Read lugbara Ezekieli 18 Bible Online

Ezekieli 18 - lugbara bible

Ezekieli 18

¹E’yo Yehovani nga eca ma vu dika kini:

²Emi e’yo o’beza ’diri ’yo angu Israelini ma e’yosi, kini, Atapi mbe zabibu efi drazarurini, te anzi ma si iri anini. E’yo o’beza ’diri ma efi ngoni ya?

³Mani ovule idri berile, Opi Yehova ’yo ra, emi ngani pari isu e’yo o’beza ’diri ’yozu Israeli ma alia dika ku.

⁴Emi ndre, orindi ’bani dria yi mani; orindi ataniri mani, orindi mviniri be, yi dria mani trotro: orindi e’yo ezapi rari eri nga drani.

⁵Te ’ba ka ovu kililiru, eri ka e’yo; azitani leleri azini onyiruri ’ye-

⁶ka afa azini nya oni dria ku, ka i mile enga uru wura toko suru Israelini ’diyi inzizu ku, ka eza ’ba i na jo eseliari Ina okusi ku, ka esi oku azini vu ogogo etu erini i esele cozu nduri-si ku,

⁷’yeni ’baazini onzi ku, te eri omvi ’ba mari nyapiri dri afa nde erini kule toboruri ra, eri pani ’ba azini ma afa eganasi ku, te eri fe enya ini ’ba abiri beri dri, eri a’bu ’ba pililiruri ma rua bongosi indi,

⁸eri feni mari ’ba azini dri ereza be ku, a’ini vini ereza azini ku indi, eri nze i dri kazu e’yo onzi ’yezu ku, eri li e’yo kililiru ’ba piyi ma eselia agyi be ra,

⁹eri aci e’yo mani azile ’diyi ma alia, eri mba e’yo mani lile ’diyi ma ta ci, e’yo adaru ’yezu-agu nde eri kililiru, eri nga ovu idriru ada ada, Opi Yehova ’yo ra.

¹⁰Te mva erini tileri ka ovu oguouni, ’ba ari ’bani adapiri, kani ’ba e’yo awa’dinile ’diyi ma azi ’yepiri.

¹¹ka awi e’yo onyiru azitaru ’diyi ma azi ’ye ku, te eri nya nyaka oni dria, eza vini ’ba i jo ejeliari ma okusi ra,

¹²’ye onzi alio pi vu ’ba afa kokoruri be, opa afa eganasi, omvini tobo ku, enga i ma mile uru wura toko toko ’diyi inzizu, ’ye e’yo onzikanyaru Munguni ngule onziri ra,

¹³fe mari ’ba azini vu ereza be, a’i ereza azini indi; eri nga adri idriru ra ya? Eri ngani ovu idriru ku. Eri ’ye e’yo onzikanyaru Munguni ngule onzi ’diyi dria ra; eri nga dra ada ada; ari erini nga ovu i ma ngulupi ma dria ra.

¹⁴Te mi ne, eri ka mva ti ra, mva nde ka ezata i ma atini ’yele ’diyi ndre dria ra, ka ovu ani urisi, ka ’ye ’dini ku,

¹⁵eri nyani vini nyaka oni dria leu, engani -i ma mile uru wura toko toko suru Israelini ’diyi inzizu ku, ezani vini ’ba i ma jo ejeliari ma okusi ku,

¹⁶ezani ’ba azini vu ku, a’ini afa azini ’duzu toboru ku, opani ’ba azini ma afa eganasi ku, te eri fe enya erini ’ba abiri beri dri ra, eri a’bu ’ba pililiru ma rua bongosi,

¹⁷nze i dri ra eri kazu alia inzazu ku, a’ini mari fezu lereza be ku, a’ini ereza azini ku, eri ’ye e’yo mani lile ’diyi ra, aci e’yo mani azile ’diyi ma alia indi; eri ngani dra ati ma ezatasi ku, te eri nga ovu idriru ada ada.

