Read lugbara Kalafe 29 Bible Online

Kalafe 29 - lugbara bible

Kalafe 29

¹Emi ma ’ba okuza alatararu mba aziriri ma mbao’du okorisi; emi ma nga azi okporuri aluni ku. Eri ovu emi dri o’du ’bani guka vuzuri’i;

²emi ma fe edeta vezaru afa aji be arikariruriru Yehova dri monio aluduru alu, kabiloago alu, kabiloanzi agoru nyibile kokoru capi eli be alu alu ’diyi aziri;

³edeta yini anyafurasi ’diyi be, anyafura inikiniru osale odusi abaka ma aliari ma esele mudri ’diyi ma azi na monio aludururisi, azini esele mudri ’diyi ma azi iri kabiloagorisi,

⁴azini esele mudri ’diyi ma azi alu kabiloanzi aziri ’diyi ma alu alu vusi

⁵ndriago alu edeta e’yo onzi edezuriru, e’yo onzi emini edezu;

⁶ma ede eri edeta veza mba o’dirusiri pi be tualu edeta erini anyafurasiri be, edeta yini afa mvuzasi ’diyi pie, ekile yi ma azitani ovulerile, eri ma ovu afa aji be arikariru, edeta edele acisi Yehova dririru.

⁷Mba aziriri ma o’du mudririsi emi ma ’ba okuza alatararu, emi ma ecandi emi orindi; emi ma nga azi okporuri aluni ku,

⁸te emi ma fe edeta vezaru Yehova dri afa aji be arikariruriru: monio aluduru alu, kabiloago alu, kabiloanzi agoru capi eli be alu alu ’diyi aziri, yi ma ovu emi dri nyibile kokoru;

⁹edeta yini anyafurasi ’diyi be, anyafura inikiniru osale odusi abaka ma aliari ma esele mudri ’diyi ma azi na monio aludururisi, esele mudri ’diyi ma azi iri kabiloagorisi,

¹⁰esele mudri ’diyi ma azi alu kabiloanzi aziri ’diyi ma alu alu vusi;

¹¹emi ma fe vini ndriago edeta e’yo onzi edezuriru, ma fe yi edeta e’yo onzi edezuri pi be tualu, edeta veza i depi kuri pie, edeta yini anyafurasi ’diyi pie, edeta yini afa mvuzasi ’diyi pie.

¹²Mba aziriri ma o’du mudri drini towirisi, emi ma ’ba okuza alatararu; emi ma nga azi okporuri aluni ku, te emi ma mba omu ma ta Yehova dri o’du aziri;

¹³emi ma fe edeta vezaru edeta edele acisi afa aji be arikariru Yehova driri: monio aluduru ’diyi mudri drini na, kabiloago iri, kabiloanzi agoru capi eli be alu alu ’diyi mudri drini su; yi ma ovu nyibile kokoru

¹⁴edeta yini anyafurasiri be, anyafura inikiniru osale odusi abaka ma aliari ma esele mudri ’diyi ma azi na, monio aluduru ’diyi ma alu alu vusi, esele mudri ’diyi ma azi iri kabiloago iri ’diyi ma alu alu vusi,

¹⁵esele mudri ’diyi ma azi alu kabiloanzi mudri drini su ’diyi ma alu alu vusi;

¹⁶ma fe vini ndriago alu edeta e’yo onzi edezuriru, ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri be.

¹⁷0’du iririsi emi ma fe edetaru monio aluduru ’diyi mudri drini iri, kabiloago iri, kabiloanzi agoru nyibile kokoru capi eli be alu alu ’diyi mudri drini su,

¹⁸edeta yini anyafurasiri pie, edeta yini afa mvuzasi ’diyi be, monio aluduru ’diyi pisi, kabiloago ’diyi pie, kabiloanzi pie, kalafe yini vusi ekile azitani lelerile;

¹⁹ma fe vini ndriago alu edeta e’yo onzi edezuriru, ma fe yi edeta veza i depi kuri pi be tualu, edeta erini anyafurasiri pie, edeta yini afa mvuzasi ’diyi pie.

