Read lugbara Isaya 18 Bible Online

Isaya 18 - lugbara bible

Isaya 18

¹Wa wo! Angu opile copi e’yere ovupi yi raza Etiopiaari ma tia ’aa’dasiri;

²ojio ti opepi miri driari, pe yi ti o’bo edele omisi ’diyi ma alia yi mirini dria! Emi ojio mupi mbeleru ’diyi, emimu suru izuro rua be inikiniri vu, suru uri fepi ’dani engazu o’du yini e’dozu andra driorisiri vu, suru afa awapi ’ba dri, afa tupi pasi, yi ma anguni yi razani awaleniri’i.

³Emi ’ba wudrikuruni dria, emi ovupi nyaku drisi dria ’diyi, ’ba ka bendera enga uru oni dria, emi ma ndre ra! ’Ba ka guka vu ra, emi ma eri ra!

⁴A’disiku Yehova ’yo ma tia ’dini: Ma nga adri ciri, ma nga di ndre engazu pari mani ovuzuri ma alia ekile angu alaru ewu dripi etusirile, ekile apurusa andralini angu driza o’du anya lozurisirile.

⁵Te de nga etu lozani ecani ku, fu ka e’de va ’bo, funi i ojaria efi kazaruria, eri nga arakala nyiri oli ili pati rua edezurisi, eri nga arakala yi ajapi tu ’diyi oli ra, nga yi o’du ra.

⁶’Ba nga yi ku dria aria za nyapi oni amboru ma dria ’diyi dri, anyapa asea ’diyi dri indio Te aria za nyapi nde ’diyi nga yi ’ba yi ma nyakaru ayisi, te anyapa asea ’diyi dria nga yi ’ba yi ma nyakaru elisi.

⁷O’du ’dasi yi nga feta eji fe Yehova asikari ongulumuruniri dri engazu suru izuru rua be inikiniri vu, suru uri fepi ’dani engazu o’du yini e’dozu andra driorisiri, suru afa awapi ’ba dri, afa tupi pasi, yi ma angu yi razani awaleniri’i, ’ba nga yi eji pari Yehova asikari ongulumuruniri ma runi ovuzuria, Oni Zioni’i.