Read lugbara Isaya 15 Bible Online

Isaya 15 - lugbara bible

Isaya 15

¹E’yo eceza Moabuniri. A’disiku ’ba eza Ari Moabu vileri ini alusi eri ojazu tokoru; a’disiku ’ba eza Kiri Moabu vileri ini alusi eri ojazu tokoru.

²Yi tu uru Bayitia azini Dibonia angu uruleru ’diyia, awu wuzu; Moabu ga lulu Nebo ma e’yosi Medeba be. ’Ba dria fa yi ma dri’bi tuaru, ’ba dria fa yi ma ti’bi va;

³geri yinia ’dale ’ba koliba su yi ma ruaa; jo dri senderuria uru azini geri aritia ’ba dria ga lulu, awu wuzu mindresi.

⁴Hesiboni pi otre uru Eleale be, o’duko yini ca kpere Yahazia; e’yo ’disi ’ba Moabua afa ombani supi yi ruaa ’diyi otre uru; asi erini oya eri ma alia oya oya.

⁵Ma owu ma asia Moabu ma e’yosi; ’ba ’wara erini apa Zoaria, azini Egilati-selisiyaa. A’disiku angu tuza Luhitinia yi tu mindre be; azini geri Horonaimunia yi otre uru dri jaza yini ma e’yosi.

⁶Te ’ba nga yi Nimirimuni ku toko; ase ’wi ’bo, ase ibiru onyu ra, afa ibiru aluni yo.

⁷E’yo ’disi lonyi kakau yini isuleri afa yini ta mbale ci ’diyi be, yi nga yi ji yi pati beri ma tia ’aa’dasi.

⁸Awu ace Moabu ma kala kuru; lulu gaza erini ca kpere Egilaimua, awu erini kpere Beeri-elimua,

⁹A’disiku yi raza Dimonini ga tre arisi; te ma nga afa azini agapiri ji dika Dimoni ma ruaa, kamini nga ovu ’ba Moabuni apapi ra ’diyi ma dria, ’ba acepi jolokoru angu alia ’diyi ma dria indi.