Read lugbara Isaya 27 Bible Online

Isaya 27 - lugbara bible

Isaya 27

¹O’du ’dasi Yehovani nga uri amboru, uri ndripi hwioori fu sei erini okpo be dra fepirisi, uri amboru uri i o’bepi goligoliri be, azini eri nga uri amboru ovupi miriari fu indi.

²O’du’dasi: Amvu zabibuni, emi ma ngo ongo eri dri!

³Ma’i Yehova, ma eri agei te ma’i; ma nga yi da drinia etu dria. Ma nga eri agei te etusi ini be rra, ’ba kazu eri ezazu ku;

⁴adra aciru ma alia yo. Oci pi afa si be ocile ’dini ’diyi be ka te enga omba ’bazu ma be ’yeke! Ma te efu yi ma ruaa, ma te eco yi ove dria dria.

⁵Ka ’dini ku, eri ma bi okpo mani, eri ma eci ti ma be asi anzuru ndazu, ada, eri ma a’i asi enzaru ra.

⁶O’du ngapi ecapi ’diyisi Yakoboni nga ola so, Israelini nga di fu zo, yi nga fe angu wudrikuruni ma mile ma ga tre efi kazasi.

⁷Eri co eri ekile erini ’ba eri copi ’diyi colerile ra ya? Kani ’ba fu eri, ’ba erini fule ’diyi ma kalafe vusi ra ya?

⁸Te were were a’dule, mi ka eri dro ra, mi ga agata eri be; eri enze eri oli erini lipi okposirisi, o’du oli engapi woke etuni efuzuriarini engazurisi.

⁹E’yo ’disi ’ba nga e’yo onzi Yakoboni wu geri ’disi, azini e’yo ’bani ezata erini wuzuri ma efi ’yaza eri ’di’i: eri ka oni pari edeta edezurini ’ba ekile oni ivini ’bani cole nyingirikiarile, ka’dini wura toko omvele Aseriru ’diyi ngani enga dika ku wura etu inzizu ’diyi be.

¹⁰A’disiku aku ’bani ageini teleri ovu a’dule, pari ’bani adrizu aleniari ovu pirini, andruru, ekile angu didiarile; kojamvani nga iribi nya ’dale, eri nga la va ’dale, eri nga patibi eri ma arakalaa ’diyi nya’dale.

¹¹Arakalani ka ’wi ra, ’ba nga yi opi va; okuyi nga di emu yi wu ’bazu acia ani. Suru ’dirini ovule suru ondua kokorurisi; e’yo ’disi Mungu yi ’bapiri ngani di ovu yikisi yi vu ku, te Mungu yi sipiri ngani asi ndriza ece yi dri ku.

¹²Eri nga di eca ’dini o’du ’dasi, Yehovani nga efi erini co va engazu Yi Ara tipi amboruri vu, cazu kpere yi were Misiriaria, te eri nga emi oku emi alu alu, emi anzi Israelini la.

¹³Azini eri nga eca ’dini o’du ’dasi, ’ba nga guka amboru vu ra, azini ’ba ndra ’yepi dri japi angu Asuriaa ’diyi nga emu ra, ’ba ’bani drole amve Misiria ’diyi be, yi nga di Yehovani inzi oni alatararu ma alia Yerusalemua.