Read lugbara Ezekieli 9 Bible Online

Ezekieli 9 - lugbara bible

Ezekieli 9

¹Eri nga di wu ma bilia o’duko urusi kini, Mi fe ’ba ovupi aku amboru ma drilia ’diyi ma esi ogogo, yi alu alu afa ombani ’ba dri jazuri be yi ma dria.

²Azini mi ndre, ’ba azia efu geri kalitile ururiasi, ovupi kala andraleruaria, yi alu alu ovu yi ma afa ombani ’ba dri jazuri be yi mal; dria, te ’ba alu yi ma eselia su ini bongo mile be nyiriari, eri ombe o’yu vino waraka sizuri ma ta mbapiri i ma i opilea. Yi fi ra, nga pa so pari molaru: edeta edezuri ma kalaa.

³Isu de diza Mungu Israelini, enga pari erini ovuzu kerubi ma i ruaarisi, ca jo ale jotileari ma dria; eri nga oyu uru agu bongo mile be i nyiriari supi i ruaa, ovupi o’yu vine waraka sizuri ma ta mbapiri be i ma opileari ma tia,

⁴Yehova nga ’yo tinia kini, Mi aci aku ma agaduarisi, adani Yerusalemu ma agaduarisi, mi ’ba eceta ’ba otapi taisi, owupi e’yo ngule onzi dria ’bani ’yele aku nde ma alia ’diyisi ’diyi ma andretia ci.

⁵Te ’ba acepi ’diyi ma tia de mani eriria, eri ’yo ’dini, Emi aga aku ma alesi eri ma vutia, emi co; emi mile ma ku ku, emi ma ovu yikisi ku indi;

⁶emi ofu ’ba deza piyi, karile pie, ezoanzi pie, anzi nyiri pie, oku pie woro, te emi ma eca ’ba eceta be yi ma dria ’diyi vu ogogo ku. Emi ma e’do pari alatararu maniria. Yi nga di e’do ’ba ’wara ovupi jo ma drilia ’diyisi.

⁷Eri nga ’yo yi tia, Emi eza jo ma alatara, emi ga irii erini ’diyi ’ba ma avusi. Emi fu di. Yi nga di fu ra, yi nga ’ba o’di akua.

⁸Te eri nga eca ’dini, yini ’ba o’diria yi ku ma a’dule, ma nga e’de o’bukuru va, ma wu kini, Eyawaye, Opi Yehova la! mi nga ’ba Israelini acepi jolokoru ’diyi ofu dria, mini adra mini osuria Yerusalemu ma dria ra ya?

⁹Eri nga ’yo ma tia, E’yo onzi suru Israeli pini Yuda beri ovu amboru tu; angu ga tre ’ba ma arisi, aku amboru ga tre e’yo liza inzorusi; yini ’yole, Yehova ku nyaku ’bo, azini Yehova ndreni ku-risi.

¹⁰Te ma’i indi, ma mile ngani ku ku, ma ngani ovu yikisi ku, te ma nga geri yini omvi be yi ma ngulupi dria.

¹¹Te mi ndre, agu bongo mile be nyiriari supi ovupi o’yu vino waraga sizuri ta mbapiri be i opileari omvi e’yo, kini, Ma ’ye mini azilerile ’bo.