Read lugbara Ezekieli 24 Bible Online

Ezekieli 24 - lugbara bible

Ezekieli 24

¹E’yo Yehovani eca ma vu dika eli oromiri ma mba mudri ma mbao’du mudrisi, kini:

²Mvi ’bani la, mi si o’du ’diri ma mbao’du ci, lada o’du andru ’dori. Opi Babuloniari esi Yerusalemu vu ogogo o’du nde ’disi.

³Mi nga di e’yo o’beza o’be suru mbupi Mungu ruaa amveri ma tia, mi ’yo yi tia ’dini kini, Opi Yehova ’yo ’dini: Emi ’ba imvu aci dria, emi ’ba eri ki, emi osu yi alenia indi;

⁴emi oku za olile ’bo ’diyi ’bazu alenia, za esele onyiru ’diyi dria, o’du pi wu be; mi fe eri ma ga tre fala onyiru pele pe ’diyisi.

⁵Mi pe kabilo onyiruri kabilo o’biru ma eselia, mi ’ba fala za etia; ma a’di onyiru, ada fala ma a’di tule tule eri ma alia.

⁶E’yo ’disi Opi Yehova ’yo ’dini: Eyawaye, aku ari ’bani adapiri ye! Eyawaye, imvu ayaru aleni uripi uriri ye! urizanirini efupi nga kuri ye! Mi onze eri za ma esele alu alu vusi; odrisi ’beza ’deniruaniaku.

⁷A’disiku eri ma ari ji ovule eri ma aliarisi; eri ’ba eri oni kataru piriniri ma dria, osuni eri nyakua eri a’buzu irifurasi ku.

⁸Eri ma fe adra ma enga ani arioti ofezu, ma ’ba ari erini oni kataru piriniri ma dria, ma ovu a’buzaru ku beni.

⁹E’yo ’disi opi Yehova ’yo ’dini: Eyawaye, aku ari ’bani adapiri ye! Ma aga afa odro amboru indio

¹⁰Emi o’ba eja drinia drinia, emi fe aci ma ve okposi, ma a’di za onyiru, a’isu ma ku ani, fala ma ve ra,

¹¹Vutinia mi ’ba eri pirini ’dani acioluni ima dria, ma dri aciru, mola erini ma ve beni, ondini ma aka acisi yiru, urizaniri ma ve teketeke ani.

¹²Ma ande azi erinisi ’bo; te uriza erini amboru turi funi eri ma alia ku, ka acisi ti, urizani funi ku.

¹³Azavu mini ma alia e’yo saaruri indi; mani mi ojiria alaru ’boria, mi ecani alaru ku, ’dini mi ngani ovu di ’bazaru alaru ku de nga ma trani adra mani ’bazu mi ruaarisi ku.

¹⁴Ma Yehova, ma ’yo e’yo ’diri ’bo; e’yoni nga i ’ye ra, ma nga eri ’ye ma’i; ma ngani ma asi omvi ku, ma ngani ovu yikisi ma asi ojazu ku; yi nga e’yo mini li geri mini azini ’yeta mini ’diyi vusi ra, Opi Yehova ’yo ra.

¹⁵E’yo Yehovani nga vini eca ma vu indi kini:

¹⁶Mvi ’bani la, mi ndre, ma nga ’ba mi mileni lele avasiri ’du mi vusi cota alusi; te mil ngani awu wu erisi ku, mi ngani wu mindresi ku indi, mindre ma ra mi milia ku.

¹⁷Mi ota, te O’dukosi ku; mi wu awu ’ba drapirisi ku. Mi ma ombe bongo ombeza mi dria, ma, su enyiriko mi paa; mi a’bu mi tile ku, mi nya enya ’bani ku.

¹⁸’Dini ma olu e’yo ’ba nde ma tia o’bitisi, te ondresi oku mani dra ra. Te ma ’ye o’bitisi erini azile ma tiarile.

¹⁹’Ba nde nga di zi ma tia kini, Mi ngani e’yo mini ’yele ’diyi ma efi ama imbazu ngoni yari olu amani ku ya, mini ’yezu ’dinirisi?

²⁰Ma nga di ’yo yi ma tia kini;

²¹Mi olu suru Israelini ma tia, Opi Yehova ’yo ’Jini: Emi ndre, ma nga pari imani alatararu, emini ani afu ’bazu okpo emini ma e’yosi, emi mileni lele avasi, emi orindi ovuzu yikiru erisiri eza ra; te agianzi emini piyi ezoanzi emini be, emini kule emi vutia ’diyi nga odra seisi.

²²Emi nga ani ’ye mani ’yelerile; emi ngani emi tile a’bu ku, emi ngani enya ’bani inya ku indi.

²³Bongo ombeza emini nga ovu emi dria ’dani, enyi riko emini nga ovu emi paa; emi ngani awu wu ku, emi ngani wu mindresi ku indi, te emi nga dri ci oyizu e’yo onzi emini ma alia, emi nga ri azo ta emi eselia emi agyi be.

²⁴’Dini Ezekielini nga ovu emi dri i ecetaru; ekile e’yo dria erini ’yelerile emi nga ’ye alu indi ’dinile, Te e’yo ’diri ka nga i ’ye ra, emi nga ni kini ma Opi Yehova’i.

²⁵Te mi, mvi ’bani, o’du mani ngazu yi ma okpo pi nzezu, diza yini ma ayiko pie, afa yi ma mileni lele i avasiri pie, afa yini asi ’bazu drinia, lagianzi yini piyi ezoanzi yini be ’diyi ,pierisi,

²⁶eri ngani eca ’dini o’du nde ’dasi, kini, ’ba apapi rari nga emu mi vu, fezu mi ma eri e’yo nde mi bilesi mi’i ku ya?

²⁷O’du nde ’dasi mi nga mi tile zi ’ba apapi ’bori i dri, mi nga e’yo olu ra, mi ngani ovu ndi ’ba e’yo ’yopi kurile dika ku ’Dini mi nga ovu ecetaru yi dri; te yi nga ni kini ma Yehova’i.