Read lugbara Hosea 4 Bible Online

Hosea 4 - lugbara bible

Hosea 4

¹Emi eri e’yo Yehovani, emi anzi Israelini; Yehovani agata gale ’ba ovupi angu ndea ’diyi berisi; e’yo adaru, kani yiki, kani nita ’bani Mungu nizuri yini ovule angu ndea kurisi.

²Te ’ba isuni afa azini ku, pe lu ’ba o’daza pi, e’yo ’bani azileri ojazu lokirisiri pie, ’ba ’diza pie, afa oguza pie, ali o’baza pie; yi anzu azita dria, arini ra agyi dria agyi dria.

³E’yo ’dirisi anguni nga ovu awu be, azini ’ba dria adripi alenia ’diyi nga oyi candisi, anyapa asea ’diyi pie, aria ’bua ’diyi be; ada yi nga e’bi miria ’diyi wu amve indi.

⁴’Ba aluni ma ga agata yi be ku, ’ba azini ma ega yi dria aluni ku, te suru mini yi ovu ekile ’ba agata gapi atalau edeta edepiri berile.

⁵Mi nga aci parapara etusi, te nabini nga vini aci para para mi be inisi indi; azini ma nga mi andri ma dri ja ra.

⁶Suru mani ovu dri jazaru aniakosi; te mini nita gale ’borisi, ma nga vini mi ga si, mi ma ovu ani ma dri atalau edeta edepiriru ku. A’disiku mini Mungu mini ma azita avile rarisi, ma’i ma nga anzi mini ma e’yo avi ra indi.

⁷Yini ezule karakaraurile, ezata yini ma vu ’diyi ezu ’dinile indi; ma nga diza yini oja drinzaru.

⁸Yi tra suru mani ma ezatasi; yi ’ba asi yini e’yo onzi yini ma dria ayikosi.

⁹Eri nga ovu ’dini, suru si yi trotro ’ba edeta edepi ’diyile; te ma nga panga fe yi dri geri yini ’diyi ma e’yosi, ma nga aroti ofe yi dri ’yeta yini ’diyisi.

¹⁰Yi nga nya ra, te nyakani ngani ca yini ku; yi nga ali ’ba ra, te yi ngani ezu ku; yini asi kule fekokoru e’yo Yehovani vurisi.

¹¹Ali ’baza pi, patiefi ma su mvuza pie, patiefi ma su o’diru pie nze e’yo vaza dria.

¹²Suru mani ondua zi wura toko yini edele patisiri ma tia, kali yini e’yo nde olu yi drini. Orindi ali ’bazaniri erini yi fele ezazurisi, te yi ku Mungu yiniri muzu ali o’bazu.

¹³Yi edeta ede oni ma dri mbiliaria, yi obiese ve oni dria, pati kumara ma etia, pati masa pie, pati itini pie, yi ma endrini ovule onyirurisi. E’yo ’dirisi ezoanzi emini yi aci saaru, te amurua emini bile ’diyi yi ali o’ba indi.

¹⁴Ma ngani ezoanzi emini dri panga fe ku, yini acile saarurisi, kani amurua emini bile ’diyi yini ali o’balerisi; a’disiku agupi ma ngulupi adri yi oja kalaa oku saaru ’diyi be, yi edeta ede tualu oku bali bali ’diyi be; yi nga ’ba e’yo vapi ku ’diyi o’be va.

¹⁵Israeli la, ka tro mi’i mi aci saaru ali ’bazu ti, Yuda ma eza ku. Te emi emu Giligalia ku, emi tu uru Beti-avenia ku, emi so oyo, Ekile Yehovani ovule idrirurile, ’dini ku.

¹⁶Israelini ’yele asi mbazasirisi ekile tikari asi mbaza berile; te curu’do Yehovani nga yi oce pari amboru ma alia ’bani kabilomva ocelerile.

¹⁷Efiraimu eci i wura inzile inzi ’diyi be ’bo; emi ku nga eri ma ovu.

¹⁸Afa mvuza yini oja i drazaru ’bo; yi ali o’ba ’dani ’dani; opi erini yi le e’yo drinzaruri asi driasi.

¹⁹Oli ombe yi i ma opilia; te yi nga ovu drinzasi edeta yini edele ’diyisi.