tile ma si kile patiefi ma su onyiru tu sipi va e’yere ’ba mani leleri dri, fipi ’ba o’du kopiri ma tilia onzokonzorile.

¹⁰Ma agu mani lelerini, leta avasi eriniri ovu ma vu.

¹¹Mi emu, agu mani leleri, ama ma mu amvua, ama mu nga te aku ’diyi ma alia;

¹²ama ma enga mu o’bitisi drio drio amvu zabiburiia, ama ma ndre kani zabibu pati ’ba fu emi ’bo ya, kani funi aja yi ’bo yani, kani pomegranate ’ba fu ’bo yani. Ma nga leta mani fe mi dri ’dale.

¹³Pati agofukuru ma aji ngu ra, azini otile amania pati efi ndrizaru ’diyi yi dria indi, o’diri pi okuri be, mani ta mbale mini ’diyi, agu mani leleri la.