Read lugbara Isaya 20 Bible Online

Isaya 20 - lugbara bible

Isaya 20

¹Eli Taritanini efizu Asidodia, o’du Sarigoni opi Asuriaarini eri ti pezurisi, isu eri ’ba omba Asidodi be, bi aku nde ra-

²0’du ’dasi Yehova ’yo Isaya Amozi mvi ma tiarisi ’bo, ’yozu kini, Mi mu, mi ma tru koliba mi opiliari ra, azini mi tru enyiriko mi paari indi; eri nga di ’ye ’dinile, eri aci rua be pililiru, enyiriko paari kokoru indi-

³te Yehova ’yo ra, Ekile ati’bo mani Isayani acile rua be pililiru, enyiriko paari kokoru eli na, ecetaru azini afa osutaru Misiri pi ma dria Etiopia be ’borile,

⁴’dinile indi opi Asuriaari nga ’ba Misiria erini obile ’diyi ji ati’baru, ’ba Etiopiaa erini ojile angu azinia ’diyi be, ’ba o’di pi ’ba oku ’diyi be iri tro, yi ma rua pililiru, enyiriko yi ma paa yo, azini yi ma oro a’bukokoru, drinza fezu Misiri dri.

⁵Azini yi ma asini nga oti tu drinzasi, Etiopia asi teza yini ma e’yosi, azini Misiri afu yini ma e’yosi indio

⁶Te ’ba ovupi angu yi tia ’dia ’diyi nga ’yo o’du ’dasi kini, Mi ndre, asi teza amani ’di’i, amani apale vunia aza koza ndazu ama pazu opi Asuriaari driri. Te ama’i, ama nga di apa ngoni ngoni ya?