Read lugbara Kalafe 33 Bible Online

Kalafe 33 - lugbara bible

Kalafe 33

¹Aci Israeli anzipini yini efuria angu Misiriariasi ongulumu yini vusi ongulumu yini vusi Musa pini yi dri ceria Aroni beria ’diyi yi ’di.

²Musa nga efuza yini si acita yini vusi, Yehovani eri azilerisi: i acita yini efuza yini vusi ’diyi yi ’di.

³Yi ko dri acizu Ramesesiasi mba okori ma alia, mba okori ma o’du mudri drini towirisi; o’du agaza ’ba drilesiri ma vutiarisi anzi Israelini efu arumadrisi ’ba Misiria ’diyi ma milia dria,

⁴de ’ba Misiria ’diyini riria yi ma aliriaanzi otile oko Yehovani ofule yi ma eselia ’diyi dria osaria; Yehova ’ye vini e’yo liza adrou yini ’diyi ma ruaa indio

⁵Anzi Israelini nga dri ko acizu Ramesesiasi, nga hema aso Sukotia.

⁶Yi nga dri ko acizu Sukotiasi, nga hema aso Etamu ovupi roko ma tiaria.

⁷Yi nga dri ko acizu Etamuasi, nga yi oja vile cazu kpere Pihahiroti ovupi Baali-zefoni ma driliaria; yi nga hema aso Migidoli ma drilia.

⁸Yi nga dri ko acizu pari Hahiroti ma driliariasi, nga zo miri ma ale agaduarisi fizu rokoa; yi mu aci o’du na roko Etamuaria, nga hema aso Maraa.

⁹Yi nga dri ko acizu Maraasi, nga ca Elimua; Elimua yi a’di mudri drini iri indi, itu pati kali aziri ’diyi be; yi nga hema aso ’daa.

¹⁰Yi nga dri ko acizu Elimuasi, nga hema aso Miri Ekaruri ma tia.

¹¹Yi nga dri ko acizu Miri Ekaruriasi, nga hema aso roko Siniaria.

¹²Yi nga dri ko acizu roko Siniariasi, nga hema aso Dofikaa.

¹³Yi nga dri ko acizu Dofikaasi, nga hema aso Alusia.

¹⁴Yi nga dri ko acizu Alusiasi, nga hema aso Refidimu, pari yi mvuzani ovuzu ’ba dri yoria.

¹⁵Yi nga dri ko acizu Refidimuasi, nga hema aso roko Sinaiaria.;

¹⁶Yi nga dri ko acizu roko Sinaiariasi, nga hema aso Kibiroti-hatavaa.

¹⁷Yi nga dri ko Kibiroti-hatavaasi, nga hema aso Hazerotia.

¹⁸Yi nga i dri ko acizu Hazerotiasi, nga hema aso Ritimaa.

¹⁹Yi nga dri ko acizu Ritimaasi, nga hema aso Rimoni-perezia.

²⁰Yi nga dri ko acizu Rimoni-pereziasi, nga hema aso Libinaa.

²¹Yi nga dri ko acizu Libinaasi, nga hema aso Risaa.

²²Yi nga dri ko acizu Risaasi, nga hema aso Kehelataa.

²³Yi nga dri ko acizu Kehelataasi, nga hema aso oni Seferi ma dria.

²⁴Yi nga dri ko acizu oni Seferiasi, nga hema aso Haradaa.

²⁵Yi nga dri ko acizu Haradaasi, nga hema aso Makelotia.

²⁶Yi nga dri ko acizu Makelotiasi, nga hema aso Tahatia.

²⁷Yi nga dri ko acizu Tahatiasi, nga hema aso Teraa.

²⁸Yi nga dri ko acizu Teraasi, nga hema aso Mitikaa.

²⁹Yi nga dri ko acizu Mitikaasi, nga hema aso Hasimonaa.

³⁰Yi nga dri ko acizu Hasimonaasi, nga hema aso Moserotia.

³¹Yi nga dri ko acizu Moserotiasi, nga hema aso Bene-yakania.

