Read lugbara Imvo Ongo 5 Bible Online

Imvo Ongo 5 - lugbara bible

Imvo Ongo 5

¹Yehova la, mi ega e’yo ecapi ama dria ’bori fo; mi lu, mi ndre o’data amani.

²Fe awita amani ani’ba dri, azini jo amani ’ba jururu ’diyi dri indi.

³Ama imvoanzini ata kokoru; ama andrepi yi ovu ekile awuzile.

⁴Ama mvu yi amaniri ajesi, ama je eja amani je je.

⁵’Ba ama vuti odropi ’diyi eca ama ombelea ’bo; ama ande tu, ama isuni ava liza ku.

⁶Ama eci ti ’ba Misiria ’diyi be, ’ba Asuriani ’diyi be indi, ama ma tra ani beni.

⁷Ama atapi yi eza ra, yi curu’do yo; te ama ’du azi onzi yini ama’i.

⁸Ati’ba yi ama nya opiruni; ’ba aluni ama opapi yi ma driani yo.

⁹Ama enya amani isu pi dra eselesi, sei angu roko driari ma e’yosi.

¹⁰Enyiriko amani dri dri ekile atiliko acile liki ma aci ama vepiri dri.

¹¹Yi oru oku piyi okposi Zionia, ezoanzi aliriaru ’diyi be aku amboru Yudani ’diyi ma alia.

¹²A’di opianzi ma dri bakasi yi o’izu uru; inzini ’ba ’wara ’diyi ma mile ku.

¹³Karile yi ’du oni anya ’izuri; azini anzi nyiri ad parapara eja be dria.

¹⁴’Ba ’wara de yi kalitilea ra, azini karile ku o’di yini coko ja.

¹⁵Ayiko ama asiari de i ’bo; ongo tuza amani ayikoru oja i awu ongoru ’bo.

¹⁶Oku opiniri e’de ama driarisi va Candi ama dri ’do, amani ezale ’borisi!

¹⁷E’yo ’disi asi amani fu ani fu fu, e’yo ’disi mile amani asa asa,

¹⁸Oni Zionini ovupi piriniri ma e’yosi; obalako yi aci driniani,

¹⁹Mi’i Yehova la, mi ri opiru ’dani ’dani; oguna miniri ovu a’bianzi vusi, a’bianzi vusi.

²⁰Ama tavi avi di mi dri ’dani a’disi ya, mini ama kuzu o’du izu ’dopi ’doni ya?

²¹Mi oja ama mi fo, Yehova la, ama nga ovu di ojazaru ani! mi ’ba o’du amani o’diru dika ekile okurile!

²²Ka’dini yo, mi ’be ama iriti ’bo yani, te mi ovu ama vu adrasi tu.