Read lugbara Isaya 23 Bible Online

Isaya 23 - lugbara bible

Isaya 23

¹E’yo eceza Turoniri. Emi owu, emi oguru Tarisisini, ’bani eri ezalerisi, ’dini jo yini aceni ku, ’ba fini vini ku! Yi ece e’yo ’diri yi dri engazu angu Kitimua.

²Emi adri ciri, emi ’ba adripi angu miri tia ’diyi, mi ’ba afa ozipi Zidonia zopi miria ’aa’dasi ’diyini fele ga tre afa ndu ndu beri mi’i.

³Miri amboru ma dria eri isu orodri erini ori Sihorini, anya loza yi raza Nilinirisi; ci i ovu suru ndu ndu dri pari cuuniru.

⁴Mi ma ovu drinzasi, Zidoni la, mirini e’yo ’yolerisi, pari okporu miriniri’i, kini, Ma bini nga mvaazo ma aji ku, ma osini anzi ku, ma ezoni vini agupianzi pi ezoanzi be ku.

⁵E’yo kuza ’diri ka nga ca kpere Misiria, yi nga ovu di candisi tu e’yo kuza Turonisi.

⁶Emi aga ’aa’dale Tarisisia, emi oga lulu, emi ’ba ovupi angu miri tia ’diyi!

⁷Aku ayikoru emini eri ’di’i ya? Eli erini enga andra drio, eri ma pa ji ndra eri ’a’azu angu ziria ya?

⁸A’di ega e’yo ’diri Turo aku oku dizani fepiri ma ruaani ya? ’Ba afa ozipi erini ’diyi yi opianzi, ’ba erini afa olepi, ’diyi yi ’ba inzita be nyakua ’diyi.

⁹Yehova asikari ongulumuruni ega e’yo ’dirini, ’dini eri ma tro afu dria ma diza ma onyibi ra, eri ma fe drinza ’ba dria ovupi inzita be nyakua ’diyi dri ani.

¹⁰Mi ma aga angu mini ma eselia! ekile yi miri Nilinirile, mi Tarisisi zi la; ’ba ogazani dika yo.

¹¹Eri eju i ma dri miri dria, eri oya suri ndu ndu ’diyi ’bo; Yehova azi azita e’yo Kananinisi, kali erini abi be okporu ’diyi ezazu teketeke ani.

¹²Azini eri ’yo ra: Mi ngani ovu ayikosi dika ku, mi amurua Zidonini ’bani inzaleri’i; mi enga, mi aga Kitimua, I te di mi ngani ava liza isu ’dale ku.

¹³Mi ndre angu ’ba Kalideyaa ’diyini! Suri ’diri ovu dika yo; ’ba Asuriaari ’ba eri anyapa angu didini ’diyi dri. Yi si jo izuru yini uru, yi ogu jo erini ndrizaru tu ’diyi va, yi eza eri ra.

¹⁴Emi oga lulu, emi oguru Tarisisini ’diyi, ’bani kali abi be okporu eminiri ezale ’borisi.

¹⁵Eri nga eca ’dini o’du ’dasi, ’ba nga Turo ma e’yo avi eli kali aziri, o’du opi aluni vusi. Te eli kali aziri ma vutia e’yoni nga i ’ye Turo vu ekile ongo oku mile ad berisiri ma aliarile:

¹⁶Mi ’du o’di, mi aci aku ageia, mi oku saaru mile aciru ’bani e’yoni avile rari! Mi co o’di onyiru, mi ngo ongo kakau, ’ba ma ega e’yo mini dika ani.

¹⁷Eri nga eca ’dini eli kali aziri ma, vutia, Yehovani nga Turoni andri eri nga di mvi orodri ini vu, azini! eri nga di ali o’ba oku mile aci berile suru nyakuni ovupi angu wudrikuru dria ma alia ’diyi be dria.

¹⁸Afa oziza erini, orodri erini be, nga ovu alatararu Yehova dri; ’ba ngani afa nde ma ta mba lonyiru ku, te afa oziza erini nga ovu ’ba adripi Yehova ma milia ’diyi dri, ’dini yi ma nya fudri, yi ma su bongo okporu onyiru ani indi.