Read lugbara Isaya 39 Bible Online

Isaya 39 - lugbara bible

Isaya 39

¹O’du ’dasi indi, Merodakibaladani, Baladani mvi, opi Babuloniari pe waraga ma ti Hezekia vu afa feza be, erini erile kini eri ovu ndra azoru te ati curu’do ’borisi.

²Te Hezekia nga ovu ayikosi e’yo yinisi, nga jo afa lonyi aje amborusiri ma ta mbazuri ece yi dri, dahabu pie, mele pie, afa aji be arikariruri pie, odu aje ambosiri pie, jo afa erini ombaniri ta mbazuri pie dria, afa dria ’bani isule lonyi erini ma eselia ’diyi pie. Afa azini Hezekiani ecele kuri aceni jo erinia, kani angu dria erini nyaleri ma alia aluni ku.

³Vutinia nabi Isaya nga di emu opi Hezekia vu, nga ’yo tinia, ’Ba ’diyi ’yo e’yo ngoni ya? Yi eca di mi vu engazu ngoa ya? Te Hezekia nga ’yo ra, Yi eca ma vu engazu angu ziria, adani engazu Babulonia.

⁴Te eri ’yo ra, Yi ndre afa mi vile joa a’di afani ya? Hezekia nga di omvi e’yo kini, Yi ndre afa dria ovupi ma vile joa ’diyi ra; afa aluni lonyi mani ma eselia mani ecele yi dri kuni yo.

⁵Isaya nga di ’yo Hezekia tia, Mi eri e’yo Yehova asikari ongulumuruni ’yole ’diyi:

⁶Mi ndre, o’duni nga eca ra, o’du nde ma alia afa ovupi mi vile joa ’diyi dria, afa ndu ndu mi a’bipini tani mbale ecazu andru ’diyi, yi nga yi wu ji Babulonia ra; yi ngani afa azini ku aluni ku, Yehova ’yo ra.

⁷Te anzi mini efupi mi ruaa ’diyi, mini ngale tile ’diyi ma eselia, yi nga azini ’diyi wu ji ’dale; yi nga ovu ’ba nzele ranyaru ’diyi opi Babuloniaari vile jo alia.

⁸Te Hezekia nga di ’yo Isaya ma tia, E’yo Yehovani ’yole, mini ’yoleri ovu onyiru. Te eri ’yo vini indi, Asi anzuru pi nga ovu ewu manisi e’yo adaru be.