Read lugbara Hosea 9 Bible Online

Hosea 9 - lugbara bible

Hosea 9

¹Mi ma ovu nyonasi ku, Israeli la, ayiko be, ekile suru azini ’diyile; a’disikuniri, mini ali ’bale, mini Mungu miniri kuzurisi; mini ali ali ’bazuri lele akuma anya cozuri ma driasi driarisi.

²Akuma azini pari patiefi su nzizuri ngani nyaka fe yi ’dri ku, te patiefi ma su o’diru ngani dri fu eri dri ku.

³Yi ngani adri angu Yehovani ma alia ku; te Efiraimuni nga mvi Misiria, azini yi nga nyaka alata kokoru nya Asuriaa ra.

⁴Yi ngani patiefi ma su osu Yehova dri ku; edeta yini ngani ovu eri dri ayikoru ku. Edeta yini nga ovu yi dri ekile nyaka ’bani nyale dra tiarile; ’ba dria ngapi nyaka nde nyapi ’diyi nga ovu alatara kokoru; a’disiku nyaka yini nga ovu kiri abiri yini dezu; eri ngani eca jo Yehovania ku.

⁵Emi nga a’di ’ye o’du okuza alatararuni ma alia, azini o’du omu Yehovaniria ya?

⁶Te mi ne, yi apa pari dri jazuriasi ’bo; te Misirini nga yi okuni, Memufisini nga yi osani. Onyiafa yini dahaburu ’diyi, aukau nga yi pani; oci yi nga du hema yini ma alia.

⁷O’du Munguni yi andrizuri eca ’bo, o’du aroti ofezuri eca ’bo indi; Israelini nga e’yo nde ni ra. Nabi ovu ondua kokoru, ’ba orindi beri ovu azazaru, e’yo onzi mini ’yele kakau ’diyi ma e’yosi, ngutani ovule amborurisi.

⁸Efiraimu eri ovu ’ba angu tepi Mungu mani beri’i; te nabi dri yi o’ba ese ’ba aria o’bapirini geri erinia dria, azini nguta indi Mungu eriniri ma joa.

⁹Yi eza yi tu ekile ndra 0’du Gibeanisirile: eri nga e’yo onzi yini ega, eri nga yi andri e’yo onzi yinisi,

¹⁰Ekile pati zabibuni asearile, ma isu Israeli. Ekile elio pati kapi oko eli erini okori ma aliarile, ma ndre a’bipi emini. Te yi emu Baali-peoria, yi fe yi afa drinzaru nde vu ceni, yi oja yi onzikanyaru ekile afa nde yini lelerile.

¹¹Te Efiraimu ma dizani nga avi ariani salerilete anzi osiza ngani ovu ku, oku aluni ovu mva be alia ku, anzi tiza dika yo!

¹²Yi ka yini anzi ezo ra ti, ma nga yi o’du drasi, ’ba aluni ngani ace ku. Ada, drileonzi yi dri indi ma ka nga yi ku ra!

¹³Yi sa Efiraimuni pari onyiruria, ekile mani Turoni ndrelerile; te Efiraimuni nga anzi ini ofu fe ’ba ’ba fupiri dri.

¹⁴Mi fe afa yi dri, Yehova lami nga yi dri a’di afa fe ya? Mi fe yi dri opojo mva a’bepi a’beri pi ba su kokoru ’diyi be.

¹⁵Onzi yini dria ovu Giligalia; pari ’daa ma ngu yi ra. A’disiku e’yo onzi yini ’yelerisi ma nga yi dro jo maniasi amve. Ma ngani yi le dika ku; te opianzi yini ’diyi yi dria ovu ’ba e’yo gapi si ’diyi.

¹⁶Co Efiraimuni ’bo, yi ma ola ’wi ra, yi ngani efi ’ya ku. Yi ka osi ra ti, ma nga efi kaza nde yi ma opojoni, yini leleri, fu ra.

¹⁷Mungu mani nga yi o’be amve, yini eri ma ti erile kurisi; yi nga ovu erezaru ovuzu ’ba dri icipi suru ma eselia ’diyiru.