Read lugbara Isaya 38 Bible Online

Isaya 38 - lugbara bible

Isaya 38

¹Ewu nde ’dasi, Hezekia nga ovu azoru tu, kpere erini ’yezu drazu kai. Azini nabi Isaya, Amozi mvi, nga emu eri vu, ’yo tinia kini, Yehova ’yo ’dini: Mi azi e’yo jo mini ma alia ’diyi ngonde, a’disiku mi nga; dra ra, mi rua ngani ati ku.

²Hezekia nga di i mile oja abiruaaleru, eri zi di Yehova tia,

³kini, Yehova la, ma matu ’ba mi vu, mi ega di e’yo mani acizu mi drilia e’yo adarusi asi alusi, azini kpere curu’do ma ’ye e’yo ovupi onyiru mi ma miliari. Hezekia nga di wu okposi mindre be.

⁴Etu ’dasi e’yo Yehovani nga eca Isaya vu, kini:

⁵Mi mu ’yo Hezekia tia, Yehova Mungu mi a’bi Daudiniri ’yo ’dini: Ma eri zita mini ’bo, ma ndre vini mindre mini ’bo; mi ndre, ma nga eli mudri drini towi ere o’du mini ’diyi ma dria.

⁶Azini vini ma nga mi pa, aku ’dori be, opi Asuriaari ma dria, ma nga omba ’ba aku ’dori pazu.

⁷’Di nga ovu eceta Yehovani fele ’ mi dri ecezu eri nga e’yo erini azileri ’ye adari:

⁸Mi ndre, ma nga endrilendri esipi va etusi ’bo otufe Ahazini etu o’bizuri ma driari omvi vile pa ’beza mudrisi. Ka’dinile etu nga di emvi vile pa ’beza mudrisi, otufe etu o’bizuri nde erini esizu va, ’bori ma dria.

⁹E’yo Hezekia opi Yudaarini sileri, o’du ndra azo eri ma ruaarini atizu ’boria:

¹⁰Ma ’yo ra, o’du mani ’diyi ma etuni ecazu agaduaarisi, Ma nga fi dra ma ’bile alia; li eli mani ma azi ra.

¹¹Ma ’yo ra, Ma ngani Yehovani ndre ’ba idriru ’diyi vile angua ku;, ma ngani ’ba ndre dika ku ’ba adripi nyakua ’diyi be tualu.

¹²’Du eli mani pari azinia, ’ba ji eri ma vu ziri ekile hema ’ba kabilo ocepiri vilerile; ma tra idri mani ekile ’ba bongo capirini bongo tralerile; eri nga ma li va engazu ala bongo cazuri ma ruaa; engazu etusi cazu inisi, mi nga ma ini teketeke ra;

¹³ma do ma ciri cazu o’bitisi; te eri nyo fala mani dria ekile kamile; engazu etusi cazu inisi, mi nga ma ini teketeke ra.

¹⁴Ma oyu uru o’duko weresi ekile aria elimakoro kani ohwelule, ma wu candisi a’balauni wulerile. Ma lu uru ti, ma mile ande ande. Inza ma tu, Yehova la; mi emu ma onzezu fo!

¹⁵Ma nga di ’yo ngoni ya? Te eri ma ngulupi ’yo e’yo ma tia ’bo, eri ngulupi ’ye e’yo nderini. Ma nga di aci e’yere eli mani ma alia dria candi okporu ma orindinirisi.

¹⁶Yehova, ’ba yi ovu idriru afa nde ’diyisi, orindi mani ma idri ovu afa ’diyi ma alia pi. E’yo ’disi mi onze ma, mi ’ba ma ovuzu idriru fo!

¹⁷Mi ndre, ma ovu ndra candi be okporu ’dini ma ma ni e’yo asi anzuruni ani te mini orindi mani lelerisi, mi pa ma ’bo orindi mani kazu cazu ’bile e’yo mazaniria ku, mini ezata mani dria ’bele mi ngukuarisi.

¹⁸A’disiku pari ’ba draza ’diyini econi mi ru inzizaru ku, drata econi e’yo mini egazaru ku; ’ba sipi va ’bilea ’diyi econi ovu a’itasi e’yo adaru mini ndrezu ku.

¹⁹’Ba idriru, ’ba idriru ’diyi nga mi inzini, ekile mani mi inzile andrurile; anzi atapi yi nga e’yo adaru mini ece idrizu anzi yini dri.

²⁰Yehova ovu ngonde ma pazu, e’yo ’disi ama nga ongo mani ’diyi ongo o’disi o’du amani ovuzu idri berisi dria, jo Yehovaniria ra.

²¹Isu de Isaya ’yo ra, ’Ba ma’du elioefi ’bani ombale ngulururi, ma ombe eri apipi ma dria, eri nga ati ani ra.

²²Hezekia ’yo ndra vini, kini, Eceta mani nizu kini ma nga tu uru jo Yehovania ani adari eri a’dini ’ ya?