Read lugbara Ezekieli 48 Bible Online

Ezekieli 48 - lugbara bible

Ezekieli 48

¹Suruti ma ru yi ’di: Engazu kala andraleruria, geri Hetiloniari ma ageia kpere pari ’bani fizu Hamatiaria, azini Hazari-enani Damasiki ma kalatiaria, andraleru Hamati ma ageia (kala yini nga ovu etuni efurialeru azini etuni ’derialeru), Danini, esele alu.

²Te Dani vile kalatiri ma ageia, engazu kala etuni efurialeruria cazu kala etuni ’derialeruria, Aserini, esele alu.

³Aseri vile kalatiri ma ageia, engazu kala etuni efurialeruria cazu kala etuni ’derialeruria, Nafutalini, esele alu.

⁴Nafutali vile kalatiri ma ageia, engazu kala etuni efurialeruria cazu kala etuni ’derialeruria, Manaseni, esele alu.

⁵Manase vile kalatiri ma ageia, engazu kala etuni efurialeruria cazu kala etuni ’derialeruria, Efiraimuni, esele alu.

⁶Efiraimu vile kalatiri ma ageia, engazu kala etuni efurialeruria cazu kala etuni ’derialeruria, Rubenini, esele alu.

⁷Rubeni vile kalatiri ma ageia, engazu kala etuni efurialeruria cazu kala etuni ’derialeruria, Yudani, esele alu.

⁸Yuda vile kalatiri ma ageia, engazu kala etuni efurialeruria cazu kala etuni ’derialeruria, nga ovu afa feza emini ngale feleri, walani ozu alifu kali iri drini towi, oconi esele azini ma ocole trotro, engazu kala etuni efurialeruria cazu kala etuni ,derialeruria; pari alatararuri nga ovu eri ma eselia agadua.

⁹Afa feza nde emini ngale fele Yehova driri ma oconi ma ovu ozu alifu kali iri drini towi, walani alifu mudri.

¹⁰Afa feza alatararu nde ma ovu ’ba ’diyi dri, ada ’ba edeta edepi ’diyi dri, kala andraleruria oconi alifu kali iri drini towi, kala etuni ’derialeruria walani alifu mudri, kala etuni efurialeruria walani alifu mudri, kala vini uruleruria oconi alifu kali iri drini towi; pari alatararu Yehovaniri nga ovu eri ma eselia agadua.

¹¹’Diri nga ovu ’ba edeta edepi o’bale nde alatararu Zadoki anzipiru, azi mani ma ta mbapi ’bo ’diyi dri; anzi Israelini ka ndra geri kura, ’ba ’diyi kuni ndra geri adari ’ba Levinini kulerile ku.

¹²Te eri nga ovu yi ekifa fezale engazu angu fele afa fezaleri ma eselia; eri afa alatararu turi, eri ’ba Levini ma kalati ma ageia.

¹³’Ba edeta edepi ’diyi maliari: kalati vusi, ’ba Levini nga ovu esele yini be, oconi alifu kali iri drini towi, walani alifu mudri. Oco driari alifu kali iri drini towi, walani alifu mudri.

¹⁴Yi ma fe eri ozi ku, ma ale eri angu azinisi vini ku; angu ma efi kaza okori ma ovu fezaru ’ba azini dri nyazu ku, erini ovule alatararu Yehova dririsi.

¹⁵Angu acepi alifu towi wala erini ma alia, alifu kali iri drini towi ’diyi ma driliari, nga ovu ’ba driani, aku amboru pi sizu pari ’bani ovuzu ’diyi pie, angu aku ageia ’diyi pie. Aku nde nga ovu angu nde ma alia agadua;

¹⁶o’biza erini yi ’di’i: kala andraleru alifu su drini turu towi, kala uruleru alifu su drini turu towi, kala etuni efurialeru alifu su drini turu towi, kala etuni ’derialeru alifu su drini turu towi.

¹⁷Aku amboru nde nga ovu angu ageiniari be: kala andraleru turu iri drini kali towi, kala uruleru turu iri drini kali towi, kala etuni efurialeru, turu iri drini kali towi, kala etuni ’derialeru turu iri drini kali towi.

