Read lugbara Kalafe 26 Bible Online

Kalafe 26 - lugbara bible

Kalafe 26

¹Te eri nga eca ’dini mua ma vutia, Yehova nga ’yo Musa pi ma tia kuhani Aroni mvi Eleazari be kini,

²Mi ma la anzi Israelini longulumuru ’diyi ma kalafe dria, e’dozu ’ba capi eli be kali iri ’diyisi muzu drile, suruti yi ma a’bipini vusi, ’ba dria Israeli ma eselia ecopi mupi a’di ’dipi ’diyi.

³Musa pi kuhani Eleazari be nga ’yo yi be angu dala Moabuniri ma alia, Yoridani ma tia, Yerikoa, kini,

⁴Emi ma la ’ba ma kalafe e’dozu ’ba capi eli be kali iri ’diyisi muzu drile, ekile Yehovani e’yoni azile Musa pi ma tia, anzi Israelini efupi angu Misiriarisi ’diyi pieri le.

⁵Rubeni Israeli ma mva kayuri; Rubeni nderi ma anzipi yi ’di: Hanokini, ori’ba ’ba Hanokini ’diyi; Paluni, ori’ba ’ba Paluni ’diyi;

⁶Hezironini, ori’ba ’ba Hezironini ’diyi; Karimini, ori’ba ’ba Karimini ’diyi.

⁷’Diyi ori’ba ’ba Rubenini; ’ba yini, yini olale ’diyi ma kalafe yi alifu kali su drini na drini turu aziri drini kali na.

⁸Palu anzipi: Eliabu.

⁹Eliabu anzipi: Nemueli pi Datani pi Abiramu pie. ’Diyi Datani azini Abiramu ndra ’ba ongulmuruni pele, ndra agata gapi Musa be azini Aroni be ’ba ongulumuru Korani ma eselia ’diyi, yini ndra agata garia Yehova beria.

¹⁰Te nyaku azi i ti walaru, oki ndra yi pi pi Kora be tualu, ’ba ongulumuru ’diyini odraria ’daa, ewu acini ’ba turu iri drini kali towi evezurisi; yi efu ani ndra ovuzu ecetaru.

¹¹Te ti anzi Korani odrani ku.

¹²Simeoni anzipi ori’ba yini vusi yi ’di: Nemuelini, ori’ba ’ba Nemuelini ’diyi; Yaminini, ori’ba ’ba Yaminini ’diyi; Yakinini, ori’ba ’ba Yakinini ’diyi;

¹³Zerani, ori’ba ’ba Zerani ’diyi; Sauloni, ori’ba ’ba Sauloni ’diyi.

¹⁴’Diyi ori’ba ’ba Simeonini, yi alifu kali iri drini iri drini turu iri.

¹⁵Gadi anzipi, ori’ba yini vusi yi ’di: Zefonini, ori’ba ’ba Zefonini ’diyi; Hagini, ori’ba ’ba Hagini ’diyi; Sunini, ori’ba ’ba Sunini ’diyi;

¹⁶Ozinini, ori’ba ’ba Ozinini ’diyi; Erini, ori’ba ’ba Erini ’diyi;

¹⁷Arodini, ori’ba ’ba Arodini ’diyi; Arelini, ori’ba ’ba Arelini ’diyi.

¹⁸’Diyi ori’ba Gadi anzipini, ’ba yini lale ’diyi vusi, yi alifu kali su drini turu towi.

¹⁹Yuda anzipi yi Eri pi Onani be; te Eri pi odra Onani be angu Kananinia.

²⁰Yuda anzipi ori’ba yini vusi yi ’di: Selani, ori’ba ’ba Selani ’diyi; Perezini, ori’ba ’ba Perezini ’diyi; Zerani, ori’ba ’ba Zerani ’diyi,

²¹Perezi anzipi yi ’di: Hezironini, ori’ba ’ba Hezironini ’diyi; Hamulini, ori’ba ’ba Hamulini ’diyi.

²²’Diyi ori’ba Yudani ’ba yini lale ’diyi vusi, yi alifu kali aziri drini azia drini turu towi.

