Read lugbara Isaya 46 Bible Online

Isaya 46 - lugbara bible

Isaya 46

¹Beli avu va, Nebo avu va indi, ’ba ’ba wura yini onzi ’diyi akanya dria, azini ti dria; afa ndra emini ’dule ’diyi ’ba yi teriru, ovuzu teri akanya andepi ’bo ’diyi dri.

²Yi avu va, yi avu va tualu, yi econi teri pazaru ku, te yi’i ma ngulupi, ’ba obi di yi ati’baru ra.

³Emi co bile ma vu, emi ori’ba Yakoboni la, azini emi ’ba jolokoru acepi ori’ba Israelini dri, mani ’dule jile engazu emi andri ma alia, engazu o’du emini efuzu opoarisi ’diyi;

⁴ma eri’i cazu kpere deza tia, vini ma nga emi ’du cazu kpere ozoforoni engaria emi driaria. Ma ’ba ndra emi ma’i, ma nga di emi o’du; adani ma nga emi ji, ma nga emi ari ra.

⁵Mi nga bani ma o’bi trotroni a’di be ya, mi nga ma o’bi ovuzu ekile a’dile ka ya?

⁶’Ba mele fepi avasi engazu jurua yini ma alia, dahabu o’bipi afa nziza o’bipirisi ’dini ’diyi, yi ofe oya onduou mele edepiri dri, eri nga ani adrou ede’i; yi eco yi va, ada yi inzi eri ra!

⁷Yi ’du eri ombetia, yi ji eri, ’ba pari erinia, eri nga di pa so ani; te eri ngani pari erini ku ku. Ada, ’ba azini nga wu eri vu, te eri econi e’yo omvizaru ku, econi vini agu nde pazaru candi erini ma alia ku.

⁸Emi ma dro asisile e’yo ’diri ma dria, emi ece emi ovuzu asi agupinisi, emi ega e’yoni dika, emi ’ba ezata ezapi ’diyi la!

⁹Emi ma ega e’yo oku drio ’diyi; a’disiku ma Mungu’i, andini yo; ma Mungu’i, azini maleni yo;

¹⁰ma ece e’yo ma asiza engazu e’dozaniria, azini ma ece afa yi ’yepi nga ku ’diyi engazu ewu driorisi, ’yozu kini, E’yo amaza mani nga pa soni, ma nga e’yo mani leleri ’ye dria;

¹¹ma omve aria za ocepiri engazu kala etuni efuzuria, agu mani e’yoni egaleri engazu angu ziria. Ada, ma ’yo e’yoni ’bo, ma nga fe eri ma ’ye ira, ma ede e’yo ma asia ’bo, ma nga eri ’ye indi.

¹²Emi co bile ma vu, emi ’ba asi okporu ovupi onyi be re ’diyi:

¹³Ma onyi mani eji ogogo, eri ngani ovu ziri ku, pata mani ngani vini te ku; ma nga pata ’ba Zioni ma alia, Israeli diza maniri dri.