²⁰O’du narisi monio aluduru mudri drini alu, kabiloago iri, kabiloanzi agoru nyibile kokoru capi eli be alu alu ’diyi mudri drini su,

²¹edeta yini anyafurasiri pie, edeta yini afa mvuzasi ’diyi be, monio aluduru ’diyi pisi, kabiloago ’diyi pie, kabiloanzi pie, kalafe yini vusi ekile azitani lelerile;

²²ma fe vini ndriago alu edeta e’yo onzi edezuriru,ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri pie.

²³O’du surisi monio aluduru mudri, kabiloago in, kabiloanzi agoru nyibile kokoru capi eli be alu alu ’diyi mudri drini su,

²⁴edeta yini anyafurasiri pie, edeta yini afa mvuzasi ’diyi be, monio aluduru ’diyi pisi, kabiloago ’diyi pie, kabiloanzi pie, kalafe yini vusi ekile azitani lelerile;

²⁵ma fe vini ndriago alu edeta e’yo onzi edezuriru, ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri pie.

²⁶O’du towirisi monio aluduru oromi, kabiloago iri, kabiloanzi agoru nyibile kokoru capi eli be alu alu ’diyi mudri drini su,

²⁷edeta yini anyafurasiri pie, edeta yini afa mvuzasi ’diyi be, monio aluduru ’diyi pisi, kabiloago ’diyi pie, kabiloanzi pie, kalafe yini vusi azitani lelerile;

²⁸ma fe vini ndriago alu edeta e’yo onzi edezuriru; ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri pie.

²⁹O’du aziarisi monio aluduru aro, kabiloago iri, kabiloanzi agoru nyibileko kokoru capi eli be alu alu ’diyi mudri drini su,

³⁰edeta yini anyafurasiri pie, edeta yini afa mvuzasi ’diyi pie, monio aluduru ’diyi pisi, kabiloago ’diyi pie, kabiloanzi pie, kalafe yini vusi azitani lelerile;

³¹ma fe vini ndriago alu edeta e’yo onzi edezuriru; ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasi ’diyi pie.

³²O’du aziririsi monio aluduru aziri, kabiloago iri, kabiloanzi agoru nyibileko kokoru capi eli be alu alu ’diyi mudri drini su,

³³edeta yini anyafurasiri pie, edeta yini afa mvuzasi ’diyi pie, monio aluduru ’diyi pisi, kabiloago ’diyi pie, kabiloanzi pie, kalafe yini vusi azitani lelerile;

³⁴ma fe vini ndriago alu edeta e’yo onzi edezuriru; ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri pie.

³⁵O’du arorisi emi ma ’ba okuza inzitaruri: emi ma nga azi okporuri aluni ku,

³⁶te emi ma ede edeta vezaru, edeta edele acisi aji be arikariru Yehova driri: monio aludururi alu, kabiloago alu, kabiloanzi agoru nyibileko kokoru capi eli be alu alu ’diyi aziri,

³⁷edeta yini anyafurasiri pie, edeta yini afa mvuzasi ’diyi pie, monio aludururi pisi, kabiloago pie, kabiloanzi pie, ma ovu yi ma kalafeni ovulerile, azitani lelerile;

³⁸ma fe vini ndriago alu edeta e’yo onzi edezuriru, ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri pie.

³⁹Emi ma fe edeta ’diyi Yehova dri omu emini ovupi pezaru azitasi ’diyi vusi, tualu afa fele oyo sozasi ’diyi pi be, afa fele ceni ’diyi pie, edeta emini vezaru ’diyi pisi, edeta emini edele anyafurasi ’diyi pie, edeta emini afa mvuzasi ’diyi pie, edeta emini asi anzuruni ’diyi pie.

⁴⁰Musa nga e’yo olu anzi Israelini ’diyi ma tia ekile e’yo dria Yehovani azile Musa ma tiarile.