Read lugbara Ezekieli 42 Bible Online

Ezekieli 42 - lugbara bible

Ezekieli 42

¹Vutinia eri nga ma eji amve fizu riidri amveleruri ma alia, geri woke andralerurisi, eri nga ma ofi jo ovupi otizaru pari awale nduri pi be jo kala andraleruriari beria.

²Oconi wuale turu alu drilenia kalitile andraleruri’i, walani wuale kali towi.

³Jobileko adrole jobileko ma dria paleko na ’diyi indi,oti yi angu wuale be kali iri riidri alialeruriniri pi be angu oni otiza be riidri amveleruriniri be.

⁴Jo alile ’diyi ma drilia geri ’bani acizuri indi, wala aleniari wuale mudri, gerini wuale alu; jotile yini fe ti kala andraleruria.

⁵Te jo aliza ovupi uru ’diyi ma walani were, a’disiku jo ’diri ma alia jobileko adrole uru ’diyi pa jo nde ’diyi ma angu, aga angu jo eleri vileri kani jo adrole agaduari vileri ra.

⁶A’disiku adro yi drinia drinia pale na, te yi ovuni pati i’diza be riidri ma pati i’diza ’diyile ku, e’yo ’disi jo aliza adrole uru turi emvi vile aga ele nyakuari kani agaduari ra.

⁷Abi amve jo aliza ma kalaa ti fepi riidri amve1eru jo aliza ma driliari vuleruri, oconi wuale kali towi.

⁸A’disiku jo aliza riidri amveleruri ma alia ’diyi ma oconi wuale towi, te mi ndre, hekalu ma drilia ’diyi wuale turu alu.

⁹Pari ’bani fizu kala etuni efuzurialeruri e’do jo aliza ’diyi ma etia, ’ba ka fi yi vu engazu riidri amveleruria.

¹⁰Abi walaru riidri etuni efuzurialerurini ma alia jo aliza indi, pari awale nduri pi ma drilia jo nde be.

¹¹Geri yi ma driliari e’da i geri jo aliza kala andraleruria ’diyinirile, oco yini ovu oco jo aliza ’dayinirile, wala yini wala ’dayinirile, fuza yini ’diyi ovu trotro wura ’dayini vusi, lotile yini trotro indio

¹²Jo aliza kala uruleruria ’diyi ma jotile vusi jotile azini indi geri ma drilia, geri nde oti i a bi ma drilia kilili kala etuni efuzurialeruria, ’bani firia yi vu.

¹³Vutinia eri nga di ’yo ma tia, Jo aliza kala andraleruria ’diyi pi jo aliza kala uruleruria ’diyi be, pari awale nduri ma drilia, yi jo aliza alatararu ’diyi; jo aliza nde ma alia ’ba edeta edepi ovupi Yehova vu ogogo ’diyi nga afa alatararu tu ’diyi nya ra; yi nga afa alatararu tu ’diyi o’ba ’daa-edeta anyafurasiri pi, edeta e’yo onziniri pie, edeta e’yoni ’ba ndezurini pie dria, pari ndeni ovule alatararurisi.

¹⁴’Ba edeta edepi ’diyi ka fi ’bo, yi ma fu pari alatararuriasi fizu riidri amveleruria ku, te yi ma ku bongo yini azi ngazu ’diyi ’daa, yini ovule alatararurisi; yi ma su bongo azini yi ma ruaa raka, yi ma nga di si afa ovupi ’ba ndeni ’diyi vu ogogo ndo.

¹⁵Eri ka de jo aleniari o’bizu ’bo, eri nga ma eji amve geri kalitile ti fepi etuni efuzurialeruri vurisi, nga ageini o’bi kalasi kuru.

¹⁶Eri nga angu o’bi ozu afa o’bizurisi kala etuni efuzurialeruria, ozu turu towi, o’bi eri ozu afa o’bizurisi ageiniasi kuru.

¹⁷Eri nga angu o’bi kala andraleruria ozu turu towi, o’bi eri ozu afa o’bizurisi ageiniasi kuru.

¹⁸Eri nga angu o’bi kala uruleruria, ozu turu towi, ozu afa o’bizurisi.

¹⁹Eri nga vini i oja kala etuni ’derialeruria, nga angu o’bi ozu turu towi, ozu afa o’bizurisi.

²⁰O’bi di eri kala susi. Eri abi be eri ma ageia kuru, oconi turu towi, walani turu towi, pari alatararu pi ma esele cozu pari ’ba drianiri be beni.