Read lugbara Kalafe 1 Bible Online

Kalafe 1 - lugbara bible

Kalafe 1

¹Yehova nga e’yo ’yo Musa tia roko Sinaiaria, hema ti ecizaniri ma alia, eli iri yini efuzu angu Misiriariasi ma vutiari ma mba iriri ma o’du okorisi kini,

²Emi ma la anzi Israelini ongulumuru ’diyi ma kalafe, ori’ba yini vusi, suruti yi ma a’bipini vusi, yi ma ru ma kalafe vusi, ’ba agupiru ’diyi dria alu alu, dri vusi dri vusi;

³e’dozu ’ba capi eli be kali iri ’diyisi azini ’ba eli kali iri agapi ra ’diyi be, ’ba dria Israeli ma eselia ecopi fupi mupi ombaa ’diyi, emi Aroni be ma la yi ma kalafe ongulumu yini vusi.

⁴Azini engazu suruti dria alu alu ma alia ’ba alu ovupi eri ma a’bipi ma suru driliari ma ovu emi be indio

⁵’Ba ngapi pa sopi emi be indi ’diyi yi ’di ’ba Rubenini, Elizuri Sedeuri mvi’i;

⁶’ba Simeonini, Selumieli Zurisadai mvi’i;

⁷’ba Yudani, Nasoni Aminadabu mvi’i;

⁸’ba Isakarini, Netaneli Zuari mvi’i;

⁹’ba Zebulunini, Eliabu Heloni mvi’i;

¹⁰Yusufu anzini, ’ba Efiraimuni, Elisama Amihudi mvi’i; ’ba Manaseni, Gamalieli Pedazuri mvi’i;

¹¹’ba Benyaminini, Abidani Gideoni mvi’i;

¹²’ba Danini, Ahiezeri Amisadai mi’i;

¹³’ba Aserini, Pagieli Okirani mvi’i;

¹⁴’ba Gadini, Eliasafu Deueli mvi’i;

¹⁵’ba Nafutalini, Ahira Enani mvi’i.

¹⁶’Ba ’diyi yi ’ba omvele engazu ’ba ongulumuru ma eselia, suru yi ma a’bipini ma drilia opiru ’diyi, yi ’ba suruti Israelini ma drilia ’diyi.

¹⁷Musa pi Aroni be nga di ’ba te omvele rusi ’diyi ’du,

¹⁸yi nga ’ba ongulumuru oku dria tualu mba iriri ma o’du okorisi; nga yi ma a’bipi ma ru e’da ori’ba yini vusi, yi ma a’bipi ma suruti vusi, ru yini ma kalafe vusi, dri vusi dri vusi, e’dozu ’ba capi eli be kali iri ’diyisi azini ’ba kali iri agapi ra ’diyi be;

¹⁹ekile Yehovani azile Musa ma tiarile, eri la yi ma kalafe trotro ’dini roko Sinaiaria.

²⁰Rubeni, Israeli ma mva kayuri ma anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, dri vusi dri vusi, ’ba agupiru dria e’dozu ’ba capi eli be kali iri ’diyisi azini ’ba eli iri agapi ra ’diyi be, ’ba dria ecopi fupi mupi ombaa’diyi:

²¹’ba yima eselia yiniyi ma kalafe lale, suru Rubenini ’diyi, yi alifu kali su drini azia, drini turu towi.

²²Simeoni anzipi ma a’bianzi ori’ba yini vusi, yi ma a’bipi ma suruti vusi, ’ba yini yi ma kalafe lale, ru yini ma kalafe vusi, dri vusi dri vusi, ’ba agupiru dria e’dozu ’ba capi eli be kali iri ’diyisi azini ’ba eli kali iri agapi ra ’diyi be, ’ba dria ecopi fupi mupi ombaa ’diyi:

²³’ba yi ma eselia yini yi ma kalafe lale suru Simeonini ’diyi, yi alifu kali towi drini oromi, drini turu na.

²⁴Gadi anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:

²⁵’ba yi ma eselia yini yi ma kalafe lale suru Gadini ’diyi, yi alifu kali su drini towi, drini turu azia drini kali towi.

²⁶Yuda anzipi ma a’bianzi, ori’ba yini vusi, yi ma a’bipi ma suruti vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:

²⁷’ba yi ma eselia yini yi ma kalafe lale suru Yudani ’diyi, yi alifu kali aziri drini su, drini turu azia.

