Read lugbara Yona 2 Bible Online

Yona 2 - lugbara bible

Yona 2

¹Etu ’dasi Yona nga e’yo zi Yehova Mungu ini ma tia e’bi ma aliarisi,

²’yo ra, Ma wu ocoko mani ma e’yosi Yehova vu, te eri a’i ma ra ma wu engazu pari ’ba drazani ’diyini ma aliarisi, te mi eri ma 0’duko ra.

³A’disiku mi ’be ma yi aliru alia, kpere miri ma alia adikadi, yi adi ma ageiasi kuru etataru; yi mini ombupi omburi aga ma driasi dria.

⁴Ma ’yo ani kini, ’Be ma mi miliasi ziri ’bo; te ti, ma nga lu dika hekalu mini alatararuri vualeru.

⁵Yi ace ma kuru kpere orindi mani vu; yi aliru eci ma ageia kuru; omi ola ekila ma dri ci.

⁶Ma si kpere oni amboru ’diyi ma etia va; nyaku a’bu i ma dria ma ombezu kuzu iriti; te ti, mi enga idri mani ’bile ma aliasi ’bo, Yehova Mungu mani la!

⁷Etu icimakoroni ma orindi ’yezu vurisi, ma ega Yehovani ra; zita mani fi mi vu kpere hekalu mini alatararuri ma alia.

⁸’Ba e’yo toko toko inzoru egapi ’diyi avi drileba yini ceni.

⁹Te ma nga edeta ede mi dri o’duko awa’diforurisi; oyo mani soleri ma nga ofe ra. Pata enga Yehova vu!

¹⁰Yehova nga di e’yo ’yo e’bi tia, eri nga Yonani egbe angu a’wiru ma dria ani.