Read lugbara Yeremia 24 Bible Online

Yeremia 24 - lugbara bible

Yeremia 24

¹Nebukadreza opi Babuloniarini Yekonia Yehoyakimu mvi opi Yudaari bizu ati’boru engazu Yerusalemua jizu Babulonia, opianzi Yudaa ’diyi pie, onduou ’diyi pie, ’ba oka dipi ’diyi pieri ma vutia, Yehova ece ma dri, te mi ne.Afazu iri gapi tre elio efisi ’diyi ovu hekalu Yehovaniri ma drilia.

²Afazu alu ga tre elio efi onyiru tu ’diyisi, ekile elio efi kapi oko ’diyile, te afazu iriri ga tre elio efi mazaru ’bani ecole nyale ku yini ovule onzikanyaru turisi ’diyisi.

³Yehova nga ’yo ma tia, Mi a’du ndre ya, Yeremia? Te ma kini, Elio efini, onyiru ’diyi yi onyiru tu; te onzi ’diyi yi onzikanyaru tu ’bani ecole nyale ku yini ovule onzikanyaru turisi ’diyi.

⁴E’yo Yehovani nga di eca ma vu kini,

⁵Yehova Mungu Israeliniri ’yo ’dini kini: Ekile elio efi onyiru ’diyile, ’dini ma nga ’ba Yudaa ovupi ati’baru, mani ofule pari ’diasi yi ti pele angu Kalideyania ’diyi ma e’yo ’lega yi ’yezu onyiru.

⁶Ma nga ma mile ’ba yi vu drileba fezu yi dri, azini ma nga yi omvi dika angu ’doria. Te ma nga yi si uru, ma ngani yi anzu va ku; te ma nga yi isi ra, ma ngani yi onze nyakuasi ku.

⁷Ma riga asi fe yi dri ma nizu, kini ma Yehova’i; te yi nga ovu suru mani, ma nga ovu Mungu yini, yini ngale emvile ma vu dika yi ma asisi driarisi.

⁸Azini ekile elio efi mazaru ’bani ecole nyale ku yini ovule onzikanyaru turisi ’diyile, Yehova ’yo ’dini ada, Ma nga Zedekia opi Yudaari fe ’dinile, opianzi erini pie, ’ba acepi Yerusalemua angu ’dorima alia ’diyi pie, ’ba adripi angu Misirinia ’diyi pie.

⁹Ma nga fe yi co panyile ’dole, ’dale, suru dria angu wudrikuruni ma eselia drileonzisi, yini ovuzu afa onzozaru, e’yo o’bezale, o’datale, otriaru pari dri dria mani ngale yi drozuria.

¹⁰Te ma nga sei pi ma ti pe liki pie, mua azo pie yi ma eselia, de nga yi jani dri angu mani fele yi dri yi ma a’bipi pieriasi ku.