²⁸Isakari ma anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:

²⁹’ba yi ma eselia yini yi ma kalafe lale suru Isakarini ’diyi, yi alifu kali towi drini su, drini turu su.

³⁰Zebuluni anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:

³¹’ba yi ma eselia yini yi ma kalafe lale suru Zebulunini ’diyi, yi alifu kali towi drini aziri, drini turu su.

³²Yusufu anzipi ma eselia, adani Efiraimu anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’di yisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:

³³’ba yi ma eselia yini yi ma kalafe lale suru Efiraimuni ’diyi yi alifu kali su, drini turu towi.

³⁴Manase anzipi ma a’bianzi, ori’ba yini vusi, yi ma a’bipi ma suruti vesi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:

³⁵’ba yi ma eselia yini yi ma kalafe lale suru Manaseni ’diyi, yi alifu kali na drini iri, drini turu iri.

³⁶Benyamini anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:

³⁷’ba yi ma eselia yini yi ma kalafe lale suru Benyaminini ’diyi, yi alifu kali na drini towi, drini turu su.

³⁸Dani anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:

³⁹’ba yi ma eselia yini yi ma kalafe lale suru Danini ’diyi, yi alifu kali azia drini iri, drini turu aziri.

⁴⁰Aseri anzipi ma a’bianzi, ori’ba yini vusi, a’bipi yini ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopifupi mupi ombaa ’diyi:

⁴¹’ba yima eselia yini yi ma kalafe lale suru Aserini ’diyi, yi alifu kali su drini alu, drini turu towi.

⁴²Nafutali anzipi ma a’bianzi, ori’ba yini vusi, yi ma a’bipi ma suruti vusi, ru yini ma kalafe vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba dria ecopi fupi mupi ombaa ’diyi:

⁴³’ba yi ma eselia yini yi ma kalafe lale suru Nafutalini ’diyi, yi alifu kali towi drini na, drini turu su.

⁴⁴’Diyi ’ba yini yi ma kalafe lale, Musa pini lale Aroni pie, ’ba mudri drini iri Israeli ma drilia opiru ’diyi pie ’diyi, yi dria alu alu yi ma a’bipi ma suruti vusi.

⁴⁵’Dini ’ba dria yini yi ma kalafe lale anzi Israelini ma eselia, yi a’bipi ma suruti vusi, e’dozu ’ba capi eli be kali iri ’diyisi azini ’ba eli be kali iri agapi ra ’diyi be, ’ba Israelini ecopi fupi mupi ombaa ’diyi dria-

⁴⁶adani ’ba dria yini yi ma kalafe lale ’diyi yi alifu turu azia drini na, drini turu towi drini kali towi.

⁴⁷Te lani ’ba Levini ma kalafe yi ma a’bipi ma suruti vusi yi be ku.

⁴⁸A’disiku Yehovani ’yole Musa ma tianirisi, kini,

⁴⁹Te suruti Leviniri a’dule mi ma la ku, mi ma la yi ma kalafe anzi Israelini ma eselia ku;

⁵⁰te mi ma azi ’ba Levini ’diyini ovuzu hema ti ecizani e’yo eti nzezaniri ma drilia, afazuni be dria, afani ’diyi be dria; yi nga bereni ji yi’i afazuni be dria, yi nga azi nga eri dri, yi nga hema yini aso bere nde ma ageiasi kuru.

⁵¹Te bereni e’doria muria drile ’ba Levini nga eri trani; te leria bere asoria, ’ba Levini nga eri asoni. ’Ba toko ka esi ogogo, ma fu eri kai ra.

⁵²Te anzi Israelini yi nga hema yini aso ongulumu yini vusi, ’ba dria alu alu pari yini hema asozuri ma ageia, ’ba dria alu alu vini bendera erini ma ageia.

⁵³Te ’ba Levini ma aso hema yini bere e’yo eti nzezaniri ma ageia, adra kazu ovuzu anzi Israelini ongulumuru ’diyi ma ruaa ku; ’ba Levini nga bere e’yo eti nzezaniri ma azi ma ta mbani.

⁵⁴Anzi Israelini ’ye ani ’dini; ekile e’yo dria Yehovani azile Musa ma tiarile yi ’ye ’dini trotro.