Read lugbara 'Ba Levini 6 Bible Online

'Ba Levini 6 - lugbara bible

'Ba Levini 6

¹Yehova nga di ’yo Musa tia kini,

²’Ba azini ka e’yo onzi ’ye, ka e’yo eza Yehova vu, ka lokiri ’ye i agyi vu afa agyini fele tani mbale eri vurisi, kani e’yo yini edele yi eseliarisi, kani ogusi, kani eri ka i agyi ’ye lokposi,

³eri ka afa avipiri isu, te ka lokiri ’ye e’yo nderisi, ka i otri inzosi-ka eza e’yo dria ’bani adrile ’yele ’diyi ma azi alurisi,

⁴eri nga ovu ’dini, eri ka e’yo onzi ’ye, e’yoni ka eri nde ra, eri ma omvi afa erini oguleri, kani afa erini opale okposiri, kani afa ’bani fele tani mbale eri vuri, i kani afa avipi erini isuleri,

⁵kani afa erini i otrizu ani e’yonisi inzosiri, ka ngoni ti; ma omvi afa nderi ma pi, ma ’ba esele alu towiniri drinia, ma fe e’i dri o’du yini e’yoni lizu eri ,Indezurisi.

⁶Eri ma eji edeta ini ezata edezuri Yehova vu, ma fe kuhani dri, kabiloago nyebileko kokoru etrule kabilo o’biru ’diyi ma eseliari, mini eri ma aje lilerile edeta ezata edezuriru;

⁷te kuhanini nga eyo onzi erini ede Yehova ma drilia, e’yo onzi erini ’yele e’yoni ovuzu drinia aniri ka ovu ngoni ti, eri nga ovu wuzaru ani.

⁸Yehova nga di ’yo Musa tia kini,

⁹Mi azi Aroni pi ma tia anzipi be, ’yozu, Edeta vezaruri ma azita ’di. Edeta vezaru nderi ma ovu atiliku pari edeta edezuri ma driari ma dria ini rra, cazu kpere o’bitisi, azini ma mba aci pari edeta edezuri ma driari ma ta ’dani, ma dra ku.

¹⁰Kuhani ma su bongo ini, cile bongo mile be nyingirikiarurisiri, ma su vini bongo paa cile bongo mile be nyingirikiarurisiri i ruaa, eri nga edeta vezaru ofupi ofutaru acisi ’bo pari edeta edezuri ma driari omvu, ’bazu kuzu pari edeta edezuri ma kalaa.

¹¹Vutinia eri nga bongo suza erini otru, nga azini ’diyi su, nga ofuta nderi omvu i pari ’bani hema asozuri ma tia amve, pari ofale alaruria.

¹²Ma mba ad pari edeta edezuri ma driari ma ta ’dani, ma dra ku; kuhani ma eve eja drinia o’biti vusi, ma oti edeta vezaruri drinia, ma eve vini oso edeta asi anzurunirini drinia indio

¹³Ma mba aci ma ta pari edeta edezuri ma dria ’dani, ma dra ku.

¹⁴Edeta edele anyafurasiri ma azita ’di. Aroni anzipi ma fe eri Yehova ma driliani, pari edeta edezuri ma drilia.

¹⁵Eri ma ndi ini anyafura inikiniru edeta edele anyafurasirini driega tre alu, oduni pie; obiese vele ve dria ovupi edeta edele anyafurasiri ma driari pie, ma eve eri pari edeta edezuri ma dria, ovuzu afa aji be arikariru Yehova dri e’yoni egazuriru,

¹⁶Te jolokoni acepiri Aroni pi ma nya anzipi beni; ma nya eri akufi kokoru pari alatararuria; yi ma nya eri hema ti ecizaniri ma iriia.

¹⁷Yi ma ozo eri akufisi aluni ku. Ma fe eri yi dri esele yiniru edeta vele acisi mani ’diyi ma eselia; eri ovu afa alatararu agapi tori, ekile edeta e’yo onzi edezuri pile edeta ezata edezuri be.

¹⁸Aroni anzipi agupiru ’diyi dria eco eri nyazaruni, eri esele yiniru azile ’dani ’dani a’bianzi emini vusi edeta edele acisi Yehovani ’diyi ma eseliari’i; ’ba yi elopi ’diyi nga eca alatararu.

¹⁹Yehova nga di ’yo Musa ma tia kini,

²⁰’Di edeta Aroni pini ngale fele anzipi be Yehova dri, o’du yini odu osuzu eri ma driarisiri’i anyafura inikiniru afazu abakaru aluri ma esele alu mudriniri ovuzu edeta edele anyafurasi o’du vusi o’du vusiriru, ma andi iri, azini o’bitisi, aziri ondresi.

²¹Ma osa eri odusi saani dria; oduni fizu ruania ’boria mi ma eji eri, mi ma fe edeta edele anyafurasiri ozozaru ondizaru eselesi eselesi ovuzu aji arikariru Yehova vu.

²²Kuhani engapi Aroni anzipi ma eselia, yini odu osule drinia azi ngazu eri ma pariari, nga eri edeni; ma eve eri dria dria Yehova dri azita ’dani ’danirisi.

²³Ma eve edeta kuhanini edele anyafurasi ’diyi dria dria acisi; ma nya eri ku.

²⁴Yehova nga di ’yo Musa ma tia kini,

²⁵Mi olu Aroni pi ma tia anzipi be kini, Edeta e’yo onzi edezuri ma azita eri ’di. Ma li afa edetaru e’yo onzi edezuri pari yini edeta veza lizuria Yehova ma drilia; eri alatararu agapi turi.

²⁶Kuhani eri lipi e’yo onzi nde edezuri ma nyani; ma nya eri pari alatararu ma alia hema ti ecizaniri ma iriia.

²⁷Afa ngoni ngori ngapi zani elopiri nga ovu ani alatararu; ari nderi ka oti bongo azini ma ruaa, mi ma oji bongo nde arini otizu ruaniari pari alatararu ma alia.

²⁸Te mi ma ofu imvu sile odrisi ’bani eri a’dizuri’i; te ka eri a’di imvu molaruri ma alia, ma tri aleni ojizu yisi ra.

²⁹Kuhani agupiru ’diyi dria eco eri nyazaru ra; eri afa alatararu agapi turi,

³⁰Te ma nya edeta e’yo onzi edezu, ’bani arini ejile hema ti ecizaniri ma alia e’yo onzi edezu pari alatararuriari aluni ku; ma eve eri acisi.