Read lugbara Isaya 7 Bible Online

Isaya 7 - lugbara bible

Isaya 7

¹Eri nga di ecea ’dini o’du Ahazi, Yotamu Uzia mvi ma mvi, opi Yudaarinisi, Rezini opi Suriaari pi Peka Remalia mvi opi Israelini be, yi nga tu Yerusalemua omba ’bazu eri be, te yi econi eri agazaru ku.

²Azini ’ba ’yo ori’ba Daudini ma tia kini, Suria eci i tualu Efiraimu be. Te asi erini nga di oya ani ’ba erini ’diyi ma asi be, oceni oyale olisirile.

³Yehova nga di ’yo o’du ’dasi Isaya ma tia, Mi efu curu’do, mi’i Seari-yasubu! mi mvi be, muzu dri fuzu Ahazi be yi geri ’bani gale yi a’di urulerurini efuzuri ma tini asizuria, gboko ’ba bongo ojipiri ma amvu tiaria,

⁴mi ’yo eri tia, Mi te mi agei, mi ovu di e’yere, mi ru ku, mi fe mi asi ma ovu urisi ku ejati ali iri nyipi acikaru ’diyi ma e’yosi, aoko okporu Rezini pini ’ba Suriaa ’diyi be, azini aoko Remalia mvini.

⁵Suriani e’yo onzi egale mi ruaa Efiraimu pie, Remalia mvi pierisi, kini,

⁶Ama mu uri Yudaa, eri inzazu, ama ma onyo amani abi erini, azini ama ma ’ba Tabeeli mvini opiru eri ma alia,

⁷Opi Yehova ’yo’dini: E’yoni ngani pa so ku, eri ngani vini eca ’dini ku.

⁸A’disiku Suria ma drile eri Damasiki’i,Seari yalubu ma eli ’Ba jolokoru ’diyi ng te Damasiki ma drile eri Rezini’i. (De nga eli kali azia drini towi agani ku, ’ba nga Efiraimuni nyo ra, ’dini eri ngani ovu sururu dika ku.)

⁹Azini Efiraimu ma drile eri Samaria’i, te Samaria ma drile eri ovu Remalia mvi’i. Emi ka a’i ku, adada emi ngani pa so okporu ku.

¹⁰Yehova nga di ’yo Ahazi tia dika kini,

¹¹Mi zi eceta Yehova Mungu mini ma tia; mi zi eceta nde kani nyakua va, kani ’bua uru.

¹²Te Ahazi ’yo ra, Ma ngani zi ku, ma ngani vini Yehovani o’bi ku.

¹³Eri ’yo ra, Emi eri fo, emi ori’ba Daudini la! Emini fezu ’ba andezu eri e’yo wereni, emi le ani fe Mungu mani ma ande indi ya?

¹⁴E’yo ’disi Opi ma ngulupini nga eceta fe emi dri. Emi ne, aliria i ecipi agupi be ngakuri nga mva isu i ma alia, eri nga agimva osi, eri nga runi ’da Imanueli’i.

¹⁵Eri nga lesu kuza mbe anyuoso be, eri ka ni e’yo onzi gazu ’bo, azini e’yo onyiruri pezu ’boria.

¹⁶A’disiku de nga mva nde nini nga e’yo onzi gazu azini e’yo onyiruri pezu ke, yi nga opi iri mini ngule onzi ’diyi ma angu ku toko.

¹⁷Yehovani nga o’du nga ecapi ku engazu o’du Efiraimuni efuzu Yudaarisi ’diyi ji mi dria, suru mini ma dria, mi ati ma ori’ba ma dria indiadani opi Asuriaari’i.

¹⁸Eri nga eca o’du ’dasi ’dini, Yehovani nga onyukonyu ovupi yi raza Misiria ’diyi ma kalaa vile ’daleriari omve, anyuefi angu Asuriaari be o’duko ali cerenisi.

¹⁹Te yi nga emu ra, yi nga ri dria e’bu ’ba kokoru ’diyi ma alia, azini oni ma ojia, oci dria ma dria, nyamuko ma driasi dria indi

²⁰O’du ’dasi Opini nga ’ba fa idrisi, idri erini omvele oyasi angu Yi Raza tia ’aa’dasirisi-ada opi Asuriaari’i-nga ’biko driari fa ’biko paari be, eri nga vini ti’bi fa dria indi

²¹Te eri nga eca ’dini o’du ’dasi, ’ba alu nga tikari ma agei te alu, azini kabilo iri be;

²²te eri nga eca dini, yini lesu fele turisi eri nga lesu kuza mbe’i; te ’ba acepi jolokoru Imanueli ma eli Munguni ama be indio angu ma eselia ’diyi nga lesu kuza mbe anyuoso be, yi dria alu alu,

²³Te eri nga eca ’dini o’du ’dasi, pari dria ndra ovupi pati zabibuni be alifu alu, ajeni sekeli dahabuni alifu alu ’diyi nga ovu oci pi dri afa si be ocile ’dini ’diyi be.

²⁴’Ba nga eca ’dale ’ye pisi osu be, anguni gale tre oci pisi afa si be ocile ’dini ’diyi berisi.

²⁵Oni dria ndra ’bani ’yale e’busi ’diyi, mi ngani ca ’dale ku mini ovule urisi e’yo oci pinisi afa si be ocile ’dini ’diyi berisi; te ’ba yi nga ti oce alenia, azini kabilo piyi nga pari ode otuni.