Read lugbara Isaya 16 Bible Online

Isaya 16 - lugbara bible

Isaya 16

¹Emi pe kabiloanzi ma ti ’ba angu dri cepiri vu, engazu Sela ovupi angu didi vuleruria, cazu oni Zioni zinia.

²Te eri nga di eca ’dini, pari ’bani yi raza zozu Arinoniaria, Moabu ezoanzi nga ovu ekile aria abipi abi ’bani jorovu yini ereriarile.

³Mi ama e’yo, mi li e’yo kililiru; mi fe endrilendri mini etu agaari ma bi ekile inisirile; mi zi ’ba ’bani drole amve ’diyi, mi nya ’ba yi erepi ’diyi ma o’di ku;

⁴mi ku ’ba mani ’bani drole ’diyi ma adri mi be; mi ma ovu Moabu dri ekile pari ’bani yi zizu aleniarile ’ba ’ba ma afa opapi ombaari ma e’yosi. Yini ’ba ’ba ma afa opapi rugbusiri ojale tokorurisi, ’ba ezazu de ira, ’ba ja ’ba ’ba inzapi ’diyi ma dri engazu angu ma aliarisi dria.

⁵Yi nga oguna e’yo lizuri fe ma so pa yiki alerurisi, ’ba aluni nga ri drinia e’yo adaru ma alia, hema Daudinia, e’yo lizu azini e’yo liza kililiruri ma e’yo ndazu azini onyi ’yezu mbele mbele.

⁶Ama eri afu Moabuni ma e’yo ra, kini eri afuru tu; adani ama eri asi mbaza erini ma e’yo, afu erini pie; adra erini bee’yo erini ’yole i ipizu ’diyi ovu toko,

⁷E’yo ’disi Moabuni nga lulu ga Moabu ma e’yosi, ’ba dria alu alu nga lulu gao Emi nga wu zabibu ’bani olile ngulu ngulu Kiri-hareseti vile ’diyisi, ekile ’ba yini cole agbakagbarile.

⁸Amvu Hesibonini yini onyule zabibu Sibimani berisi; opi suru ndu nduni yini pati erini onyiru opele ra ’diyi onyolerisi, pari nde ’diyi ca ndra kpere Yazeria, yi ere yi angu didia; eri aja i ma arakala ’bo, yi zo miri tia ’aa’dasi ’bo.

⁹E’yo ’disi ma nga wu mindresi awu Yazerininisi zabibu Sibimani ma e’yosi; ma nga mindre mani osu emi dria, emi’i Hesiboni pi Eleale be; ’bani otreza ombaniri otrele efi kaza mini elisiri pi ma dria anya loza mini berisi.

¹⁰Nze ayiko ra, nze vini nyona engazu amvu nyaka kapi tori i ma aliasi ra; ’ba ngani ongo ngo amvu zabibuni ma alia ku, o’duko ayikoniri vini yo; ’ba patiefi ma su tupiri ngani tu pari ’bani patiefi ma su nzizuria aluni ku; ma fe ongo ’bani ngole pari zabibunini kalerisiri ma de i ra.

¹¹E’yo ’disi asi martini owu o’di cozale Moabu ma e’yosi, ma rua esele alealeruri nga wu Kiri-heresi ma e’yosi.

¹²Eri nga eca ’dini, Moabu ka le i ’ba drile, ka i ande pari uruleruria, eri ka nga fi pari erini edeta edezuria Mungu zizu, eri nga zi ti, eri ngani ceo ku.

¹³E’yo ndra Yehovani ’yole e’yo Moabunisiri eri ’di’i.

¹⁴Te Yehova ’yo curu’do ’bo, kini, De nga eli na agani ku, ekile ’bani ’ba azi ngapi ’diyi ma eli lalerile, yi nga drinza fe diza Moabuni dri, ’ba ongulumuru erini be dria, azini ’ba joloko acepi ’diyi nga ovu lamiru, azini ekile afa tokole.