¹⁸Oco nde ma joloko acepi afa feza alatararuri ma oco vusiri nga ovu alifu mudri kala etuni efurialeru, azini alifu mudri kala etuni ’derialeru; eri ma ovu afa feza alatararuri vusi. Afa kaza erini nga ovu ’ba azi ngapi aku amboru nde ma alia ’diyi dri nyakaru.

¹⁹’Ba azi ngapi aku nde ma alia engapi suru Israelini ma alia dria ’diyi nga angu ’diri ’ya ra,

²⁰Afa! feza nde dria nga ovu alifu kali iri drini towi azini alifu kali iri drini towi; emi ma fe afa feza nde alatararuri kala be trotro, trotro, aku ambo nde vile anguri be.

²¹Angu ma joloko acepi kala: ’dosi azini kala ’dasi afa feza alatararuri pi ma ageia aku amboru vile anguri beri nga ovu opi dri. Afa feza nde ma alifu kali iri drini towi ma drilia, kalati etuni efurialeruri vuleru, te etuni ’derialeru, alifu kali iri drini towi ma drilia kalati etuni ’derialeruri vuleru, esele azini ’diyi vusi, angu ’diri nga ovu opi dri. Afa feza alatararuri pi pari alatararu joniri be nga ovu eri ma eselia agadua.

²²azini indi e’dozu ’ba Levini vile anguri pisi aku vile anguri be, erini ovule opi vile angu ma eselia agaduarisi, angu kalati Yudaniri pi ma eselia kalati Benyamininiri beri nga ovu opini.

²³Te suru joloko acepi ’diyi ma e’yo ’dini: engazu kala etuni efurialeruria cazu kala etuni ’derialeruria, Benyaminini, esele alu.

²⁴Benyamini vile kalatiri ma ageia, engazu kala etuni efurialeruria cazu kala etuni ’derialeruria, Simeonini, esele alu.

²⁵Simeoni vile kalatiri ma ageia, engazu kala etuni efurialeruria cazu kala etuni ’derialeruria, Isakarini, esele alu.

²⁶Isakari vile kalatiri ma ageia engazu kala etuni efurialeruria cazu kala etuni ’derialeruria, Zebulunini, esele alu.

²⁷Zebuluni vile kalatiri ma ageia, engazu kala etuni efurialeruria cazu kala etuni ’derialeruria, Gadini, esele alu.

²⁸Gadi vile kalatiri ma ageia, kala uruleru angu luzu uruleru, kalatini nga ovu kpere engazu Tamaria cazu yi Meribati-kadesiniria, kpere yi ara Misiriniria cazu miri amboria.

²⁹Angu mini ngale awale awurusoru odrisi ’bezasi suru Israelini ’diyi driri eri ’di’i; esele yini alu alu yi ’di’i, Opi Yehova ’yo ra.

³⁰Aku amboruri ma fuza yi ’di: kala andraleruria, ozu o’bizaru alifu su drini turu towi,

³¹aku amboru ma kalitile yi nga ovu suruti Israelini ma ru vusi, kala andraleruria kalitile na: kalitile Rubeni vileri alu, kalitile Yuda vileri alu, kalitile Levi vileri alu.

³²Kala etuni efurialeruria, ozu alifu su drini turu towi, kalitile vini na: adani kalitile Yusufu vileri alu, kalitile Benyamini vileri alu, kalitile Dani vileri alu.

³³Kala uruleruria, ozu o’bizaru alifu su drini turu towi, kalitile vini na: kalitile Simeoni vileri alu, kalitile Isakari vileri alu, kalitile Zebuluni vileri alu.

³⁴Kala etuni ’derialeruria, ozu alifu su drini turu towi, kalitile yini be na: kalitile Gadi vileri alu, kalitile Aseri vileri alu, kalitile Nafutali vileri alu.

³⁵Eri nga ovu ozu alifu mudri drini aro ageinia kuru; te engazu o’du ’dasi laku nde ma runi riga ovu ’dini, Yehovani ’daa indiri’i.