Read lugbara 'Ba Levini 12 Bible Online

'Ba Levini 12 - lugbara bible

'Ba Levini 12

¹Yehova nga di ’yo Musa tia kini,

²Mi ma ’yo anzi Israelini ma tia kini, Oku ka mva ti, ka agupimva osi, eri ma ovu alatara kokoru o’du aziri; eri ma ovu alatara kokoru ekile erini ovule alatara kokoru o’du erini a’bi suzurisirile.

³O’du arorisi ma li mva nde ma agele ma drile.

⁴Te eri ma ovu ’dani kirijoru ari eri ’bazu alaruri be, cazu o’du kali na drini na; eri ma elo afa ’bale ndu alaruri aluni ku, ma efi pari alatararuria ku indi, cazu o’du eri ’bazu alaru ’diyini yi dezuria.

⁵Te eri ka zamva osi, eri ma ovu alatara kokoru sabato iri, ekile o’du erini a’bi suzurisirile; te eri ma ovu ’dani kirijoru ari eri ’bazu alaruri be cazu o’du kali azia drini azia.

⁶Te o’du erini i ’bazu alaru ’diyi ka yi de ra, ka ovu agupimva ma e’yosi, kani zamva ma e’yosi ti, eri ma eji kabilomva ovupi eli be aluri edeta vezariru, azini a’balau o’buru ima mva kani a’balau angarakaru ledeta e’yo onzi edezuriru, kuhani dri ’hema ti ecizaniri ma tilia,

⁷eri nga lani eri ede Yehova ma drilia, nga e’yo lonzi erini ede; eri nga ani ovu alaru ari raza erinisi. ’Diri azita oku mva osipiri ma e’yosiri’i, eri ka agupimva osi, kani zamvani ti.

⁸Te alio ka oga erini kabilomva fe koni, eri ma ji a’balau angarakaru iri kani a’balau o’buru ma anzi iri, alu edeta vezariru, aziniri edeta e’yo onzi edezuriru; kuhanini nga ani e’yo onzi erini ede, eri nga ani ovu alaru beni.