Read lugbara Isaya 8 Bible Online

Isaya 8 - lugbara bible

Isaya 8

¹Yehova nga ’yo ma tia, Mi ’du oni amboru, mi si drinia kalamu ’banisi, Maheri-salali-hasi-bazi! dri.

²Ma nga ’ba e’yo eti nzepi kililiru ’diyi eji ma vu e’yo eti nzezu indi, yi Uria ’ba edeta edepiri pi Zakaria Yeberekia mvi be.

³Te ma fi oku nabiru vu; eri nga di mva isu ra, eri osi agimvani, Yehova nga di ’yo ma tia, Mi ’da eri ma ru Maheri-salalihasi-bazi’i;

⁴a’disiku de nga mva nini nga wuzu, Ma ata, kani, Ma ayia, ku, yi nga lonyi Damasikiari ji ’dale opi Asuriaari ma milia, afa pale ombasi Samariaa ’diyi be.

⁵Te Yehova nga e’yo ’yo ma tia vini dika kini,

⁶Suru ’diri yini yi Siloaa rapi e’yereri gale sirisi, azini yini ovule ayikosi Rezini pi ma e’yosi Remalia mvi berisi;

⁷e’yo ’disi, mi ne, Opini nga di yi yi Arani rapi okposi amboruri eji yi ruaa, eri opi Asuriaari diza erini be driari’i; eri nga ti ra pari erini razuria kpere amve, eri nga kuti ini dria aga ra;

⁸eri nga ra drile okposi kpere Yudaa, eri nga ti ra, nga aga geri angu ma aliarisi, eri nga ovu aliru kpere ombele vusi; erini i ma opile oj aria, eri nga ga angu mini ma wala dria, Imanueli la

⁹Emi ma otre taisi, erini suru ndu ndu la, te yi nga emi oco kai kai; emi co emi bile, emi ’ba angu ziria ’diyi dria; emi ma anzu emi opile, te yi nga emi oco kai kai; Maheri-salali-hasi-bazi ma eli Ma pi emi ma anzu emi opile, te yi nga emi oco kai kai.

¹⁰Emi eci ti tualu egatasi, te e’yoni nga eca toko; emi olu e’yoni, te eri ngani pa so ku, Munguni ovule ama berisi,

¹¹A’disiku Yehova ’yo ma tia dri okporusi ’dinile, azini eri imba Iria ra, ma ma aci suru ’dori ma geria ku, ’yozu kini,

¹²E’yo dria ’ba suru ’dirini ngale omvele, Ti eciza ombani ’diyi, emi ma ’yo kini, Eri ti eciza embani ’dini ku, azini emi ma ovu urisi e’yo uri fepi yi dririsi ku, emi ma ru vini ku.

¹³Yehova asikari engulumuru, emi nga eri ’ba alaruni’i; emi ina ovu urisi eri ma e’yosi, emi ma ru eri’i.

¹⁴Eri nga ovu ekile pari alatararule; te ekile kumu ’bani pa sizuri, kani ekile oni abazanile ori’ba Israelini ’diyi dri iritro, ese pile emba be ’ba ovupi Yerusalemua ’diyi dri.

¹⁵Te ’ba kakau nga yi ma pa si drinia; yi nga e’de va, yi nga yi onyo ra nga yi bi embasi, nga yi ’du

¹⁶Mi ombe e’yo eti nzeza mi ebi eceta azita ma dria ci ’ba ma vuti ’bipi ’diyi ma eselia,

¹⁷Ma nga ’Yehova i ma mile zipi ori’ba Yako’bonisi rari te, ma oga lu eri vu.

¹⁸Mi ndre, ma’i, anzi Yehovani fele ma dri ’diyi be, ama ovu ecetaru ,azini taliru Israeli ma alia, engazu Yehova asikari ongulumuruni ovupi ’oni Zioniari vu.

¹⁹Te etu yini ’yozu mi tia, Mi nda ’ba ovupi orindi andri ndripiri be ’diyi, ’ba ojouru e’yo o’yopi o’duko urusi azini o’duko nyiriasi ’diyi be-risi, te onyiruni suru ma nda Mungu yini ku ya? Yi ma nda ’ba idriru ’diyi ma e’yo ’ba ’bilia ’diyi vu ya?

²⁰Yi ma nda azita ma alia e’yo eti nzeza be fo! yi ka e’yo ’yo e’yo ’yoza ’diri vusi ku, adaru angu ngani ati yi ma dria o’bitisi ku,

²¹Te yi nga aga alenia e’yo ewaru ocokoru be azini abiri be; te eri nga di eca ’dini, etu yini ngazu ovuzu abiri berisi yi nga agata ga yi ma eselia, yi nga ’ba o’da opi yini ma rusi, Mungu yini ma rusi indi, te yi nga yi ma mile enga uri;

²²azini yi nga lu nyakua, te rili ndre, candi pi angu iniru pie, angu biza rua suzaniri pie; te ’ba nga yi dro angu iniciciru ma alia amve.