Read lugbara Ezekieli 15 Bible Online

Ezekieli 15 - lugbara bible

Ezekieli 15

¹E’yo Yehovani eca ma vu kini:

²Mvi ’bani, zabibu pati aga pari azini ’diyi ra ngoni ngoni ya? zabibu pati ma arakala ovupi pati oce talaa ’diyi ma eseliari ya?

³Yi nga eri ma pati ede azi azini ’yezu ya? ’Ba yi nga eri ede alole afazu azini o’izu ruania ya?

⁴Mi ndre, yi eri ’be acia ejaru; aci ve ti erini iri ’diyi ra, eri ma esele agaduari ve indi; eri orodriru azi azinisi ra ya?

⁵Mi ndre, eri ka ovu pi ’dani eri funi dri azi azini ’yezu ku; te aci ka ruani ve ’bo, ka ovu vezaru teketeke ra, eri nga dri fu azi azini ’yezu dika ngoni ngoni ya?

⁶E’yo ’disi Opi Yehova ’yo ’dini: Ekile zabibu pati, pari oce talaa ’diyi ma eselia, mani fele aci driejarurile, ma nga ’ba ovupi Yerusalemua ’diyi fe ’dinile.

⁷Ma nga ma mile ’ba yi vu ombasi; yi nga efu aci ma aliarisi, te ti, acini nga yi ve ra; azini yi nga di ni ma Yehova’i, ma ka nga ma mile ’ba yi vu ombasiria.

⁸Te ma nga angu ’ba ovuzu andruru yini ezata ezalerisi, Opi Yehova ’yoni.