¹⁸Te ati ma e’yo ’dini, erini ’ba inzale Yiki kokorurisi, erini i ma adripi ma afa opale eganasirisi, erini e’yo ovupi onyiru ku ’diyi ’yele ’ba ini ma eseliarisi, mi ndre, eri nga dra e’yo onzi ini ma alia ra,

¹⁹Te emi ’yo ra, Mvi ’duni ati ma e’yo onzi ma panga ku a’disi ya? Te mvi ka e’yo azitani leleri azini e’yo kililiruri ’ye ’bo, ka e’yo mani azile ’diyi ma ta mba dria ra, ka yi ’ye dria ’bo, eri nga ovu idriru ada ada.

²⁰Orindi e’yo ezapiri eri nga drani. Mvi ngani ati ma e’yo onzi ma panga ’du ku, ati ngani vini mvi ma e’yo onzi ma panga ’du ku indi; ’ba e’yo kililiru ’yepiri ma e’yo kililiri nga ovu eri ngulupi ma dria, ’ba e’yo onzi ’yepiri ma e’yo onzini nga ovu eri ngulupi ma dria indi.

²¹Te ’ba e’yo onzi ’yepiri ka i oja ra, ka e’yo onzi erini ’yeleri ku dria ra, ka e’yo mani azile ’diyi ma ta mba: dria, ka e’yo azitani leleri azini kililiruri ’ye ra, eri nga ovu idriru ada ada; eri ngani dra ku.

²²Yi ngani e’yo onzi erini ’yele ’diyi ma azi ega asu suzu eri ma ruaa aluni ku; eri nga ovu idriru e’yo onyiru erini ’yeleri ma alia ra.

²³Ma ovu ayikosi ’ba azi onzi ’yepiri ma dratasi ya? Opi Yehova ’yo ra. Te agapiri, ma ovuni ayikosi erini i ojale geri erini kuzu, erini ovuzu ani idrirurisi ku ya?

²⁴Te ’ba e’yo kililiru ’yepiri ka nga i oja e’yo kililiru erini kuzu, ka e’yo onzi ’ye ra, eri ka e’yo onzikanyaru ’ye ekile e’yo ngule onzi ’ba e’yo onzi ’yepi ’diyini ’yelerile dria, eri nga ovu idriru ya? Yi ngani i e’yo erini kililiru erini ’yele ’diyi ma azi ega aluni ku; te eri nga dra ezata erini ezaleri azini e’yo onzi erini ’yeleri ma alia ani.

²⁵Te emi ’yo ra, Geri Opini ovuni kililiru ku. Emi eri curu’do emi suru Israelini ’diyi la! Geri mani ovuni kililiru ku, ’dini ya? Kani geri eminiri bani kililiru kunini ya?

²⁶’Ba e’yo kililiru ’yepiri ka i oja e’yo erini kililiruri kuzu, ka e’yo onzi ’ye ra, ka dra alenia; eri nga dra e’yo onzi nde erini ezale rari ma alia.

²⁷Te dika, ’ba azi onzi ’yepiri ka i oja ra e’yo onzi erini ’yeleri kuzu, ka e’yo azitani leleri azini kililiruri ’ye ira, eri nga i ma orindi pa idriru.

²⁸Erini e’yo egalerisi, erini i ojale ezata erini ezale ’diyi kuzu dria driarisi, eri nga ovu idriru ada ada, leri ngani dra ku.

²⁹Te ti, suru Israelini yi ’yo kini, Geri Opini ovuni kililiru ku. Emi suru Israelini ’diyi la! geri mani ovuni kililiru ku ’dini ya? Kani geri eminiri bani kililiru kunini ya?

³⁰E’yo ’disi ma nga e’yo emini li, emi ’ba suru Israelini ’diyi la! emi dria alu alu geri emini vusi, Opi Yehova ’yoni. Emi emvi ma vu, emi oja emi ezata emini kuzu dria; ka’dini e’yo onzi ngani fe emi dri jazu ku beni.

³¹Emi o’be ezata emini, emini ezale ’diyi dria emi vusi ziri, emi ede emi asi o’diru orindi o’diru be. Te emi le dra a’disi ya, emi suru Israelini la?

³²A’disiku ’ba drapiri ma drata feni ma dri ayiko ku, Opi Yehova ’yo ra; e’yo ’disi emi ’ma oja emi, emi ovu di idriru fo!