Read lugbara Yeremia 48 Bible Online

Yeremia 48 - lugbara bible

Yeremia 48

¹E’yo Moabu ma e’yosi. Yehova asikari ongulumuruni Mungu Israeliniri ’yo ’dini: Candi Nebo dri, erini ovule ezazarurisi Kiriataimu isu drinza, ’du eri ’bo; Misigabu isu drinza, anzu eri va ’bo;

²inzita Moabuni de ira. Hesibonia yi otu e’yo onzi eri ma ruaa ’bo: Ama emu, ama ma ja eri dri, eri ma ovu ani sururu dika ku! Mi’iruni, Madimena la, yi nga fe mini ovuzu ciri; seini nga mi vuti droni.

³Awu o’duko engapi Horonaimuasirini, afa opazani pie, dri jaza amboru pie!

⁴Moabu ja dri ’bo; yi eri lulu eri ma anzi nyiri ’diyini ogaleri.

⁵A’disiku pari tuza Luhitiaria, yi nga tu awu be ti kukokoru; a’disiku pari sizu va Horonaimuaria yi eri candi lulu be dri jazaniri.

⁶Emi apa! Emi pa emi idri fo! Emi ovu di ekile pati pilili bi koko roko driarile.

⁷Mini a’ita ’bale azi mini pi ma alia, azini lonyi mini berisi, yi nga mi bi indi; Kemosini nga fu mu ati’boru atalau erini edeta edepi ’diyi pie, ’ba opiru erini ’diyi pie tualu.

⁸’Ba afa opapiri nga eca aku dria ma dria, aku aluni ngani i pa ku; a’buni nga dri ja ra, angu senderuri nga ovu ezazaru indi, ekile Yehovani ’yole ’borile.

⁹Mi fe opile Moabu dri, eri ma sa uru eri ma apa ani; aku amboru erini ’diyi nga eca andruru, ’ba aluni ngani ri alenia ku.

¹⁰’Ba azi Yehovani ngapi ovusiri eri ma ovu trizaru; ’ba i ma sei ogapi ari adako siri ma ovu trizaru.

¹¹Moabu li ava gbu mvaasi, eri ovu ’dani soro erini ma dria; yi eleni eri imvu ndu ndu ma alia ku, eri muni vini ati’boru ku; e’yo ’disi ajini ovu ’dani eri ma alia, ajini ojani i ku.

¹²E’yo ’disi, mi ndre, o’duni nga emu ra, Yehova, ’yo ra, o’du ndesi ma nga ’ba tini elapi ’diyi ma ti pe eri vu, yi nga eri ma ti ela ra, yi nga obi erini ’diyi ma ale osu ku pirini, yi nga kerea erini ’diyi oco nyingiriki ra.

¹³Moabuni nga ovu ani drinzasi Kemosi ma e’yosi, ekile suru Israelinini ndra ovule drinzasi Beteli asi teza yiniri ma e’yosirile.

¹⁴Emi ’yo kini, Ama okporu, ama ’ba agupiru a’di alia ’diyi’iri ngoni ngoni ya?

¹⁵Eza Moabuni ’bo, yi fi aku amboru erinia ’bo, karile erini ’bani opele ’diyi si va dri jaza vu ’bo, Opi ambo runi Yehova asikari ongulumuruniri ’yo ra.

¹⁶Ocoko Moabuniri ovu ogogo, inzata erini emu mbele mbele.

¹⁷’Dini emi dria ovupi eri ma ageia ’diyi ma emu eri owu, azini emi dria eri ma ru nipi ’diyi; emi ma ’yo, Kali okporu nyo i ’doni, lote ndrizaruri’i

¹⁸Mi zamva ovupi Diboniari la, mi esi va engazu diza mini ma aliasi, mi ri yi avijosi ’Ba Moabuni ezapiri erini etule mi vu a’di ’dizu mi berisi; eri eza pari mini okporu ’diyi ’bo.

¹⁹Mi ’ba ovupi Aroeriari la, mi so pa geri tia, mi lu angu! zi ’ba apapiri pi ma ria, oku i papiri be; mi ’yo kini, E’yo ’ye ngoni ya?

²⁰Moabu isu drinza ’bo, yini eri anzule ’borisi; mi ga lulu, mi owu! Mi eku e’yoni Arinonia, kini eza Moabuni ’bo.

²¹E’yo liza eca angu senderu ma dria ’bo, Holoni pi ma dria, Yaaza pie, Mefaati pie,

²²Diboni pi ma dria, Nebo pie, Beti-dibilataimu pie,

²³Kiriataimu pi ma dria, Betigamuli pie, Beti-meoni pie

²⁴Kerioti pi ma dria, Bozira pie, aku ambo, ambo angu Moabua ’diyi, kani ziri kani ogogo ’diyi pie dria,

²⁵Li o’yu Moabuni ’bo, nyo eri ma wu ra, Yehova ’yo ra.

