Read lugbara Kalafe 34 Bible Online

Kalafe 34 - lugbara bible

Kalafe 34

¹Yehova nga ’yo Musa tia kini,

²Mi azi e’yo anzi Israelini dri, mi ’yo yi tia, Emi ka nga ca angu Kananinia ra (’di angu ngapi ’depi emi dri awurusoru, adani angu Kananini kalati erini vusiri’i),

³woko emini uruleruri nga e’do roko Ziniarisi agazu Edomu ma kala a, kalati emini uruleruri nga enga Miri A’iruri ma kala asizuria etuni efurialeru;

⁴lokiri emini nga i oja pari ’bani tuzu Akirabimuari ma kala uruleruria agazu drile kpere Zinia, asizaniri nga ovu Kadesi-barinea ma kala uruleruria; eri nga ca Hazariadaria agazu kpere Azimonia;

⁵Lokiri nde nga i oja engazu Azimoniasi cazu Yi Ara Misiriaria, asizaniri nga ovu Miri ma tia.

⁶Lokiri emini etuni ’derialeruri nga ovu Miri Amboruri ma kuti; ’di lokiri emini kala etuni ’derialeruriari’i.

⁷Lokiri emini andraleruri ’eli: engazu Miri Amboruria emi ma si lokiri emini kpere oni Horia;

⁸te engazu oni Horiasi emi ma si lokiri nde cazu pari ’bani fizu Hamatiaria, lokiri nde ma kalati asizuri nga ovu Zedadia;

⁹lokiri nde nga fu ca Zifirkonia, asizaniri nga ovu Hazarienania; ’di lokiri emini andraleruri’i.

¹⁰Emi ma si lokiri emini etuni efurialeruri engazu Hazari-enaniasi kpere Sefamua;

¹¹lokiri nde nga si va engazu Sefamuasi kpere Ribilaa Aini ma kala etuni efurialeroria; lokiri nde nga si va cazu kpere miri Cineretiari ma kala etuni efurialeruria;

¹²lokiri nde nga si va Yoridania, asizaniri nga ovu Miri A’iruria. ’Di angu emini, kalati eri ma ageia kururini ovulerile.

¹³ Musa nga e’yo azi Israeli anzipi dri kini, ’Di angu emini ngale nyale emi ma awurusoro odrisi ’bezasi, Yehovani azile fezu suru oromi ’diyi pi dri suru ali nderi beri’i;

¹⁴a’disiku suru anzi Rubenini suruti yi ma a’bipini vusi ’diyi pi isu awuruso yini ’bo, suru anzi Gadini suruti yima a’bipini vusi ’diyi pie, suru ali Manaseni be;

¹⁵suru iri ’diyi pi suru ma ali nderi be, isu awuruso yini Yoridani ma tia ’aa’dasi Yerikoa, kala etuni efuzurialeruria ’bo.

¹⁶Yehova nga ’yo Musa ma tia kini,

¹⁷’Ba ngapi angu awapi emi dri emi ma awurusoru ’diyi ma ru yi ’di: kuhani Eleazari pi Yosua Nuni mvi be.

¹⁸Emi ma ope vini opi alu alu suru vusi suru vusi, angu awazu awurusoru indi.

¹⁹’Ba’diyi ma ru yi ’di: suru Yudaniri ma eselia eri Kalebu Yefune mvi’i.

²⁰Suru anzi Simeoniniri ma eselia eri Semueli Amihudi mvi’i.

²¹Suru Benyamininiri ma eselia eri Elidadi Kisiloni mvi’i.

²²Suru anzi Daniniri ma eselia eri opi Buki, Yogili mvi’i.

²³Anzi Yusufuni: suru anzi Manaseniri ma eselia eri opi alu Hanieli, Efodi mvi’i.

²⁴Suru anzi Efiraimuniri ma eselia eri opi alu Kemueli, Sifitani mvi’i.

²⁵Suru anzi Zebuluniniri ma eselia eri opi alu Elizafani, Parinaki mvi’i.

²⁶Suru anzi Isakariniri ma eselia eri opi alu Palitieli, Azani mvi’i.

²⁷Suru anzi Aseriniri ma eselia eri opi alu Ahihudi Selomi mvi’i.

²⁸Suru anzi Nafutaliniri ma eselia eri opi alu Pedaheli, Amihudi mvi’i.

²⁹’Diyi Yehovani azile awuruso awazu anzi Israelini dri angu Kananinia ’diyi.