Read lugbara Ezekieli 41 Bible Online

Ezekieli 41 - lugbara bible

Ezekieli 41

¹Eri nga ma cii hekalu vu, nga patini o’bi, walani wuale azia kala alurisi, walani wuale azia kala azinisi, wala nde wala bereniri’i.

²Pari fizuri ma walani wuale mudri; pari fizuri ma kala ’diyi ’dini, kala aluria wuale towi, kala azinia wuale towi; eri nga oconi o’bi wuale kali su, walani be, wuale kali iri.

³Vutinia eri fi alenia, nga pati pari fizuria ’diyi o’bi yi alu alu, wuale iri; pari fizu nderi wuale azia; pari fizuri ma walani wuale aziri.

⁴Eri nga vini oconi o’bi wuale kali iri, walani be wuale kali iri, hekalu ma drilia. Eri nga ’yo ma tia ’dini, Pari alatararu agapi turi eri ’di’i.

⁵Vutinia eri nga jo ma abi o’bi, wuale azia; jo aliza kalania ’diyi yi alu alu ma walani wuale su, jo ma ageia kalaasi dria.

⁶Adro jo aliza kalaa ’diyi drinia paleko na, alu azini ma dria alu azini ma dria, yi ma kalafe kali na otiza vusi; yi fi jo aliza kalaa ’diyi vile abiri ma alia ageiniasi kuru, yi ma bi eri ra, ma bi jo ma ada ma abi ku.

⁷Jo aliza kalaa ’diyi ere yi walaru aga ra yini jo aceria uru uru, a’disiku jo aliza adrole drinia drinia ’diyi tu uru dika dika yini jo aceria kalasi kalasi; e’yo ’disi jo ma walani ovu ’dani kpere drinia uru; ’dini ’ba tu engazu jo aliza eleria kpere jo adrole uru ruri vu geri jo adrole agaduari vurisi.

⁸Ma ndre indi jo ma eti si i uru ageinia kuru; jo aliza kalaa ’diyi ma eti ovu ozu alu tre wuale ambo ambo be azia,

⁹Abi edele i jo aliza driri ma walani kala amverisi wuale towi; pari kuleri eri pari jo aliza jo ma ada ma kalaa ’diyini.

¹⁰Angu jo aliza pi ma eselia jo ma ada beri ma walani wuale kali iri, ace jo ma ageia kalasi kuru.

¹¹Jo aliza kalaa ’diyi ma tile fe ti pari kuleri vu, jotile aluri fe ti kala andraleruria, jotile aziniri fe ti kala uruleruria; pari kuleri ma walani wuale towi kalasi dria.

¹²Jo sile pari awale ndu kala etuni ’derialeruriari ma driliari ma walani wuale kali aziri; jo nde ma abi ma walani wuale toni kalasi kuru, oconi wuale kali oromi.

¹³’Dini eri nga di jo o’bi ra, oconi wuale turu alu; pari awale nduri pie, jo ma ada pie, abi erini ’diyi pie, oconi wuale turu alu;

¹⁴o’bi vini jo ma drile pi pari awale ndu kala etuni ’derialeruriari ma drile be, walani wuale turu alu.

¹⁵Eri nga di jo ovupi pari awale nduri ma miliari ma kala vileriari ma oconi o’bi, jobileko adrozaru erini ’diyi pie, kala alusi azini kala azinisi wuale turu alu. Hekalu alialeruri pi, riidri kalitile ma jobileko pie,

¹⁶pari fizu ’diyi pie, derisa opizaru ’diyi pie, jobileko adrole uru ageia jo adrole na ’diyi ma tia ’diyi pie dria; jobileko ’diyi oti yi pari ’bani fizu ’diyi be, opi yi ma dri pati osizasi ageinia kuru, a’bu yi ruaa pati osizasi engazu nyakua uru derisa vu (isu de derisa yi opizaru),

¹⁷o’bi angu mgboru jotile ma drilia ururi vu kpere jo alialeruri ma alia, amveri pie, abi ma ruaa aleniari pie, amveri pie dria o’bizasi,

¹⁸Ede eri wura kerubi pinisi itu pati be, itu pati ovu agadua kerubi pi ma eselia kerubi aziniri be. Kerubi dria alu alu ma andreti iri:

¹⁹’dini ’ba ada ma andreti lu itu pati vu kala alusi, kamimva ma andreti lu itu pati vu kala azinisi. Ede eri ’dini jo ma alesi dria ageinia kuru;

²⁰ede kerubi pi itu pati be engazu nyakua cazu kpere jotile ma drilia uru; ede hekalu ma abi ’dini.

²¹Ede hekalu ma jotile pati kilili owu be owu be ’diyisi; te pari alatararu ma e’daza e’da i hekalu ma e’dazale.

²²Ede pari edeta edezuri patisi, izuni wuale na, oconi wuale iri; tini ’diyi pi oconi pie, abini pie, ede patisi dria. Eri nga ’yo ma tia, ’Di mesa ovupi Yehova ma driliari’i.

²³Hekalu pi pari alatararu be ovu jotile be iri.

²⁴jotile nde ’diyi ovu tiko be iri iri, tiko yi ojapi ’diyi; tiko iri jotile aluni, tiko iri jotile azinirini,

²⁵Ede yi ma ruaa, ada jotile hekaluni ma ruaa, kerubi pi ma wura itu pati be, ekile edele abi ma ruaarile; jotile ma jobileko ma tia amve pati osiza oseru indio

²⁶Derisa opizaru ’diyi pi itu pati be indi, kala ’dosi kala ’dasi, jotile ma jobileko ma tia; jo aliza jo ma kalaa ’diyi pi pati osiza oseru ’diyi be ndra ’dini.