²⁶Mi fe eri ma ati ati ewasi, a’disiku eri enga i afuru Yehova ma ruaa; Moabuni nga i ogu ogbe ini ma alia, ’ba yi nga eri ’ba onzoaru.

²⁷Mi onzoni ndra Israelini ku ya?Isu eri ’ba oguouru ’diyi ma eselia ya? A’disiku etuzu mini e’yo erini ’yoria, mi dri oya oya.

²⁸Emi ovupi Moabua ’diyi la, emi ku aku amboro, emi ma ovu oni ojia! Emi ma ovu di ekile a’balau jorovu erini sipi gu ma eje alialeruriarile.

²⁹Ama eri afu Moabuni ma e’yo raeri afuru tuipiza erini i ipizuri pie, afu erini pie, egana erini pie, ambo eri ma asiari pie.

³⁰Ma ni adra erini, Yehova ’yo ra; eri afa tokole, e’yo erini ’yole avuromaru ’diyi ’yeni afa ku.

³¹E’yo ’disi ma nga lulu ga Moabu ma e’yosi; ada, ma nga owu Moabusi dria; yi nga owu candisi ’ba Kiriheresia ’diyisi.

³²Ma nga mi wu, mi zabibu pati Sibimaari la, aga awu mani Yazerini wuzuri ra! Arakala mini aga miri ma drilesi, ca kpere miri Yazeriniria; ’ba afa opapiri e’de patiefi mini kapi elisi ’diyi ma dria, pati mini efi tiza mini zabibuniri be.

³³Nze ayiko pi nyona be amvu efi kapi turiasi, angu Moabuanisi indi; ma fe patiefi suni i dezu pari patiefi su nzizuriasi ra; ’ba aluni ngani patiefi su tu ceresi ku; cere nderi ngani ovu cereni ku.

³⁴Engazu awu Hesiboniarisi kpere Elealea, kpere Yahazia indi, yi ma o’duko efu; engazu Zoariasi kpere Horonaimua, cazu kpere selisiyaa, yi Nimirimuarini ngale ojale tokorurisi.

³⁵Te Yehova ’yo ra, ma nga vini ’ba edeta edepi pari uruleruari pi fe dezu Moabua, ’ba obiese vepi adrou erini ’diyi driri be.

³⁶E’yo ’disi asi mani owu Moabu ma e’yosi ejelekole, ma asi owu vini ejelekole ’ba Kiri-heresia ’diyi ma e’yosi; e’yo ’disi lonyi erini okuleri ja dri ’bo.

³⁷Te ’ba dria ma drini ovu tuaru, fa ti’bi ra ’ba dria yi osi yi ma dri nguku Indi, yi osu koliba yi ma opilia ’bo.

³⁸Awu pari dri dria, jo Moabua ’diyi ma dria dria, gboko erini ma alia indi; a’disiku ma Moabuni anyo ekile ’bani imvu ayiko fepi kuri acolerile, Yehova ’yo ra.

³⁹Anyo eri ’doni! Yi owu ’doni! Moabu oja i nguku drinzasi ’doni! ’Dini Moabuni nga ovu afa onzoaru azini uri fepi ’ba dria ageinia ’diyi dririru.

⁴⁰A’disiku Yehova ’yo ’dini: Ali ndre, eri nga sa ekile ajile, eri nga i ma opile aja Moabu ruaa

⁴¹bi Keriotini ’bo, opa pari okporu ’diyi mbele mbele ra. O’du ’dasi ’ba Moabua okporu ’diyi ma asi nga ovu ekile oku mvaazoni e’duleri ma asile;

⁴²Yi nga Moabu ma dri la, ma ovu ani sururu dika ku, erini i ipile omba ’bazu Yehova berisi,

⁴³Uri pi, awi pie, vuluvulu pie ovu mi dria, mi ’ba ovupi Moabuari la! Yehova ’yo ra.

⁴⁴’Ba apapi urisiri nga ’de awi ma alia, te ’ba tupi efupi awi ma aliarisiri, vuluvuluni nga eri bini. A’disiku ma nga eli mani ngazu eri andrizuri eji eri ma ruaa, adani Moabu Yehova ’yo ra.

⁴⁵’Ba apapi ra ’diyi so pa okpo kokoru Hesiboni ma endria; a’disiku ad efu Hesibonia, azini aci ma diza efu Sihoni ma aliarisi; eri ve Moabu kala teketeke, ve ’ba otrepi otre ’diyi ma olubu ’bo.

⁴⁶Candi mini, Moabu la! ’Ba Kemosia ’diyi avi ’bo; yini mi anzipi jile ati’baru ’be risi, yini ezopi mini jile vini ati’baru ’borisi indi.

⁴⁷Te di ma nga ’ba Moabua obile ati’baru ’diyi omvi vile o’du vile ’diyisi, Yehova ’yo ra. E’yo liza Moabu driari asi ’dipi.