Read lugbara Ezekieli 29 Bible Online

Ezekieli 29 - lugbara bible

Ezekieli 29

¹Eli mudriri ma mba mudriri ma o’du mudri drini iririsi, e’yo Yehovani eca ma vu, kini:

²Mvi ’bani, mi ’ba mi mile Farau opi Misiriari vu, mi ondri e’yo eri ma ruaa Misiri be dria;

³mi olu, mi ’yo kini, Opi Yehova ’yo ’dini: Mi ndre, ma mi dri aru, Farau opi Misiriari, mi eyiu amboru lapi yi raza erini ma eselia, ’yopi kini, Miri mani Niliruri eri afa ma ngulupini; ma ’ba eri ma ngulupi dri ma’i-ri,

⁴Te ma nga ewia ’ba mi tilia, ma nga fe e’bi yi raza mini ma alia ’diyi ma ebi ongoro’bo mini ma ruaa; ma nga mi ese yi raza mini ’diyi ma aliasi, e’bi yi raza mini ma alia ebipi ongoro’bo mini ma ruaa ’diyi pie dria.

⁵Te ma nga mi ’be ku angu didia, mi’i e’bi yi raza minia ’diyi pie dria; mi nga e’de nyamuko walaru ma dria, te yi ngani mi omvu okuzu tualu ku. Ma fe mi anyapa nyakua ’diyi pi dri nyakaru aria ’bua ’diyi be ’bo

⁶’Ba ovupi Misiria ’diyi dria nga ni kini ma Yehova’i, yini ovule kali omiru suru Israelini dri ’borisi.

⁷Yi ka mi bi yi ma drisi, mi nyo mi ra, mi oso yi ma wusidri dria; yi ka yi ati mi ruaa, mi nyo mi ra, mi fe yi ma opile oya oya.

⁸E’yo ’disi Opi Yehova ’yo ’dini: Mi ndre, ma nga Isei eji mi dria, ma nga ’ba piyi ofu anyapa be mi vusi ra;

⁹angu Misirini nga ofu andruru azini ezazaru. Te yi nga ni ani ma Yehova’i. Erini ’yole kini, Miri Niliruri eri mani, ma ’ba eri ma’i-risi,

¹⁰e’yo ’disi, mi ndre, ma mi dri aru, yi raza mini be, ma nga angu Misirini ’ba ovuzu ezazaru teketeke andruru, engazu jo izuru Sevenearia kpere kalati Etiopia beria.

¹¹’Ba aluni ngani i ma pa ’ba agazu aleniasi ku, anyapa aluni ngani vini yi pa ’ba agazu aleniasi ku indi; ’ba ngani ovu alenia eli kali su ku.

¹²Te ma nga Misirini ’ba ovuzu andruru angu ovupi andruru ’diyi ma eselia adikadi; azini aku erini ambo ambo ’diyi! nga ovu andruru aku ovupi ezazaru ’diyi ma eselia eli kali suo Ma nga ’ba Misiria ’diyi ere suru eselia, ma nga yi ere ndu ndu angu ndu ndu ma eselia.

¹³Te Opi Yehova ’yo ’dini: Eli: kali su ka yi de ra, ma nga ’ba Misiria ’diyi oku ’ba nde yini ovuzu erezaru yi ma eselia ’diyi ma eseliasi;

¹⁴ma nga ati’ba Misiriniri omvi dika, ma nga yi omvi dika angu Patirosini, yini ndra osizu aleniaria; yi nga ovu ’dale suru papaleferuriru

¹⁵Eri nga ovu suru nyaza ’diyi ma eselia dria paferu nyanya, eri ngani i ’ba uru suru ma drilia dika ku; ma nga yi ’ba ovuzu wereru tu, ’dini yi ma adri opiru suru ma drilia dika ku beni.

¹⁶Suru Israelini nga vini yi asi ’ba yi ma dria dika ku, fezu e’yo onzi yini egazu dika, yini yi ojaria vile yi vuti luzu. Te yi nga ni ma Opi Yehova’i,

¹⁷Te eri nga eca ’dini eli kali iri drini aziriri ma mba aluri ma o’du alurisi, e’yo Yehovani nga eca ma vu, kini:

¹⁸Mvi ’bani la, Nebukadreza opi Babuloniari fe asikari erini ongulumuru ma nga azi amboru tu a’di ’dizu Turo be; ’ba dria aliari alu ma dri eca tuaru, ’ba dria ali ali ma wusidri ma enyi wu ira; te ti, eri’i asikari erini be, yi isuni oya Turo azi erini ngale eri vuri ma e’yosi ku.

¹⁹E’yo ’disi Opi Yehova ’yo ’dini: Mi ndre, ma nga angu Misirini fe Nebukadreza opi Babuloniari dri; eri nga ’ba yini ongulumuru ji ra, nga yi ma afa opa ra, nga yi ’du okposi; afa nde nga ovu asikari erini ongulumuru dri oyaru.

²⁰Ma fe angu Misirini eri dri andeso eriniru ’bo, azi erini ngaleri ma paria, yini ’yele ma dririsi, Opi Yehova ’yo ra.

²¹O’du nde ’dasi ma nga fe o’yuni egbizu suru Israelini dri, azini ma nga mi tile zi e’yo ’yozu yi ma eselia. Te yi nga ni ma Yehova’i.