³²Yi nga dri ko acizu Bene-yakaniasi, nga hema aso Hori-hagidigadia,

³³Yi nga dri ko acizu Hori-hagidigadiasi, nga hema so Yotibataa.

³⁴Yi nga dri ko Yotibataasi, nga hema aso Abironaa.

³⁵Yi nga dri ko acizu Abironaasi, nga hema aso Ezioni-geberia.

³⁶Yi nga dri ko acizu Ezioni-geberiasi, nga hema aso roko Ziniaria (pari nde Kadesi’i).

³⁷Yi nga dri ko acizu Kadesiasi, nga hema aso oni Horia, angu Edomuni ma kalatia.

³⁸Kuhani Aroni nga tu oni Hori ma dria azita Yehovani azilerisi, nga dra ’dale ewu anzi Israelinini efuzu angu Misiriasiri ma vutia eli kali suri ma mba towiri ma mbao’du alurisi.

³⁹De Aroni ma eli ca turu alu drini kali iri drini na, o’du erini drazu oni Hori ma driarisi.

⁴⁰Te ’ba Kananini, opi Aradia ovupi angu Kananini ma kala Uruleruriari nga e’yo Israeli anzipini emuzuri eri ra.

⁴¹Yi nga dri ko acizu oni Horiasi, nga hema aso Zalimonaa.

⁴²Yi nga dri ko acizu Zalimonaasi, nga hema aso Punonia.

⁴³Yi nga dri ko acizu Punoniasi, nga hema aso Obotia.

⁴⁴Yi nga dri ko acizu Obotiasi, nga hema aso ye-abarimu Moabu ma kalatiaria.

⁴⁵Yi nga dri ko acizu yimuasi, nga hema aso Diboni-gadia,

⁴⁶Yi nga dri ko acizu Diboni-gadiasi, nga hema aso Alimoni-dibilataimua.

⁴⁷Yi nga dri ko acizu Alimoni-dibilataimuasi, nga hema aso oni Abarimua ’diyi ma eselia Nebo ma drilia.

⁴⁸Yi nga dri ko acizu oni Abarimua ’diyiasi, nga hema aso angu dala Moabunia, Yoridani ma tia, Yerikoa;

⁴⁹yi nga hema aso Yoridani ma tia, engazu Beti-yesimotia kpere cazu Abelisitimua angu dala Moabuni ma alia.

⁵⁰Yehova nga ’yo Musa ma tia angu dala Moabunia, Yoridani ma tia Yerikoa, kini,

⁵¹Mi olu e’yo anzi Israelini ma tia, mi ’yo yi ma tia kini, Emi ka nga Yoridanini zo fizu angu Kananini ma alia,

⁵²emi ma odro ’ba angu nde ma e’ipiru ’diyi emi driliasi dria, emi ma eza oni yini wura opazu yi ma ruaa ’diyi dria, emi ma eza wura yini inzile inzi edele aya akapi acisirisi ’diyi dria, emi ma eza vini pari yini uruleru ’diyi dria ra indi;

⁵³emi ma bi angu nde eminiru, emi ma ovu alenia, a’disiku ma fe angu nde emi dri ’bo, emini ani eri nyazu afa eminiru,

⁵⁴Emi nga angu nya emi ma awurusoru odrisi ’bezasi, ori’ba emini vusi ori’ba emini vusi; suru ovupi ’ba be tre ’diyi dri emi ma fe angu walaru yi dri awurusoru, te suru ovupi ’ba be were ’diyi dri emi ma fe angu were yi dri awurusoru; odrisi ka ’de ’ba azinini angu fezu eri dri, angu nde nga ovu erini; emi nga angu nya emi a’bipi ma suruti vusi.

⁵⁵Te emi ka nga ’ba angu e’ipiru ’diyi odro emi driliasi ku, ka’dini ’ba yi ma eselia emini kule acezu ’diyi nga ovu afa emi mile osopi ’diyile, azini oci emi eje osopi ’diyile, yi nga emi ecandi angu emini ovuzu aleniaria.

⁵⁶Te eri nga eca ’dini, ma nga emi ’ye ra ekile mani egale te ’yezu yi vurile.