Read lugbara Hosea 6 Bible Online

Hosea 6 - lugbara bible

Hosea 6

¹Emi emu,ama ma mvi Yehovani; eri asi ama ale ’bo, te eri nga ama ati ra; eri co ama ra, te eri nga ama ombe ra,

²Pale iri ma vutia eri nga idri fe ama dri dika; o’du pale narisi eri nga ama enga uru, te ama nga di ovu idriru eri ma milia.

³Ama ma ni eri ra, ama ma mu drile Yehovani ni;efuta erini ovu ’dani o’bitinirile; eri nga eca ama vu ozoole, ekile ozoo ’dipi ayisi yi osupi nyakuarile.

⁴Efiraimu la, ma nga e’yo ngoni ’ye mi dri ra ya? Yuda la, ma nga e’yo ngoni ’ye mi dri ra ya? Onyi emini erini ovule iriti lururu o’biti berilerisi, ekile andrali afipi mbelerile,

⁵E’yo ’disi ma ga yi ’bani pati galerile nabi ’diyisi, ma fu yi e’yo efupi ma tiliarisi, azini e’yo liza mani ’diyi ovu ekile diza dipi amverile.

⁶Te ma le yiki ale beri, ma leni edeta edeza ku, ma le nita ’bani Mungu nizuri aga edeta vezaru ’diyi ra.

⁷Te yi eza aziza Adamule; pari ’da ma alia yi ’ye ma vu lokirisi ra.

⁸Gileadi ovu amboru ’ba azi onzi ’yepi ’diyini; eri tro i arisi ’bo.

⁹Ekile ’ba oguouru yi okupi tualu ’diyini ’ba telerile, ’ba edeta edepi yi okupi tualu, ’diyi yi ’ba ofu ’dinile indi geri mupi Sekemuaria; adaru yi ’ye afa onzikanyaru tu.

¹⁰Suru Israelini ma alia ma ndre afa onzikanyaru tu: ma isu ali ’baza Efiraimu ma alia, Israeli ovu alatara kokoru.

¹¹Azini vini Yuda la, azi ewu anya lozuri mi dri ’bo.