Read lugbara Hosea 5 Bible Online

Hosea 5 - lugbara bible

Hosea 5

¹Emi eri e’yo ’diri, emi ’ba edeta edepi ’diyi la! Emi eri, emi suru Israelini la! Emi fe bile, emi ’ba jo opiniria ’diyi la! A’disiku e’yo liza ’diri ovu emini; emini ovule awile angu Mizipaa, azini emba ’bani ’bele- Taboraarilerisi.

²’Ba fupi ma ruaasi amve ’diyi yi fi ali va ’ba ’dizu ari be; te ma’i ma ega yi dria ma dria,

³Ma ni Efiraimuni ra, Israeli ovuni zizaru ma milia ku; te curu’do, Efiraimu la, mi ’ba ali ’bo. Israeli ovu alata kokoru.

⁴’Yeta yini ’yele ’diyi oga yini asi ojakokoru Mungu yini vu si; orindi ali ’bazanirini ovule yi ma alia cirisi, yi nini ani Yehovani ku,

⁵Te afu Israeliniri nga e’yo eti nze eri ma milia ra; e’yo ’disi Israeli pi nga aba e’yo onzi yini ma alia Efiraimu be; Yudani nga aba yi be indi.

⁶Yi nga mu kabilo yini o’biru be, ti yini o’biru ’diyi be Yehovani ndazu, te yi ngani eri isu ku; erini i nzele yi vusi ’borisi.

⁷Yi ’ye lokirisi Yehova vu ’bo, yini juruanzi osilerisi, Te curu’do mba o’diru nga yi dri ja amvu yini be ndro.

⁸Emi vu guka wereri Gibeaa emi vu guka amboru Ramaa. Emi ’be ali cere Beti-avenia; yi emi vutia ’di yo, Benyamini la!

⁹Efiraimuni nga ovu andruru o’du Munguni egazu ’ba driarisi; ori’ba Israelini ’diyi ma eselia ma fe ’ba ma ni e’yo ngapi i ’yepi adaru ’diyi.

¹⁰Opianzi Yudani ovu ekile ’ba lokiri anguni ojapi ’diyile; ma nga adra mani osu yi ma dria ekile ’bani yi osulerile.

¹¹’Ba inza Efiraimuni ’bo, ’ba omi eri e’yo liza ma alia, erini a’ile acizu azita ’bani ma vutiarisi.

¹²E’yo ’disi ma eca Efiraimu vu eriagale, suru Yudani vu ekile afa mazale.

¹³Efiraimu ka azo ini ndre ra, azini Yuda ka bile i ma ruaari ndre ra, Efiraimu nga di mu Asuriaa, nga ’ba ti pe opi Yarebu vu. Te eri econi emi atizaru ku, eri ngani bile emi ruaari fe ja ku indi.

¹⁴A’disiku ma nga ovu Efiraimu vu kamile, ekile kamimvale suru Yudani vu, Ma’i, adani ma’i, ma nga za ma ale alu ra, ma nga mu ra; ma nga afa ’du ji, te ’ba ’ba papini yo.

¹⁵Te ma nga mu ra, ma nga mvi ma paria, de nga yi a’ini ezata yini ku, de nga yi ndani ma mile ku; yi nga ma nda asi driasi inzata yini ma alia.