Read lugbara Yeremia 45 Bible Online

Yeremia 45 - lugbara bible

Yeremia 45

¹E’yo nabi Yeremiani ’yole Baruki Neria mvi ma tia, o’du erini e’yo efupi Yeremia ma tia ’diyi sizu buku ma aliarisi, eli su Yehoyakimu Yosia mvi opi Yudaarini opi nyazurisiri, kini:

²Yehova Mungu Israeliniri ’yo mi tia ’dini, Baruki la:

³Mi ’yo ndra, Candi ma dri ’dori! Yehovani candi erele rua suza mani ma driarisi; ma ande azo otaza manisi, ma isuni ava liza ku.

⁴Mi ma ’yo eri tia ’dini, Yehova ’yo ’dini kini: Mi ne, afa mani sile ’bori ma nga anzu va, azini afa mani esile ’bori ma nga onze ra-’dini angu nde ma alia dria.

⁵Te mi e’yo ambo ambo nda mi ngulupini ya? Mi nda yi ku; a’disiku, mi ne, ma nga e’yo onzi eji ’ba rua ari be ’diyi ma dria dria, Yehova ’yo ra; te ma nga idri mini fe mi dri afa pale ombaarile pari dria mini muzu alenia ’diyia.