²³Isakari ma anzipi ori’ba yini vusi yi ’di: Tolani, ori’ba ’ba Tolani ’diyi; Puvani, ori’ba ’ba Puvani ’diyi;

²⁴Yasubuni, ori’ba ’ba Yasubuni ’diyi, Simironini, ori’ba ’ba Simironini ’diyi.

²⁵’Diyi ori’ba Isakarini ’ba yini lale ’diyi vusi, yi alifu kali azia drini su drini turu na.

²⁶Zebuluni anzipi ori’ba yini vusi yi ’di: Seredini, ori’ba ’ba Seredini ’diyi; Elonini, ori’ba ’ba Elonini ’diyi; Yalelini, ori’ba ’ba Yalelini ’diyi,

²⁷’Diyi ori’ba ’ba Zebulunini ’ba yini lale ’diyi vusi, yi alifu kali azia drini turu towi.

²⁸Yusufu anzipi ori’ba yini vusi yi ’di: Manase pi Efiraimu be.

²⁹Manase anzipi: Makirini, ori’ba ’ba Makirini ’diyi, te Makiri ti ini Gileadinini; Gileadini, ori’ba ’ba Gileadini ’diyi.

³⁰Gileadi anzipi yi ’di: lezerini, ori’ba ’ba lezerini ’diyi; Helekini, ori’ba ’ba Helekini ’diyi;

³¹Asirielini, ori’ba ’ba Asirielini ’diyi; Sekemuni, ori’ba ’ba Seke,muni ’diyi;

³²Semidani, ori’ba ’ba Semidani ’diyi; Heferini, ori’ba ’ba Heferini ’diyi.

³³Te Zelofehadi Heferi mvi ma agianzi yo, te kiri ezoanzi a’dule: Zelofehadi ma ezoanzi ma ru Mala pi, Noa pi, Hogila pi, Milika pi, Tiriza pie.

³⁴’Diyi ori’ba ’ba Manaseni ’diyi ’ba yini lale ’diyi yi alifu kali towi drini iri drini turu aziri.

³⁵Efiraimu anzipi ori’ba yini vusi yi ’di Sutelani, ori’ba ’ba Sutelani ’diyi: Bekerini, ori’ba ’ba Bekerini ’diyi; Tahanini, ori’ba ’ba Tahanini ’diyi.

³⁶Anzi Sutelani yi ’di: Eranini, ori’ba ’ba Eranini ’diyi.

³⁷Efiraimu ma anzipi ma ori’ba, yini lale ’diyi vusi, yi alifu kali na drini iri drini turu towi. ’Diyi Yusufu anzipi ori’ba yini vusi.

³⁸Benyamini anzipi ori’ba yini vusi yi ’di: Belani, ori’ba ’ba Belani ’diyi; Asibelini, ori’ba ’ba Asibelini ’diyi; Ahiramuni,ori’ija ’ba Ahiramuni ’diyi;

³⁹Sefufamuni, ori’ba ’ba Sefufamuni ’diyi: Hufamuni, ori’ba Hufamuni’diyi.

⁴⁰Anzi Belani yi Aridi pi Naamani be: Aridini, ori’ba ’ba Aridini ’diyi; Naamanini, ori’ba ’ba Naamanini ’diyi.

⁴¹’Diyi Benyamini anzipi, ori’ba yini vusi; ’ba yini lale ’diyi yi alifu kali su drini towi drini turu azia.

⁴²Dani anzipi ori’ba yini vusi yi ’di: Suhamuni, ori’ba ’ba Suhamuni ’diyi. ’Diyi ori’ba Danini ori’ba yini vusi.

⁴³’Ba Suhamuni ma ori’ba ’ba dria yini lale ’diyi vusi yi ’ba alifu kali azia drini su drini turu suo

⁴⁴Aseri anzipi ori’ba yini vusi yi ’di: minani, ori’ba ’ba minani ’diyi; Isivini, ori’ba ’ba Isivini ’diyi; Beriani, ori’ba ’ba Beriani ’diyi.

