Read lugbara Isaya 12 Bible Online

Isaya 12 - lugbara bible

Isaya 12

¹O’du ’dasi mi nga di ’yo: Ma nga awa’difo fe mi dri, Yehova, a’disiku mi ka ndra ovu ma vu aokosi ti, aoko mini oja i ’bo, azini mi ma asi omi ra.

²Mi ndre, Mungu ovu pata mani; ma nga eri a’i ra, ma ngani ovu urisi ku; te Yehova, ada Yehova ovu okpo mani azini ongo mani indi, eri oja i pata maniru indi.

³E’yo ’disi emi nga yi eko ayikosi yi a’di pataniria.

⁴O’du ’dasi emi nga di ’yo: Emi fe awa’difo Yehova dri, emi omve eri ma ru; emi e’da ’yeta erini suru ma eselia, emi olu e’yoni kini ru erini ovu inzizaru uru tu.

⁵Emi ngo ongo Yehova dri, erini ’yeta onyiru tu agapi ’diyi ’yelerisi; emi ku ’ba ma ni e’yo ’diri angu wudrikuru dria ma alia.

⁶Emi otre okposi, emi oyu uru, mi ’ba adripi Zioniari mi’i, Mungu Alatararu Israelinirini ovule amboru emi eseliarisi.