Read lugbara Ezekieli 19 Bible Online

Ezekieli 19 - lugbara bible

Ezekieli 19

¹Azini indi, mi ma ngo imvo ongo opianzi Israelini ma e’yosi,

²mi ma ’yo kini: Andri mini a’di’i ya? Eri kamiandri’i kami eselia! Eri la kami kariru ’diyi ma eselia, anzi ini endruzu.

³Te eri ezo kamianzi erini ma azi alu; eri ecea di kamikari okporuriru, eri oni za mbazu bizu; eri vini ’ba oci indi.

⁴Suru ndu ndu eri eri ma e’yo ra; yi bi eri awi yini ma alia; yi nga eri se ewisi kpere angu Misirinia.

⁵Te eri ka ndre kini i te ti, azini asi teza ini avi ’bo, eri nga di anzi ini ma azi ’du ’ba ovuzu kamikariru.

⁶Eri nga aci ’dile azini ’dole kami ma eselia; eri nga ofu kamikariru, eri oni za mbazu bizu, eri oci ’ba indi.

⁷Eri ni jo yini ndrizaru ’diyi, eri eza aku yini; angu ofu ani andruru, afa dria gapi alenia ’diyi pie, o’duko noza erinirisi.

⁸’Ba suru ndu ndua ’diyi nga di enga eri ma ruaa kalaa dria, engazu angu ndu ndu ma woke dria ’diyisi; ’be emba yini eri ma dria; bi eri awi yini ma alia ra.

⁹Yi nga eri ’ba molo anyapa ta mbazuri ma alia ewisi, yi nga eri ji opi Babuloniari dri; yi ji eri pari okporu ma alia, o’duko erini ma ovu erizaru oni Israelini ma dria dika ku.

¹⁰Andri mini eri zabibu patile, ari mini ma alia, pati sale yi tiarile; eri efi ’ya tu, arakalani karakarau yi nde kakau ’diyi ma e’yosi.

¹¹Eri ovu arakala kaliru okporu ’diyi be dri fupi opi ’ba dri cepi ’diyi ma kaliru ’diyi; yi ma oco ovu ’duzaru uru arakala oseru ’diyi ma eselia; yi e’da yi vini indi pati sia uru arakala yini karakarau ’diyi be.

¹²Te yi onze eri aokosi, ’be eri va nyakua; oli engapi kala etuni efuzuriari fe efi erini ’wi ra, opi kali erini okporu ’diyi va, yi ’wi ra; aci nga di yi ve teketeke ra.

¹³Isi eri curu’do angu roko driaria, angu a’wiru azini yi avijo beria.

¹⁴Aci efu kali arakalaru ’diyi ma ruaasi, nga di efi ’yaza erini ve ra, ka’dini kali okporu dri fupi opi ma kaliruri aceni erini aluni ku ani. E’yo ’diri eri imvo ongoni, eri nga di ovu imvo ongoru ’dani.