⁴⁵Beria anzipini: Heberini, ori’ba ’ba Heberini ’diyi: Malikielini, ori’ba ’ba Malikielini ’diyi.

⁴⁶Aseri zi ma ru Sera’i.

⁴⁷’Diyi Aseri anzipi ma ori’ba, ’ba yini lale ’diyi vusi, yi alifu kali towi drini na drini turu su.

⁴⁸Nafutali anzipi ori’ba yini vusi yi ’di: Yazeelini, ori’ba ’ba Yazeelini ’diyi; Gunini, ori’ba ’ba Gunini ’diyi;

⁴⁹Yezerini, ori’ba ’ba Yezerini ’diyi; Silemuni, ori’ba ’ba Silemuni ’diyi.

⁵⁰’Diyi ori’ba Nafutalini, ori’ba yini vusi; ’ba yini lale ’diyi ma kalafe yi alifukali su drini towi driniturusu.

⁵¹’Diyi ’ba yini lale anzi Israelini ma eselia ’diyi, yi alifu turu azia drini alu, drini turu aziri drini kali na,

⁵²Yehova nga ’yo Musa ma ria kini:

⁵³Yi ma awa angu nde ’ba ’diyi dri awurusoru ru yini ma kalafe vusi.

⁵⁴Suru ovupi ’ba be tu ’diyi dri mi ma fe awuruso amboru, te suru ovupi ’ba be were ’diyi dri mi ma fe awuruso were; mi ma fe angu suru alu alu dri awurusoru ’ba erini yini yi ma kalafe lale ’diyi vusi.

⁵⁵Te yi nga angu awa odrisi ’bezasi; yi nga angu nya yiniru suri yi ma a’bipini ’diyi ma ru vusi.

⁵⁶Yi nga angu yini awurusoruri awa suru ambo ambo ’diyi pi ma eselia suru were were ’diyi be odrisi ’bezasi, Suru Levini

⁵⁷’Ba yini lale ’ba Levini ma eselia ori’ba yini vusi ’diyi yi ’di: Gerisonini, ori’ba ’ba Gerisonini ’diyi; Kohatini, ori’ba ’ba Kohatini ’diyi; Merarini, ori’ba ’ba Merarini ’diyi.

⁵⁸Levi ma ori’ba yi ’di: Ori’ba ’ba Libinini ’diyi pi, ori’ba ’ba ’Hebironini ’diyi pie, ori’ba ’ba Malini ’diyi pie, ori’ba ’ba Musini ’diyi pie, ori’ba ’ba Korani ’diyi pie. Kohati ti ini Amuramunini.

⁵⁹Oku Amuramuni ma ru Yokebedi’i, eri Levi ma zi, tile Levi dri Misiriari’i; eri oti Amuramu dri Aroni pi, Musa pie, yi amvipi Miriamu pie.

⁶⁰Aroni oti nu Nadabu pi, Abihu pi, Eleazari pi, Itamari pie.

⁶¹Te Nadabu pi odra Abihu be ra, yini aci nduri feria Yehova ma driliaria.

⁶²’Ba yini lale yi ma eselia ’diyi ma kalafe yi alifu kali iri drini na, ’ba agupire ’diyi dria e’dozu anzi capi mba be alu ’diyisi muzu drile; a’disiku lani yi ma kalafe anzi Israelini ma eselia ku, yini awuruso fele yi dri anzi Israelini ma eselia kurisi.

⁶³’Diyi ’ba Musa pini lale Eleazari be ’diyi, yi la anzi Israelini ma kalafe angu dala Moabuni ma alia, Yoridani ma tia, Yerikoa,

⁶⁴Te ’ba ’diyi ma eselia ’ba ndraka Musa pini yi ma kalafe lale kuhani Aroni be oko ’diyi ma azi acepini aluni yo; ’ba ’diyi la ndra anzi Israelini ma kalafe oko roko Sinaiaria.

⁶⁵A’disiku Yehova ’yo ndra yi ma tia, Yi nga odra angu roko driari ma alia ada ada. ’Ba yini acepini aluni yo, pe lu Kalebu Yefune mvi pi Yosua Nuni mvi be aceni a’dule.