Read lugbara Danieli 10 Bible Online

Danieli 10 - lugbara bible

Danieli 10

¹Eli na Kuro opi Perisianirisi, e’yo eceza ece i Danieli omvele. Belitesaza’iri dri. E’yo nderi ndra e’yo adani, eri a’di amboni. Eri va e’yoni ra, eri va afa ndreza ma efi ra.

²O’du ’dayisi ma’i Danieli, ma ovu candisi sabato pi pi na.

³Ma adrini nyaka onyi be nya ku, kani za pie, kani patiefi ma su pie adrini dria fi ma tilia ku, azini ma adrini odu efi ma ruaa ku, de nga sabato na ’diyi dria deni yi ku.

⁴Mba okori ma o’du kali iri drini susi, de ma ovu yi ara amboru runi Hidekeli ma tia,

⁵ma enga ma mile, ma lu, azini mi ndre, agupi bongo emve supiri indi, i ma opile a’dipi mele alaru Ufazinirisiri.

⁶Rua eriniri di ekile nyoro berulerurile, eri ma andretini di di ekile ovi gazale, mileni ad ’ile alakasi ’diyile, wu pi pa be ekile mola ’bani ruani trile dizarurile, o’duko eriniri e’yo ’yoza eriniri be ekile ’ba ongulumuru ma o’dukole.

⁷Ma’i Danieli, ma ndre afa ndreza i ecepi ma driri ma’i a’dule, a’disiku ’ba ovupi ma be ’diyi ndreni afa ndreza nderi ku, te yi ma rua ya ya tu, yi apa nzu ongusi yi ozizu ra,

⁸’Dinile ma ace a’dule, ma ndre afa ndreza ambo i ecepi ’diri, ’dinile ma alia okpo azini aceni ku; a’disiku onyibi mani oja i ma ruaa mazaru, ma ovuni okpo be dika ku.

⁹Te di ma eri e’yo erini ’yole o’dukosiri; te de mani e’yo ’yoza erini ma o’duko eriria, o’du ’be ma dii, ma eco ma o’bukuru, ma su ma mile nyakua.

¹⁰Te mi ndre, dri elo ma ruaa, bi ma, enga ma kumuti dria dri agele dria indi.

¹¹Eri ’yo ma tia kini, Mi Danieli, mi agu lele turi’i, mi ma va e’yo mani ’yole mi tiari, mi so pa uru, a’disiku pe ma ti mi vu curu’do. Ka de e’yo ’diri ’yozu ma tia ’bo, ma so pa urulesi, ma rua ri ya ya.

¹²Nga asi ’yo ma tia kini, Danieli, mi ru ku, a’disiku engazu o’du mini e’dozu mi asi ’bazu e’yo vazu, ovuzu afu kokoru Mungu mini ma milia ’darisi, e’yo miniri ovu erizaru azini ma eca vini ’do e’yo mini ’yolerisi.

¹³Te opimva suru Perisiaari oga ma o’du kali iri drini alu; te mi ndre, Mikaeli opianzi ’wara ’diyi ma azi aluri emu ma aza koni, ma ri ovu ’dale opi Perisiaa ’diyi be tualu.

¹⁴Curu’do ma emu e’yo ngapi yi ’yepi suru mini ruaa o’du asizuri ma aliari olu, a’disiku afa ndreza i ecepi mi miliari ma o’du ace nga ziri.

¹⁵Eri ka e’yo ’yo ma tia kile e’yo ’dirile ’bo, ma su ma mile va, ma tile obi i ci.

¹⁶Te mi ndre, ’ba i sipi kile anzi ’bani ’diyi ma azi alurileri elo ma tile; ma tile zi i ani, ma ’yo e’yo. Ma ’yo ’ba pa sopi ma driliari ma tia kini, Opi mani la, afa ndreza ovupi ecezaru ma dririsi candi emvi ma dria, ma okpo ani yo.

¹⁷Te opi mani inzile ’dori ma ati’bo eco e’yo ’yozaru opi mani inzile ’dori be ngoni ngoni ya? A’disiku ma’i, coti okpo azini aceni ma alia aluni ku, azini ava aceni ma alia ku indi.

¹⁸’Di ma vutia ’ba i sipi wura be ’baleri nga ma rua elo dika, nga okpo fe ma dri.

¹⁹’Yo ma tia kini, Mi agu lele turi, mi ru ku, asi anzuru ma ovu mi vu; mi ma ovu okpo be, awa’dini, mi ma ovu okpo be. Eri ka ’yo ma be ’dini ’bo, fe ma dri okpo ra, ma ’yo eri tia, Opi mani inzileri ma ’yo e’yo, a’disiku mi fe ma dri okpo ’bo.

²⁰Eri nga asi ’yo ma tia kini, Mi ni e’yo mani emuzu mi vuri ra ya? Curu’do ma mvi mu a’di ’di opi Perisiaari be; te ma ka nga fu ’bo, mi ne, opimva Girikiniri nga ecani.

²¹Te di ma mi tia e’yo ovupi sizaru e’yo siza adaruri ma aliari olu: te ’ba azini ma kalaa fipi ma be a’di ’dipi ’ba ’diyi beni yo, pe alu Mikaeli opimva emi-niri.