Read lugbara Ongo Sulemanini 8 Bible Online

Ongo Sulemanini 8 - lugbara bible

Ongo Sulemanini 8

¹Mi ka te ovu ma adrizi ndra ma andri ma ba ndrupiri’ini, eri teo: onyiru tu! Mani te mi isuria amve, ma te nga mi zi o’bolo ndruzasi, ada, ’ba ngani te ma aji di onzi ani ku,

²Ma te nga mi dri ce, mi ejizu ma andri vile joa, te eri nga ma imba ra. Ma te nga fe mi ma mvu pati pomegranate ma su osale afa arikarimri beri,

³Eri ma dri ejiri te nga ovu ma dri etia, drini ’ndirisi eri te nga ma amvu

⁴Ma fe emi oyo so, Yerusalemu ezoanzi la, emi ma fe letani engazu ku, emi ma oru eri ku, de nga eri lenini ku. Leta eri okporu drale.

⁵A’di enga roko dria, atizu agu erini leleri ma ruaani ya Ma enga mi malaa pati ma etiani, Mi andri ovu ndra mi osiza ma azosi ’dale, ’ba mi osipiri ovu ndra mvaazo be ’daa.

⁶Mi ’ba ma mi asia kile afa ebiza ecetarurile, kile afa ebiza ecetarurile mi letani ovule okpo be dralerisi, ma’yala ovu asi veza okari be kile ’bile ’ba sazurile. Dizani eri aci adadaru ma dizani, aci andre ma mgba engapi Yehova vuri’i.

⁷Yi kakau econi leta inyuzanu ku, yi ti econi vini fe letani abazu ku indi. Agu ka le afa ini joa ’diyi ofe dria leta ma paria ti, yi nga eri ’ba onzomataraniri tu.

⁸Ama amvi gaari indi, te bani egani nga ku. Ama nga ’yi ama amvisi ngoni o’du yini ngazu eri ma e’yo zizurisi ya?

⁹Eri ka te ovu abini ’dini, ama te nga jo izuru si drinia dahabusi; eri ka te ovu jotileni ama te nga mario pati osile ’diyi di ruania’i.

¹⁰Ma abini, te ma ba kile jo izuru sile drinia’diyile; ma si di ani eri ma milia ’ba asi enzaru Isupirile,

¹¹Sulemanini amvu zabibuni be Baali-hamonia ’dale; eri fe amvu nde ku ’ba ageini tepi ’diyi dri; ’ba dria alu alu ma nga silingi dahaburu eji alifu alu alifu alu pati efi ndesi ani.

¹²Amvu mani zabibuni, ma ngulupiniri, ovu ma drilia; Sulemani la, mi nga alifu alu nde ’diyi isu ra, te ’ba efini ma age tepi ’diyi nga yini turu iri ’diyi isu.

¹³Mi ’ba ovupi amvuari, ma agupi ’doyi le mi o’duko eri ra; mi fe ma ma eri eri alu indi.

¹⁴Mi ’ye mbele, agu mani leleri, mi ma ovu ovale kani oborojo mvale oni afa arikarirurini ma dria.